SOCIAL MEDIA

Newsletter

PARTNER SITES
Select Language Select State

70 अल्पवयीन मुलींशी ऑनलाईन मैत्री करुन नको ते करायचा! भारतीय तरुणाला ब्रिटनमध्ये 30 वर्षांचा तुरुंगवास!

ब्रिटनमध्ये भारतीय तरुण बिलाल काझीने 70 अल्पवयीन मुलींना सोशल मीडियावरून फसवून ब्लॅकमेल केल्याचे उघड झाले. चेस्टर न्यायालयाने त्याला 30 वर्षांच्या तुरुंगवासाची शिक्षा सुनावली.

Reported By Pravin Dabholkar Written By Pravin Dabholkar
Published: Nov 14, 2026, 10:12 PM IST | Updated: Nov 14, 2026, 10:20 PM IST
Image Credit: ऑनलाईन मैत्री
Join

आपल्या अल्पवयीन मुलांच्या हातात मोबाईल देणं, सोशल मीडियाचा एक्सेस देणं किती कठीण जाऊ शकतं, याची प्रचिती पुन्हा एकदा आली आहे. एक तरुण अल्पवयीन मुलींशी ऑनलाईन मैत्री करायचा आणि त्यांच्याकडून आक्षेपार्ह फोटो मागायचा.याप्रकरणी आरोपीला 30 वर्षांच्या तुरुंगवासाची शिक्षा झालीय. काय घडलंय नेमकं? सविस्तर जाणून घेऊया.

काय घडलंय नेमकं?

ब्रिटनमध्ये अल्पवयीन मुलींचे ऑनलाइन शोषण आणि ब्लॅकमेल केल्याप्रकरणी 27 वर्षीय बिलाल काझीला 30 वर्षांच्या तुरुंगवासाची शिक्षा सुनावण्यात आली आहे. 13 नोव्हेंबर 2026 रोजी चेस्टर क्राउन कोर्टात ही शिक्षा सुनावण्यात आली. काझीने सोशल मीडिया आणि गेमिंग प्लॅटफॉर्मच्या माध्यमातून मुलींशी संपर्क साधून त्यांचा विश्वास संपादन केला. त्यानंतर त्यांच्याकडून आक्षेपार्ह फोटो आणि व्हिडीओ मिळवून त्यांचा गैरवापर केल्याचे तपासात समोर आले. त्याला 30 वर्षांच्या शिक्षेबरोबरच अतिरिक्त आठ वर्षांचा विस्तारित परवाना कालावधीही लागू करण्यात आला आहे.

स्वतःला 14 वर्षांचा मुलगा सांगून मुलींशी मैत्री

काझी सोशल मीडिया आणि गेमिंग प्लॅटफॉर्मवर स्वतःची ओळख ‘रीस’ अशी करून देत असे. तो स्वतःला ब्रिटिश किशोरवयीन मुलगा असल्याचे भासवत असे. यासाठी त्याने एका अज्ञात मुलाचे फोटो वापरले होते. स्नॅपचॅट, रॉब्लॉक्स, विंक यांसारख्या प्लॅटफॉर्मवरून तो मुलींशी संवाद साधायचा. मुलींचा विश्वास संपादन केल्यानंतर त्यांना आपल्यासोबत प्रेमसंबंध असल्याचा भास निर्माण केला जात असे. त्यानंतर त्यांच्याकडून खासगी फोटो आणि व्हिडीओ मागण्यास सुरुवात होत असे. या प्रकरणातील पीडित मुलींचे वय 10 ते 17 वर्षांदरम्यान होते.

फोटो व्हायरल करण्याची धमकी देऊन ब्लॅकमेल

मुलींनी आणखी फोटो किंवा व्हिडीओ पाठवण्यास नकार दिल्यानंतर काझी त्यांना आधी पाठवलेले फोटो सार्वजनिक करण्याची धमकी देत असे. काही मुली भीतीपोटी त्याच्या मागण्या मान्य करत राहिल्या. काही प्रकरणांमध्ये मुलींच्या सोशल मीडिया खात्यांमध्ये प्रवेश करून त्यांची खासगी सामग्री इतरांपर्यंत पोहोचवण्यात आली. एका पीडित मुलीच्या आईला मुलीच्या फोनमधील संशयास्पद संदेश आढळल्यानंतर पोलिसांकडे तक्रार करण्यात आली.

180 संभाव्य पीडितांची माहिती

चेशायर पोलिसांच्या ऑनलाइन बाल लैंगिक शोषण तपास पथकाने या प्रकरणाचा तपास केला. काझीच्या मोबाईलमधील माहिती आणि डिजिटल पुराव्यांच्या आधारे पोलिसांनी सुरुवातीला 180 संभाव्य पीडितांचा शोध घेतला. त्यापैकी ब्रिटनमधील 28 पोलीस क्षेत्रांमध्ये 70 मुलींची ओळख पटवण्यात आली. काझीविरोधात चेशायर पोलिसांच्या तपासात 39 गुन्ह्यांचे आरोप ठेवण्यात आले होते. त्यापैकी 37 आरोप त्याने मान्य केले; दोन आरोप न्यायालयीन नोंदीवर ठेवण्यात आले. पोलिसांनी वेस्ट मिडलँड्समधील आणखी आठ गुन्ह्यांचाही तपास केला.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES