दिवाळीच्या फराळात अ‍ॅड करा खास नारळाचे लाडू; जाणून घ्या बनवण्याची सोपी पद्धत

दिवाळी सुरु होणार आहे त्याआधी या दिवाळीला घरी आपण नेहमीच बेसनचे लाडू, करंजी, चिवडा असे अनेक वेगवेगळे पदार्थ घरी बनवतो. आज या लेखामध्ये तुम्हाला काहीतरी स्पेशल सांगणार आहोत. या दिवाळीला तुम्ही तुमच्या घरी नारळाचे लाडू बनवू शकता. ही रेसिपी बनवायला सोपी आहे आणि त्यासाठी तुम्हाला साखरेचा पाक किंवा मावा बनवण्याची गरज भासणार नाही. हे घरी बनवलेले नारळाचे लाडू चवीला चांगले लागतील आणि कोणत्याही आजाराची भीती राहणार नाही. नारळाचे लाडू घरच्या घरी कसे बनवायचे ही संपूर्ण रेसिपी दिली आहे.

नारळाचे लाडू बनवण्यासाठी लागणारे साहित्य

ताजा कच्चा नारळ – 500 ग्रॅम
साजूक तूप – 1 मोठा चमचा
मलई – 1 वाटी
दूध – 2 कप फुल क्रीम
साजूक साखर – 1 कप
मिल्क पावडर – 30 ग्रॅम
वेलची पूड किंवा आवडीनुसार सुका मेवा

कसे बनवायचे नारळाचे लाडू?

नारळाचे लाडू तयार करण्यासाठी सर्वात आधी एक ताजे कच्चे नारळ घ्या आणि त्याची बाहेरील साल आणि जाड साल काढून टाका आणि ते स्वच्छ धुवा. त्यानंतर त्या नारळाचे लहान लहान तुकडे करा आमि त्यानंतर त्यामध्ये पाणी न घालता त्याला जाडसर वाटून घ्या. तर तुमच्याकडे वेळ असेल तर तुम्ही किसूही शकता, आता एका पॅनमध्ये एक चमचा तूप घ्या आणि त्यामध्ये किसलेला नारळ घाला. किसलेला हा नारळ मध्यम आचेवर 2 ते 3 मिनिटे सतत ढवळत रहा, ढवळत राहिल्यामुळे नारळाचा कच्चेपणा निघून जाईल आणि त्यातील अतिरिक्त दूध आटून जाईल. जेव्हा नारळ किंचित शिजेल, तेव्हा त्यात एक वाटी मलई आणि दोन कप पूर्ण मलईचे दूध घाला आणि मोठ्या आचेवर सतत ढवळत शिजवा. जर तुम्हाला पटकन लाडू बनवायचे असतील तर तुम्ही दुधाऐवजी फक्त क्रीम वापरू शकता.

हे ही वाचा

दिवाळीसाठी चकली बनवायची? ही सोपी रेसिपी फॉलो करा, झंझटच नाही

दूध नारळामध्ये पूर्णपण आटल्यानंतर त्यामध्ये एक कप गुळ घालायचा आहे जर घरी त्यावेळेला गुळ नसल्यास तुम्ही खडीसाखर किंवा पिठीसाखर वापरु शकता. गुळ घातल्यानंतर मिश्रण सातत्याने ढवळत रहा आणि त्यानंतर अतिरिक्त ओलावा संपेपर्यत शिजवा. आता तयार केलेल्या मिश्रणात सुमारे ३० ग्रॅम दुधाची पावडर घालून चांगले मिसळा. यामुळे लाडूंची चव आणि पोत सुधारेल. तुमची इच्छा असल्यास, तुम्ही त्यात थोडी वेलची पूड आणि बारीक चिरलेला सुका मेवा देखील घालू शकता. मिश्रण त्याला थंड होऊ द्या आणि हाताने लाडू बनवून बघा. जर मिश्रण सहजपणे एकत्र येऊन त्याचे लाडू बनले, तर ते तयार आहे. आता हे मिश्रण तूप लावलेल्या ताटात काढून थोडे थंड होऊ द्या. मिश्रण कोमट असतानाच, हातांना थोडे तूप लावून आपल्या आवडीच्या आकाराचे लाडू बनवा.