SOCIAL MEDIA

Newsletter

PARTNER SITES
Select Language Select State

बागेत सापडला होता विचित्र दगड, तब्बल दोन दशकानंतर उलगडलं खडकाचं गूढ, 3 हजार वर्षांचा इतिहास अन्...

पुरातत्व विभागाला एक दगड सापडला. मात्र या दगडाचे सत्य वेगळेच होते. पुरातत्व विभागाने संशोधन केले आहे.

Written By Mansi Kshirsagar Edited By Mansi Kshirsagar
Published: Nov 10, 2026, 07:12 IST | Updated: Nov 10, 2026, 07:13 IST
Image Credit: Czech man found a strange stone in his garden
Join

एका लहानशा गावातील गोठ्यात वर्षानूवर्षे एक दगड थांबाला आधार म्हणून वापरला जात होता. प्रथमदर्शनी त्याच्याकडे पाहिल्यानंतर तो सामान्य दगडाचाच तुकडा वाटत होता. पण अचानक एकदिवशी मालकाला या दगडबाबात असं काही समजलं की तोदेखील आश्चर्यचकित झाला. ज्या दगडाला तो सामान्य समजत होता ती शिळा सामान्य नसून कांस्ययुगातील 3000 वर्ष जुनी एक आठवण होती.

2007 साली झेक प्रजासत्ताक (Czech Republic) मधील मोर्कुव्हकी (Morkůvky) गावात जे. टोमानेक (J. Tomanec) नावाच्या व्यक्तीला त्याच्या बागेत एक विचित्र आयताकृती दगड सापडला होता. सुरुवातीला हा दगड त्यांच्या जुन्या गोठ्याचा (Barn) पाया मजबूत करण्यासाठी एका साध्या बांधकामाच्या विटासारखा वापरला जात होता. मात्र, जेव्हा स्थानिक पुरातत्वशास्त्रज्ञांनी या दगडाची बारकाईने तपासणी केली, तेव्हा समोर आलेले सत्य अत्यंत थक्क करणारे होते.

हा साधासुधा दगड नसून तब्बल 3,350 वर्षे जुना, कांस्य युगातील (Bronze Age) शस्त्रे बनवण्याचा साचा (Casting Mould) असल्याचे सिद्ध झाले. या दगडाच्या बाजूला एक अचूक कोरीव खळगा होता. ज्याचा वापर वितळलेले धातू ओतून भाल्याची टोकदार टोके तयार करण्यासाठी केला जात होता.

पुरातत्वविभागाने केलेल्या अभ्यासादरम्यान, दगडावर वारंवार उष्णता मिळाल्यामुळं काळे डाग आणि जुन्या धातुकामाचे अवशेष सापडले आहेत. तर हे दोन्ही साचे एकत्र बांधण्यासाठी तांब्याच्या तारेचा वापर केला गेला होता. हा साचा र्हायोलाइट टफ नावाच्या ज्वालामुखीय खडकापासून बनवला गेला होता.

संशोधकांच्या मते, हा खडक मूळचा कार्पेथियन प्रदेशातील (बहुदा उत्तर हंगेरी) असावा, जिथून प्राचीन काळातील व्यापाऱ्यांनी किंवा कारागिरांनी तो शेकडो किलोमीटर दूर झेक प्रजासत्ताकात आणला होता. या ऐतिहासिक मौल्यवान साच्याला २०१९ मध्ये मोरावियन संग्रहालयाकडे (Moravian Museum) सुपूर्द करण्यात आले. त्यानंतर यावर सखोल वैज्ञानिक संशोधन झाले आणि 2025-26 मध्ये हे जागतिक पातळीवर प्रसिद्धीच्या झोतात आले.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES