टायगर श्रॉफ गोळीबार प्रकरणात मोठा ट्विस्ट! मुंबई पोलिसांकडून मोठा खुलासा, तो हल्लेखोर...

अभिनेता टायगर श्रॉफ गोळीबार प्रकरणात नवी माहिती समोर आली आहे. टायगर श्रॉफची गाडी बुलेटप्रूफ नव्हती. तसंच हल्लेखोरांचा हत्या करण्याचा हेतू होता असा खुलासा मुंबई पोलिसांनी केला आहे. गाडीवर गोळीबार करण्यापूर्वी 15 ते 20 मिनिटे हल्लेखोर घटनास्थळावर होते. दोन बाईकवरून तीन लोक आले होते अशी माहिती त्यांनी दिली आहे. सर्वात धक्कादायक बाब म्हणजे, आरोपीमध्ये कोणीही अल्पवयीन नसल्याचा मोठा खुलासा पोलिसांनी केला आहे.

आधी मिळालेल्या माहितीनुसार, आरोपींपैकी एक जण हरियाणातील सोनीपत येथील 17 वर्षीय अल्पवयीन मुलगा होता. मात्र तो अल्पवयीन नसल्याचं आता पोलिसांनी सांगितलं आहे. इतर दोघांची ओळख पटली असून, त्यात बिहारमधील बेगुसरायचा रहिवासी असलेला 22 वर्षीय रितिक कुमार ऊर्फ रोशन (जो सध्या मुंबईतील अंधेरी पश्चिम भागात राहतो आणि 'रॅपिडो' रायडर म्हणून काम करतो) आणि हरियाणातील सोनीपतचा 18 वर्षीय रेहान आहे.

तीन आरोपींपैकी दोघे कथितरित्या भाडोत्री हल्लेखोर होते, तर तिसऱ्या व्यक्तीने हल्ल्यानंतर त्यांना पळून जाण्यास मदत केल्याचा संशय आहे. आरोपी गोळ्या झाल्यानंतर अंधेरीकडे गेले.
तिथून ते रस्तेमार्गे सुरतला गेले आणि सुरतवरून त्यांनी पुणे जयपूर एक्सप्रेस पकडली.

VIDEO | Tiger Shroff firing case: Mumbai Crime Branch DCP Raj Tilak Roushan says, "The Crime Branch formed around 20 special teams to investigate the firing at a film actor's car. Based on fieldwork, technical analysis and CCTV footage, the teams traced the motorcycle used in the crime and tracked the accused to Surat, from where they boarded the Pune-Jaipur Express. The exact coach was identified, and Kota Police apprehended the accused following a tip-off. The process of bringing them to Mumbai is underway. We received assistance from the Delhi, Gujarat and Rajasthan police. The accused were apprehended on the basis of our teamwork, fieldwork and technical analysis. Further investigation is underway to establish the role of others in the incident. Initially, charges under the attempt to murder provisions and the Arms Act have been invoked. As we uncover further leads and identify more accused, action will be taken against all those involved, and they will be arrested." (Full video available on PTI Videos - https://t.co/bIyFWTfmBd)

— Press Trust of India (@PTI_News) October 19, 2026

मुंबई गुन्हे शाखेचे पोलीस उपायुक्त (DCP) राज तिलक रोशन यांनी सांगितले की, "गोळीबाराच्या घटनेचा तपास करण्यासाठी गुन्हे शाखेने सुमारे 20 विशेष पथके तयार केली होती. प्रत्यक्ष पाहणी, तांत्रिक विश्लेषण आणि सीसीटीव्ही फुटेजच्या आधारे, पथकांनी गुन्ह्यात वापरलेली मोटारसायकल शोधून काढली आणि आरोपींचा मागोवा घेत त्यांना सुरतपर्यंत गाठले. तिथून त्यांनी पुणे-जयपूर एक्सप्रेस पकडली होती. ते ज्या डब्यात (कोचमध्ये) प्रवास करत होते, त्याची ओळख पटवण्यात आली आणि मिळालेल्या गुप्त माहितीच्या आधारे कोटा पोलिसांनी त्यांना ताब्यात घेतले. त्यांना मुंबईत आणण्याची प्रक्रिया सुरू आहे. या कामगिरीत आम्हाला दिल्ली, गुजरात आणि राजस्थान पोलिसांचे सहकार्य मिळाले. आमचे सांघिक प्रयत्न, प्रत्यक्ष पाहणी आणि तांत्रिक विश्लेषण यांच्या जोरावर आरोपींना पकडण्यात यश आले आहे. या घटनेत इतर कोणाचा सहभाग आहे का, याचा तपास सुरू आहे. सुरुवातीला, हत्येचा प्रयत्न आणि शस्त्र कायदा अंतर्गत गुन्हे दाखल करण्यात आले आहेत. जसे जसे नवीन पुरावे समोर येतील आणि इतर आरोपींची ओळख पटेल, तसतसे यात सामील असलेल्या सर्वांवर कठोर कारवाई केली जाईल आणि त्यांना अटक केली जाईल."

राजस्थान, गुजरात आणि दिल्ली पोलीस यांच्या मदतीने त्यांना कोटा इथं पकडण्यात आलं आहे. तसंच मुंबई पोलिसांनी आरोपींना ताब्यात घेतले आहे. लवकरच त्यांना मुंबईत आणले जाईल यादरम्यान जी ऑडिओ क्लिप व्हायरल होत आहे ती आणि जुन्या ऑ़डिओ क्लिप यातील आवाज मिळते जुळते वाटत असल्याचा पोलिसांचा अंदज आहे. लॉरेन्स बिश्नोई गँगच्या लोकांचे आवाज इतर राज्यातील धमक्यांच्या ऑडिओ क्लिपसोबत मॅच होताहेत का हे तपासण्याचे काम सुरू आहे

आरोपींनी फायरिंग नंतर पिस्तुल फेकून दिले असल्याचा अंदाज आहे. मागील 20 दिवसापासून आरोपी मुंबईत होते. मागील रविवारी त्यांनी मैदानाची रेकी केली होती. मागील रविवारच्या सीसीटीव्ही फुटेज मध्येही ते दिसत आहेत . 11 सप्टेंबरला त्यांनी बाईक घेतली होती, पण ती कुटून आली होती याची माहिती घेतली जात आहे. ही बाईक सध्या पोलिसांनी ताब्यात घेतली आहे.