'मुलाला बजरंगबलीने...', टायगर श्रॉफवर थरारक गोळीबारानंतर आई आयशा श्रॉफ यांची पोस्ट चर्चेत

रविवारी 18 ऑक्टोबरला बॉलिवूड अभिनेता टायगर श्रॉफच्या कारवर गोळीबार झाला. यात अभिनेता अगदी थोडक्यात बचावला आहे. दोन हल्लेखोऱ्यांनी टायगर श्रॉफच्या कारवर अगदी जवळून पाच ते सहा राऊंड फायरिंग केली. या थरारक हल्ल्यामध्ये टायगरचा ड्रायव्हर आणि एक चाहता गंभीर जखमी झाला. त्यानंतर चर्चा सुरु झाली की टायगर श्रॉफला एकही गोळी कशी लागली नाही. याबद्दल खुद्द अभिनेत्यानेही त्या दिवसाच्या थरारक अनुभव पोलिसांना सांगताना खुलासा केलाय. पण आता टायगर श्रॉफची आई आयशा श्रॉफ यांनी सोशल मीडियावर पोस्ट करत आपल्या मुलाला कोणी वाचवलं याबद्दल सांगितलं आहे. 

आयशा श्रॉफ यांनी काय पोस्ट केली?

टायगर श्रॉफची आई आयशा श्रॉफ यांनी आपल्या इन्स्टाग्राम स्टोरीवर एक फोटो शेअर केला. ज्यामुळे त्या चर्चेत आल्या आहेत. या फोटोमध्ये त्यांनी टायगरच्या कारच्या डॅशबोर्डवर हनुमान चालीसा आहे, असं दिसतंय. या फोटोसोबत त्यांनी लिहिलंय की, हनुमानजींनी त्यांच्या मुलाचे रक्षण केलं आहे. हनुमान चालीसामध्ये अपार शक्ती आहे. या फोटमधून त्यांची हनुमान यांच्यावरील श्रद्धा दिसून येतं आहे. 

पण आयशा यांच्या या पोस्टमुळे सोशल मीडियावर वेगवेगळ्या चर्चा रंगल्या आहे. अनेक यूजर्सने अभिनेत्याला धार्मिक श्रद्धेशी जोडलं आहे. आयशा यांची ही पोस्ट त्यांची वैयक्तिक विश्वास आणि श्रद्धेवर आधारीत आहे. 

धीरेंद्र कृष्ण शास्त्री यांच्यासोबतही टायगरचा फोटो 

आयशा श्रॉफ यांच्या पोस्टमधील आणखी एका फोटोची जोरदार चर्चा सुरू आहे. तो फोटो म्हणजे टायगर श्रॉफ आणि कथावाचक धीरेंद्र कृष्ण शास्त्री यांच्यासोबतचा आहे. या फोटोमध्येही हनुमान चालीसाचे पुस्तक दिसत आहे. यातूनही अभिनेत्याची श्रद्धेचा दिसून येत आहे. 

या पोस्टमधून या घटनेबाबत लोकांमध्ये वेगवेगळ्या प्रकारच्या चर्चा सुरू झाली आहे. टायगरच्या कारवर झालेल्या गोळीबाराच्या घटनेनंतर हनुमान चालीसा आणि धीरेंद्र कृष्ण शास्त्री यांच्यासोबतचे फोटो आणि आयशा श्रॉफ यांची पोस्ट सोशल मीडियावर चर्चेचा विषय बनली आहे.