सकाळी काय प्यावं? टोमॅटो-गाजर सूप ठरेल आरोग्यासाठी सुपरफूड, जाणून घ्या रेसिपी

सकाळी गरम सूप प्यायल्याने तुमचा मूड तर ताजा होतोच, शिवाय एक उत्तम चवही मिळते. चला तर मग, नाश्त्यासाठी टोमॅटो-गाजर सूपची सोपी रेसिपी जाणून घ्या.

Written ByShubhangi MereEdited ByShubhangi Mere

Published: Nov 13, 2026, 09:22 PM IST|Updated: Nov 13, 2026, 09:39 PM IST

join share

सकाळी काय प्यावं? टोमॅटो-गाजर सूप ठरेल आरोग्यासाठी सुपरफूड, जाणून घ्या रेसिपी

हिवाळ्याचे दिवस सुरु झाले आहेत आणि यावेळी काहीतरी गरम खाण्याची इच्छा होते. बऱ्याचदा आपल्याला सूप पिण्याचा इच्छा होते, पण यावेळी सूप अनेकदा आपण बाजारामधून सूप मागवतो. पण बाहेरील धुळीतलं सूप पिण्यापेक्षा आजच्या या लेखामध्ये तुम्हाला टोमॅटो-गाजर सूप रेसिपी सांगणार आहोत. टोमॅटो आणि गाजरामध्ये अनेक आवश्यक पोषक तत्वे असतात, जी संतुलित आहाराचा भाग असू शकतात. याचे वैशिष्ट्य म्हणजे, ते बनवण्यासाठी तुम्हाला जास्त साहित्याची गरज लागत नाही. सकाळी गरम सूप प्यायल्याने तुमचा मूड तर ताजा होतोच, शिवाय एक उत्तम चवही मिळते. चला तर मग, नाश्त्यासाठी टोमॅटो-गाजर सूपची सोपी पाककृती आणि ते कसे बनवायचे ते पाहूया.

टोमॅटो-गाजर सूप बनवण्यासाठी लागणारे साहित्य

टोमॅटो – 2
गाजर- 1
पाणी – 1 कप
लसणाच्या पाकळ्या – 2
लोणी किंवा तेल – 1 चमचा
मीठ - चवीनुसार
काळी मिरी - चिमूटभर
हिरवी कोथिंबीर

कसे तयार करायचे टोमॅटो-गाजर सूप?

टोमॅटो-गाजर सूप तयार करण्यासाठी सर्वात आधी सूप तयार करण्यासाठी टोमॅटो आणि गाजर स्वच्छ धुवून घ्या आणि दोघांचेही लहान तुकडे करा. त्यानंतर पुढची स्टेप आता एका पॅनमध्ये बटर किंवा तेल गरम करा. त्यात बारीक चिरलेला लसूण घालून काही सेकंद परता. पॅनमध्ये चिरलेले टोमॅटो आणि गाजर घाला, एक कप पाणी टाका आणि झाकण ठेवा. भाज्या मऊ होईपर्यंत, सुमारे 10 मिनिटे शिजवा. भाज्या शिजल्यावर गॅस बंद करा आणि मिश्रण थोडे थंड होऊ द्या. त्यानंतर, ते मिक्सरमध्ये घालून चांगले बारीक वाटून घ्या.

वाटलेले मिश्रण परत पॅनमध्ये घाला, चवीनुसार मीठ आणि मिरपूड घालून सूप 5 मिनिटे गरम करा. तयार केलेले सूप एका वाटीत ओता आणि त्यावर बारीक चिरलेली कोथिंबीर घालून गरमागरम वाढा. जर तुम्हाला सकाळी काहीतरी हलके खावे किंवा प्यावेसे वाटत असेल, तर हे सूप एक चांगला पर्याय आहे.

Add Zee News as a Preferred Source

TAGS:

recipes

Lifestyle News

About the Author

Shubhangi Mere

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.