SOCIAL MEDIA

Newsletter

PARTNER SITES
Select Language Select State

जगप्रसिद्ध मायक्रोसॉफ्टमध्ये कशी मिळते नोकरी? तुम्हालाही कसं मिळू शकतं लाखो-कोट्यवधींचं पॅकेज?

बारावीनंतर मायक्रोसॉफ्टमध्ये करिअर करण्याचे स्वप्न आहे? कंपनीतील इंटर्नशिप, शैक्षणिक पात्रता, निवड प्रक्रिया आणि नोकरीसाठी अर्ज कसा करायचा, जाणून घेऊया.

Reported By Pravin Dabholkar Written By Pravin Dabholkar
Published: Nov 13, 2026, 14:11 IST | Updated: Nov 13, 2026, 14:22 IST
Image Credit: मायक्रोसॉफ्टमध्ये नोकरी
Join

मायक्रोसॉफ्ट ही जगभरात प्रसिद्ध असलेली कंपनी आहे. कंपनीच्या कामात काही अडथळा आला तर जगभरात त्याचे पडसाद दिसतात. दरम्यान 
मायक्रोसॉफ्टसारख्या आघाडीच्या टेक कंपनीत काम करण्याची इच्छा अनेक तरुणांची असते. मात्र बारावी उत्तीर्ण झाल्यानंतर लगेचच कंपनीत नियमित नोकरी मिळते, असे नाही. प्रत्येक पदासाठी स्वतंत्र शैक्षणिक पात्रता आणि अनुभवाची अट असते. मायक्रोसॉफ्टच्या अधिकृत करिअर पोर्टलवर भारतातील तांत्रिक, क्लाउड सेवा, ग्राहक सहाय्य, विक्री आणि उत्पादन विकास अशा विविध क्षेत्रांतील पदांची माहिती उपलब्ध आहे. त्यामुळे उमेदवारांनी पदानुसार पात्रता तपासणे महत्त्वाचे आहे. मायक्रोसॉफ्टमध्ये कशी मिळते नोकरी? काय लागते पात्रता? कुठे करायचा असतो अर्ज? सविस्तर जाणून घेऊया.

विद्यार्थ्यांसाठी इंटर्नशिपचे पर्याय

मायक्रोसॉफ्ट विद्यार्थ्यांसाठी अर्ली इन प्रोफेशन आणि एक्स्प्लोअर मायक्रोसॉफ्ट  यांसारखे कार्यक्रम राबवते. एक्स्प्लोअर मायक्रोसॉफ्ट  हा प्रामुख्याने पदवी अभ्यासक्रमाच्या पहिल्या किंवा दुसऱ्या वर्षात शिकणाऱ्या विद्यार्थ्यांसाठी आठ आठवड्यांचा इंटर्नशिप कार्यक्रम आहे. यात सॉफ्टवेअर डेव्हलपमेंटची मूलभूत कौशल्ये, प्रत्यक्ष प्रकल्पांवर काम आणि टीममध्ये काम करण्याचा अनुभव मिळतो. भारतातील या कार्यक्रमासाठी संबंधित शैक्षणिक पात्रता पूर्ण करणे आवश्यक आहे.

तुमच्याकडे कोणती कौशल्य असावीत?

मायक्रोसॉफ्टमध्ये तंत्रज्ञानाशी संबंधित करिअर करायचे असल्यास कॉम्प्युटरचे मूलभूत ज्ञान, प्रोग्रामिंग, समस्या सोडवण्याची क्षमता, संवादकौशल्य आणि इंग्रजी भाषेवरील प्रभुत्व विकसित करणे उपयुक्त ठरेल. सॉफ्टवेअर डेव्हलपमेंटमध्ये रस असलेल्या विद्यार्थ्यांनी कॉम्प्युटर सायन्स, आयटी, डेटा सायन्स किंवा संबंधित विषयांचा अभ्यास करावा लागेल. असे असले तरी प्रत्येक पदासाठी आवश्यक कौशल्ये वेगळी असू शकतात, याची नोंद घ्या.

निवड प्रक्रिया कशी असते?

मायक्रोसॉफ्टच्या अधिकृत भरती प्रक्रियेनुसार उमेदवाराने प्रथम उपलब्ध पद शोधा. त्यानंतर संबंधित पात्रता तपासून करिअर पोर्टलवर प्रोफाइल तयार करावे आणि अर्ज सादर करावा. पदानुसार मुलाखत, तांत्रिक कौशल्यांची चाचणी किंवा इतर मूल्यांकन होऊ शकते. अर्ज केल्यानंतर निवड निश्चित होतेच असे नाही. कंपनीच्या अधिकृत हायरिंग एफएक्यूसमध्ये अर्ज आणि निवड प्रक्रियेची माहिती देण्यात आली आहे.

पगार किती मिळतो? अर्ज कुठे करायचा?

मायक्रोसॉफ्टमधील पगार हा पद, अनुभव, कौशल्ये आणि नोकरीच्या ठिकाणानुसार बदलतो. बारावी उत्तीर्ण उमेदवारांसाठी एकच निश्चित वेतन सांगता येत नाही. त्यामुळे सोशल मीडियावरील किंवा इतर वेबसाइटवरील पगाराचे आकडे अधिकृत ऑफर समजून स्वीकारू नयेत, असे आवाहन करण्यात आले आहे. नोकरी आणि इंटर्नशिपच्या संधींसाठी careers.microsoft.com या अधिकृत वेबसाईटवर जाऊन भारत किंवा संबंधित शहर निवडून पद शोधता येते. मुंबई, बेंगळुरू, गुरुग्राम, हैदराबाद आणि नोएडा येथे कंपनीची कार्यालये आहेत.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES