SOCIAL MEDIA

Newsletter

PARTNER SITES
Select Language Select State

चिनी गुप्तहेराशी अफेअर भोवलं! जेन्सन हुआंग यांचा Nvidia च्या CEO पदाचा राजीनामा

चिनी गुप्तहेराशी संबंध असल्याची कबुली देणाऱ्या जेन्सन हुआंग यांनी Nvidia च्या सीईओपदाचा राजीनामा दिला आहे. या प्रकरणाने संपूर्ण जगात खळबळ उडवली आहे.

Reported By Shivraj Yadav Written By Shivraj Yadav
Published: Nov 12, 2026, 19:52 IST | Updated: Nov 12, 2026, 20:06 IST
Image Credit: जेन्सन हुआंग यांचा Nvidia च्या CEO पदाचा राजीनामा
Join

एनव्हिडियाचे (Nvidia) मुख्य कार्यकारी अधिकारी (CEO) जेन्सेन हुआंग यांनी गुरुवारी आपल्या पदाचा राजीनामा दिला आहे. चिनी गुप्तहेराशी संबंध असल्याची कबुली दिल्यानंतर निर्माण झालेल्या वादामुळे त्यांनी हा निर्णय घेतला आहे, कंपनीच्या मुख्य वित्तीय अधिकारी (CFO) कोलेट क्रेस आता अंतरिम सीईओ म्हणून जबाबदारी स्वीकारणार असल्याचं कंपनीकडून सांगण्यात आलं आहे. कंपनीने यासंदर्भात अधिकृत निवेदन काढत माहिती दिली आहे.

कंपनीने निवेदनात म्हटलं आहे की, ते कायमस्वरूपी उत्तराधिकार्‍याचा शोध घेतील आणि हुआंग आता कंपनीच्या संचालक मंडळावरही राहणार नाहीत. एनव्हिडियाचे सह-संस्थापक आणि चौथे सर्वात मोठे गुंतवणूकदार असलेले 63 वर्षीय हुआंग यांच्यावर प्रकरण समोर आल्यानंतर दबाव वाढत होता. त्यांच्या हाताखाली काम करणाऱ्या एका कर्मचाऱ्यासोबत त्यांचे विवाहबाह्य संबंध असल्याचे समोर आले होते. हुआंग यांच्या अफेअरच्या बातम्या समोर आल्यानंतर, त्यांना पदावरून हटवण्यासंदर्भात निर्णय घेण्यासाठी एनव्हिडियाच्या बोर्डाची बुधवारी बैठक झाली.
 

गेल्या महिन्यात, 'द न्यूयॉर्क टाइम्स'ने वृत्त दिले होते की, अमेरिकेच्या गुप्तचर संस्थांनी एनव्हिडियाचे सीईओ जेन्सन हुआंग आणि अॅलिस हुआंग यांच्यातील जवळचे संबंध उघड केले असून, त्या थेट चीनला गुप्त माहिती पुरवत असल्याचं निश्चित केलं आहे. रविवारी एनव्हिडियाने अंतर्गत चौकशीची घोषणा केल्यानंतर, अमेरिकेचे अध्यक्ष डोनाल्ड ट्रम्प यांनी सोमवारी पुष्टी केली की एफबीआयदेखील या प्रकरणाची चौकशी करत आहे.

इंडस्ट्रीत खळबळ

हुआंग यांच्या राजीनाम्याने जागतिक एआय (AI) आणि चिप उद्योगात खळबळ उडाली आहे. कृत्रिम बुद्धिमत्तेच्या (AI) क्षेत्रात एनव्हिडियाला आघाडीच्या कंपन्यांपैकी एक म्हणून प्रस्थापित करण्यात हुआंग यांनी अत्यंत महत्त्वाची भूमिका बजावली होती. त्यांच्या जाण्यामुळे कंपनीच्या भविष्याबद्दल आणि व्यापक एआय उद्योगावर होणाऱ्या संभाव्य परिणामांबाबत प्रश्नचिन्हे निर्माण झाली आहेत.

कोलेट क्रेस्स कोण आहेत?

जेन्सेन हुआंग यांच्या राजीनाम्यानंतर, कंपनीने जाहीर केले आहे की एनव्हिडियाच्या मुख्य वित्तीय अधिकारी (CFO) कोलेट क्रेस्स या अंतरिम सीईओ म्हणून जबाबदारी स्वीकारतील. दरम्यान, कंपनी कायमस्वरूपी सीईओच्या शोधाची प्रक्रिया सुरू करेल.

बोर्डाने मानले आभार

हुआंग यांच्या राजीनाम्यानंतर, कंपनीच्या संचालक मंडळाने त्यांच्या योगदानाची दखल घेत त्यांचे कौतुक केलं. बोर्डाने म्हटलं आहे की, कंपनीवर आणि तंत्रज्ञान उद्योगावर हुआंग यांचा प्रभाव अत्यंत मोठा आणि महत्त्वपूर्ण राहिला आहे. त्यांनी नमूद केले की, आज एनव्हिडिया जी जगातील सर्वात प्रभावशाली तंत्रज्ञान कंपन्यांपैकी एक बनली आहे, ती पूर्णपणे हुआंग यांच्यामुळेच शक्य झाली आहे आणि याबद्दल कंपनी त्यांची सदैव ऋणी राहील.

विशेष म्हणजे, हुआंग हे एनव्हिडियाच्या सह-संस्थापकांपैकी एक होते. कंपनीमध्ये त्यांची सुमारे 3.61 टक्के भागीदारी असून, ते कंपनीचे चौथे सर्वात मोठे गुंतवणूकदार आहेत. राजीनाम्यानंतर, ते आता कंपनीच्या बोर्डाचा भाग राहणार नाहीत. 
 

Add Zee News as a Preferred Source
TAGS:

About the Author

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ZEENEWS TRENDING STORIES