SOCIAL MEDIA

Newsletter

PARTNER SITES
Select Language Select State

...म्हणून AI विरुद्ध अनेक देशांमध्ये आंदोलनं! हजारोंच्या संख्येनं लोक रस्त्यावर; 'मायक्रोसॉफ्ट'च्या डेटा सेंटरमध्ये घुसले आंदोलक

एकीकडे एआयमुळे जग बदलेलं असं सांगितलं जात असताना दुसरीकडे एआयविरुद्ध लोक रस्त्यावर उतरल्याचं पाहायला मिळत आहे. नेमकं युरोपमध्ये चाललंय काय? जाणून घ्या सविस्तरपणे...

Reported By Swapnil Ghangale Written By Swapnil Ghangale
Published: Nov 10, 2026, 12:20 IST | Updated: Nov 10, 2026, 12:24 IST
Image Credit: अनेक देशांमध्ये लोक रस्त्यावर (फोटो सौजन्य - 'रॉयटर्स'वरुन साभार)
Join

भविष्यातील जग हे एआय म्हणजेच आर्टिफिशियल इंटेलिजन्सचं असेल, ज्याला एआयशी जळवून घेता येणार नाही तो कालबाह्य होईल अशी अनेक विधानं मागील काही काळात आपण ऐकली, वाचली असतील. मात्र एकीकडे एआयच्या उज्ज्वल भविष्याबद्दलची भविष्यवाणी केली जात असताना दुसरीकडे प्रत्यक्षात मात्र एआयविरुद्ध आता लोक थेट रस्त्यावर उतरू लागले आहेत. एआयविरुद्धच्या या संतापाची प्रचिती अमेरिका आणि युरोपमध्ये मागील काही दिवसांपासून सुरु असलेल्या आंदोलनांवरुन दिसून येत आहे. एआयचा वाढता वापर जगभर चर्चेत असतानाच त्याविरोधात लोक थेट रस्त्यावर का उतरत आहेत? नेमका हा प्रकार काय? समजून घेऊयात...

एआयविरुद्ध लोक रस्त्यावर का उतरले?

एआयविरोधात अमेरिका आणि युरोपमधील अनेक शहरांमध्ये नागरिक रस्त्यावर उत्तरल्याचं पाहायला मिळत आहे. आता अचानक एआयविरुद्ध लोक रस्त्यावर येण्याचं कारण काय तर रस्त्यावर उतरून आंदोलन करणाऱ्या अनेकांना एआय हे मानवी भविष्यासाठी धोकादायक वाटत आहे.'एआय'मुळे नोकऱ्यांवर गदा येत असून, एआयसंदर्भातील माहिती स्टोअर करुन ठेवण्यासाठी वापरण्यात येणाऱ्या डेटा सेंटरसाठी होणाऱ्या वीज आणि पाण्याच्या प्रचंड वापराला आंदोलकांचा विरोध आहे. डेटा सेंटरमुळे पर्यावरणावर होणारे दृष्परिणाम, यामुळे नागरिकांमध्ये नाराजीचा सूर आहे. एआयविरुद्ध रस्त्यावर उतरलेल्या संतप्त आंदोलक मायक्रोसॉफ्टच्या डेटा सेंटरमध्येही घुसल्याचं पाहायला मिळालं.

आंदोलन कोणी आयोजित केलेलं?

पर्यावरणवादी संघटना, स्थानिक नागरिकांचे गट आणि डिजिटल अधिकारांसाठी काम करणाऱ्या संघटनांनी ही आंदोलने 'स्टॉप डर्टी डेटा सेंटर्स' या मोहिमेअंतर्गत आयोजित केली होती.

कुठे आणि कशी झाली आंदोलनं?

आयर्लंडची राजधानी डब्लिन येथे डेटा सेंटरच्या वाढत्या विस्ताराविरोधात सुमारे दोन हजार नागरिकांनी मोर्चा काढला. डब्लिनमध्ये आंदोलकांनी पर्नेल स्क्वेअर येथून आयरिश संसदेपर्यंत मोर्चा काढला. नव्या डेटा सेंटरच्या उभारणीला परवानगी देण्यापूर्वी त्यांचा पर्यावरणावर आणि स्थानिक नागरिकांवर होणारा परिणाम तपासावा, अशी त्यांची मागणी होती.

फिनलंडची राजधानी हेलसिंकी येथे जवळपास 1 हजार 300 हून अधिक लोक या आंदोलनात सहभागी झाले. फिनलंडमधील अन्य काही शहरांमध्येही एआयविरोधात निदर्शने करण्यात आली.

मायक्रोसॉफ्टच्या डेटा सेंटरमध्ये घुसले

6 नोव्हेंबर रोजी नेदरलँड्सची राजधानी अॅमस्टरडॅम येथे आंदोलनाला हिंसक वळण लागले. मायक्रोसॉफ्टच्या नव्या डेटा सेंटरच्या बांधकाम सुरू असलेल्या ठिकाणी शंभरहून अधिक आंदोलकांनी प्रवेश केला. काही आंदोलक क्रेनवर चढले, तर काहींनी येथील काही गोष्टींना आग लावून पेटवत निषेध नोंदवला. यावेळी पोलिसांशीही त्यांची झटापट झाली. या प्रकरणी पोलिसांनी सुमारे 200 जणांना ताब्यात घेतले.

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES