हवामानात बदल होणार, सुपर एल निनोची किती काळ राहणार? शास्त्रज्ञांनी दिली महत्त्वाची माहिती

जगभरात सध्या एका संकटाने ग्रासले आहे ते म्हणले प्रशांत महासागरात तीव्र होत जाणारे एल निनो. एल निनोमुळं जगभरात एकाचवेळी अनेक घटना घडत आहेत. एकीकडे एल निनोमुळं कोरडा दुष्काळाची स्थिती आहे तर एकीकडे पूरस्थितीमुळं जनजीवन विस्कळीत झालं आहे. एल निनोचा परिणाम थेट हवामानावर होणार आहे.

एल निनोचा प्रभाव जगात किती राहणार, याबाबत शास्त्रज्ञांनी माहिती दिली आहे.  भारतात 180 हून अधिक शास्त्रज्ञांनी सुपर एल निनोबाबत अधिक संशोधन करण्याची आवश्यकता असल्याचे म्हटलं आहे. एल निनोचा प्रभाव वाढत आहे. 2026 चा अखेर आणि 2027च्या सुरुवातीपर्यंत एल निनो अधिक मजबूत स्थितीत पोहोचू शकतो. त्याचा परिणाम भारताच्या हवामानावर पडू शकतो.

प्रशांत महासागारातील पाण्याचे तापमान मोजणारा निनो 3.4 इंडेक्स सप्टेंबरमध्ये 3.0 अंशापर्यंत पोहोचला होता. त्यामुळं 2026-27 च्या हिवाळ्यात सुपर एल निनोची शक्यता वर्तवण्यात आली आहे. म्हणजेच हिवाळ्यातही उष्णतेची लाट कायम राहणार आहे.

फेब्रुवारी 2027पर्यंत एल निनोची शक्यता 100 टक्के आहे. 2027च्या मध्यापर्यंत एल निनोची स्थिती घटून 61 टक्के राहण्याचा अंदाज आहे. फेब्रुवारी 2027 पर्यंत एल निनो कायम राहण्याचा अंदाज वर्तवण्यात आला आहे.

एल निनोदरम्यान उष्णकटिबंधीय प्रशांत महासागरात पाण्याच्या पृष्ठभागावरील तापमान असामन्यपणे वाढत आहे. वैज्ञानिकांनुसार, प्रशांत महासागरातील तापमान 2.6 डिग्री अंशाने वाढले आहे. तर काही दिवसांत आणखी 4 अंशाने वाढू शकते, असा अंदाज वर्तवण्यात आला आहे. हे तापमान गेल्या 1000 वर्षांपासून अधिक आहे.

उन्हाचा ताप वाढणार?

हवामान बदलाच्या आणि एल निनोच्या दीर्घकालीन परिणामांमुळे येणारा उन्हाळा अत्यंत तीव्र असणार असून, 2027 च्या उन्हाळ्यापर्यंत याचा प्रभाव जगभरात आणि प्रामुख्याने आपल्या देशावर व राज्यावर कायम राहण्याची शक्यता आहे. यामुळे उन्हाळ्यातील तापमान सरासरीपेक्षा खूप अधिक राहणार असून, तीव्र उष्णतेमुळे नागरिकांच्या आरोग्याचा प्रश्न देखील पेटणार आहे.