दिवाळीचा वाढवा गोडवा; घरच्या घरी बनवा बेसन लाडू! पहा सोपी आणि झटपट रेसिपी
जर तुम्हाला बाजारातून मिठाई विकत आणण्याऐवजी घरी काहीतरी खास आणि स्वादिष्ट बनवायचे असेल, तर बेसनचे लाडू एक उत्तम पर्याय असू शकतात.
दिवाळीला सुरुवात झाली आहे, दिवाळीला वेगवेगळ्या प्रकारचे पदार्थ आपण तयार करत असतो. सणासुदीला घरी मिठाई तयार केली जात नाही? असे होणे शक्य नाही. दिवाळीच्या प्रसंगी आपण लोक घरी पूजा करतात आणि विविध पदार्थ व मिठाई देखील बनवतात. जर तुम्हाला बाजारातून मिठाई विकत आणण्याऐवजी घरी काहीतरी खास आणि स्वादिष्ट बनवायचे असेल, तर बेसनचे लाडू एक उत्तम पर्याय असू शकतात. आज या लेखामध्ये घरच्या घरी बेसनचे लाडू कसे तयार करायचे यासंदर्भात तुम्हाला सांगणार आहोत.
बेसनचे लाडू बनवण्यासाठी लागणारे साहित्य
बेसन – 2 कप
देशी तूप – 2 कप
साखर – 2 कप पिठीसाखर
वेलची पूड - अर्धा चमचा
बदाम – 2 टेबलस्पून बारीक चिरलेले
काजू – 2 मोठे चमचे बारीक चिरलेले काजू
खरबुजाच्या बिया – 2 मोठा चमचा
कसे बनवायचे बेसनचे लाडू?
बेसनचे लाडू तयार करण्यासाठी सर्वात आधी एका पातेल्यामध्ये तूप गरम करा. त्यानंतर तूपामध्ये बेसन घालून ते बेसन मंद आचेवर सतत ढवळत रहा, बेसन पूर्णपणे परतायला साधारण 15 ते 20 मिनिटे लागतील. पातेले जास्त गरम होणार नाही याची काळजी घ्या, नाहीतर बेसन तळाशी जळू शकते. जेव्हा बेसन हलक्या सोनेरी रंगाचे होते आणि त्याला चांगला वास येऊ लागतो, तेव्हा ते चांगले भाजलेले असते. मिश्रण जास्त घट्ट वाटल्यास, त्यात थोडे अधिक तूप घाला. आता गॅस बंद करा आणि बेसनचे मिश्रण एका ताटलीत किंवा मोठ्या भांड्यात काढून घ्या. ते थोडा वेळ थंड होऊ द्या, आणि मिश्रण पूर्णपणे थंड झाल्याशिवाय त्यात साखर घालू नका, नाहीतर साखर विरघळू शकते.
हे ही वाचा
दिवाळीच्या फराळासाठी खास! हलवाईसारखे मऊ आणि परफेक्ट बुंदीचे लाडू बनवा घरच्या घरी
जेव्हा बेसनचे मिश्रण कोमट होईल, तेव्हा त्यात पिठीसाखर, वेलची पूड, बदामाचे तुकडे आणि काजू घाला. सर्व व्यवस्थित मिसळून घ्या, आता, हाताला थोडे तूप लावा आणि मिश्रणाचे आपल्या आवडीच्या आकाराचे गोल लाडू बनवा. त्यावर बदाम किंवा पिस्ते घालून तुम्ही ते अधिक आरोग्यदायी बनवू शकता. तुमचे चविष्ट बेसनचे लाडू तयार आहेत. ते हवाबंद डब्यात ठेवा आणि पाहुण्यांना वाढा. तुमच्या आवडीनुसार, तुम्ही त्यात रवादेखील घालू शकता.
