कारल्याची चव बदलून टाकणारी चटपटीत चटणी; एकदा खाल तर पुन्हा पुन्हा बनवाल

कारले हे अनेकांना नापसंत असते कारण ते कडू लागते, पण कारल्यामध्ये अनेक गुणधर्म असतात हे आपल्या सर्वांनाच ठाऊक आहे. अनेकजण तर कारल्याचे नाव ऐकताच बहुतेक लोक नाक मुरडतात, पण कारल्याची भाजी योग्य पद्धतीने आणि योग्य मसाले टाकून तयार केली तर तुम्हाला ते नक्कीच आवडेल. तुम्ही कधी कारल्याची चटणीबद्दल ऐकले आहे का? नसेल ऐकले तर तुमच्यासाठी हा लेख आहे जर कारल्याचे एका अशा मसालेदार चटणीत रूपांतर करता येते, जी खाताना प्रत्येकजण बोटे चाटत राहील. ही रेसिपी खास आहे कारण कडूपणा संतुलित करण्यासाठी यात डाळ, तीळ आणि शेंगदाणे यांचे एक अप्रतिम मिश्रण वापरले आहे.

कारल्याची ही अनोखी आणि टेस्टी रेसिपी एकदा बनवल्यानंतर पुन्हा पुन्हा बनवावेसे वाटेल. घरामध्ये असलेल्या साहित्यामध्ये ही कारल्याची टेस्टी चटणी कशी प्रकारे बनवायची यासंदर्भात सविस्तर वाचा.

कारल्याची चटणी तयार करण्यासाठी लागणारे साहित्य

कारले – 2 मध्यम आकाराची (पातळ कापलेली)
पांढरे तीळ – 2 मोठे चमचे
शेंगदाणे – 3 मोठे चमचे
चणा डाळ – 1 मोठा चमचा
उडीद डाळ – 1 मोठा चमचा
लसूण – 5-6 पाकळ्या
जिरे – 1 चमचा
धणे – 1.5 चमचा
कढीपत्ता – 8-10 पाने
हिंग – 1 चिमूटभर
आमचूर पावडर – 1 चमचा
मीठ – चवीनुसार
मोहरीचे तेल – 2-3 मोठे चमचे

कशी बनवायची कारल्याची चटणी?

कारल्याची चटणी तयार करण्यासाठी सर्वात आधी कारल्याच्या चकत्यांना थोडे मीठ लावा आणि 15-20 मिनिटे तसेच राहू द्या. त्यानंतर, त्यांना हलकेच दाबून मोकळे करा. यामुळे कडूपणा बऱ्याच प्रमाणात कमी होतो. त्यानंतर कढई घ्या आणि ती गॅसवर ठेवा त्यानंतर त्यामध्ये एक मोठा चमचा मोहरीचे तेल घाला, त्यामध्ये चणे, उडीद डाळ आणि शेंगदाणे घालून मंद आचेवर सोनेरी तपकिरी होईपर्यंत परता. त्यात पांढरे तीळ घालून हलके तडतडेपर्यंत परता. त्यानंतर जिरे, धणे आणि कढीपत्ता घाला, सुगंध आल्यावर हिंग आणि लसूण घालून हलके तपकिरी होईपर्यंत परता. त्यानंतर दुसऱ्या कढईमध्ये तेल घालून मध्यम आचेवर कारले परतून घ्या आणि थोडे कुरकुरीत आणि सोनेरी होईपर्यंत शिजवा.

पुढील स्टेप म्हणजेच चटणीचे वाटण, चटणीचे वाटण तयार करण्यासाठी सर्व भाजलेले साहित्य थंड होऊ द्या. ते मिक्सरमध्ये घालून त्यात आमचूर पावडर आणि मीठ टाका. आवश्यकतेनुसार थोडे पाणी घालून जाडसर किंवा गुळगुळीत चटणीच्या घट्टपणात वाटून घ्या. तयार झालेली चटणी एका भांड्यामध्ये काढून घ्या आणि त्यामध्ये थोडे मोहरीचे तेल घाला. जर तुम्हाला जास्त आंबटपणा आवडत असेल तर तुम्ही सुक्या आंब्याच्या पावडरचे प्रमाण वाढवू शकता. चटणी तुम्ही रेफ्रिजरेटरमध्ये 3-4 दिवस साठवून ठेवता येते.