यामी गौतम आणि आदित्य धर मुंबई सोडणार? कारण काय? दिग्दर्शकाच्या टीमकडून मोठा खुलासा

बॉलिवूड अभिनेत्री यामी गौतम आणि चित्रपट निर्माते आदित्य धर मुंबई सोडून हिमाचल प्रदेशात स्थायिक होण्याच्या तयारीत असल्याच्या बातम्या समोर आल्या होत्या. यामी आणि आदित्य, त्यांचा मुलगा वेदविद धर याच्यासह, हिमाचल प्रदेशला आपले कायमचे घर बनवण्याची तयारी करत असल्याचा दावा करण्यात आला होता.

अहवालात केलेला मोठा दावा

खरं तर, एनडीटीव्हीच्या एका वृत्तानुसार यामी गौतम आणि आदित्य धर मुंबई सोडून कायमस्वरूपी हिमाचल प्रदेशात स्थायिक होत असल्याचा दावा करण्यात आला होता. या वृत्तानुसार, त्या दोघांना मुंबईच्या धावपळीपासून आणि सततच्या प्रसिद्धीपासून दूर, अधिक शांत जीवन जगायचे होते. पण आदित्य धरच्या टीमने आता ही बातमी खोटी असून ती फेटाळून लावलयं.

आता, 'धुरंधर'चे दिग्दर्शक आदित्य धर यांच्या टीमने या वृत्तांमागील सत्यतेला दुजोरा दिला आहे. 'स्क्रीन'शी बोलताना, दिग्दर्शकाच्या टीमने हे दावे फेटाळून लावलंय. टीम म्हणाली, "नाही. ही बातमी कोण पसरवत आहे?" टीमच्या या वक्तव्यावरून हे स्पष्ट होतं की, यामी आणि आदित्य कायमस्वरूपी हिमाचल प्रदेशात राहण्यासाठी मुंबई सोडून जात नाहीत.

यामी गौतम मूळची हिमाचल प्रदेशची असून, तिचे कुटुंबही तिथेच राहते. हे राज्य तिच्यासाठी केवळ भेट देण्याचे किंवा सुट्ट्या घालवण्याचे ठिकाण नाही; तर तिच्याशी त्याचे एक घट्ट नाते आहे. तिच्या लग्नापूर्वी, यामीने मंडीतील गोहर येथे जवळपास १०० वर्षे जुने एक ऐतिहासिक घर विकत घेतले. हे घर २५ एकर जमिनीवर वसलेले आहे. यामी आणि आदित्य यांचे लग्न जून २०२१ मध्ये हिमाचल प्रदेशातील त्यांच्या घरी झाले.

 

 

 

 

View this post on Instagram

 

 

 

 

 

 

 

 

 

 

 

A post shared by Yami Gautam Dhar (@yamigautam)

बॉलिवूड अभिनेत्री यामी गौतम सध्या तिच्या आगामी 'नई नवेली' या चित्रपटामुळे चर्चेत आहे. या चित्रपटाचे दिग्दर्शन बालाजी मोहन यांनी केले असून, आनंद एल. राय आणि हिमांशू शर्मा यांनी याची निर्मिती केली आहे. मेरठमध्ये चित्रित झालेल्या या चित्रपटात यामीने मोहिनीची भूमिका साकारली आहे. 'नई नवेली' १६ ऑक्टोबर २०२६ रोजी चित्रपटगृहांमध्ये प्रदर्शित होणार आहे.