चिला आणि भजी खाऊन कंटाळला आहात? संध्याकाळच्या नाश्त्यासाठी बनवा क्रिस्पी सोयाबीन
संध्याकाळच्या नाश्ताला काय बनवायचे हा रोजचा प्रश्न असतो, अनेकदा तेचतेच पदार्थ खाऊन आपण कंटाळतो आज तुम्हाला एक खास रेसिपी या लेखामध्ये सांगणार आहोत.
सायंकाळी जेव्हा चहा पिण्याच्या वेळी बऱ्याचदा अनेकांना काहीतरी चटपटीत खाण्याची सवय असते. पण अनेकदा तेचतेच पदार्थ खायला कंटाळा येतो, आज तुम्हाला या लेखामध्ये एक युनिट रेसिपी सांगणार आहोत. तिच कांदा किंवा बटाटा भजी खाऊन कंटाळला असाल तर आज तुम्हाला आम्ही साधी आणि कमी साहित्यामध्ये तयार होणारे क्रिस्पी सोयाबीन कसे बनवायचे त्याची रेसिपी सांगणार आहोत. सोयाबिनमध्ये प्रथिने देखील असतात आणि झटपट आणि लवकर तयार होणारा हा पदार्थ घरी बनवायला सोपा आहे
क्रिस्पी सोयाबीन बनवण्यासाठी लागणारे साहित्य
सोयाबीन – 1 कप
बेसन – 2 चमचे
तांदळाचे पीठ - 1 चमचा
लाल मिरची पावडर – 1 चमचा
हळद पावडर – अर्धा चमचा
चाट मसाला – अर्धा चमचा
धणे पूड – अर्धा चमचा
मीठ - चवीनुसार
आले-लसूण पेस्ट – 1 चमचा
पाणी – गरजेनुसार
हे ही वाचा
रोज बोरींग खिचडी खाऊन कंटाळला आहात? घरच्या घरी बनवा पारंपरिक गुजराती खिचडी
कसे बनवायचे क्रिस्पी सोयाबीन
क्रिस्पी सोयाबीन बनवण्यासाठी सर्वात आधी एका भाड्यामध्ये पाणी घ्या आणि ते पाणी गॅसवर उकळण्यासाठी ठेवा. पाणी उकळल्यानंतर त्यात सोयाबिन घाला आणि त्याला एक मिनटे उकळून द्या. त्यानंतर, सोयाबिनमध्ये असलेले पाणी काढून टाका आणि सोयाबीन थंड होऊ द्या. उकडलेले सोयाबीन चाळणीत ओतून पूर्णपणे निथळून घ्या. त्यानंतर, स्वच्छ कापड किंवा किचन टॉवेलने ते कोरडे करा, जास्त ओलाव्यामुळे त्यांचा कुरकुरीतपणा कमी होऊ शकतो. आता, एका भांड्यात सोयाबीन घ्या. त्यामध्ये बेसन, तांदळाचे पीठ, लाल तिखट, हळद, धणेपूड, मीठ आणि आले-लसूण पेस्ट घाला. सर्व व्यवस्थित मिसळा. गरज वाटल्यास थोडे पाणी शिंपडा, जेणेकरून मसाले आणि पिठाचे मिश्रण सोयाबीनला हलकेच लागेल.
एका कढईत तेल गरम करा. तेल गरम झाल्यावर, त्यात थोडे थोडे सोयाबीन घालून मंद आचेवर सोनेरी आणि कुरकुरीत होईपर्यंत तळा. काढून पेपर टॉवेलवर ठेवा, म्हणजे तेल सहजपणे निथळून जाईल. आता गरम कुरकुरीत सोयाबीनवर थोडा चाट मसाला भुरभुरा. हिरवी चटणी किंवा टोमॅटो सॉससोबत सर्व्ह करा. संध्याकाळच्या चहाबरोबर खाण्यासाठी हा कुरकुरीत पदार्थ एक उत्तम पर्याय आहे.
