• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Marathi
  • न्यूज
  • व्हिडीओ
  • फोटो
  • व्हिडिओ रील्स
  • शहर

Add Zee Business As A Preferred Source
App
  • LIVE टीवी
  • महाराष्ट्र
  • भारत
  • विश्व
  • स्पोर्ट्स
  • मनोरंजन
  • लाइफस्टाइल
  • हेल्थ
  • धर्म
  • कामाची बातमी
  • करिअर
  • झी न्यूज मराठी
  • /महाराष्ट्र
  • /महाराष्ट्रात महायुतीला बसणार फटका?, 'भाजपकडून डावललं जातंय' म्हणत बड्या नेत्याची उघड नाराजी

महाराष्ट्रात महायुतीला बसणार फटका?, 'भाजपकडून डावललं जातंय' म्हणत बड्या नेत्याची उघड नाराजी

भाजपसोबत असताना रिपब्लिकन पक्षाकडे दुर्लक्ष होत असल्याची रामदास आठवलेंची खंत आहे. काँग्रेससोबत मिळालेल्या जागांची आठवण करून देत विधान परिषदेच्या जागांची मागणी त्यांनी केलीय. याबद्दल जाणून घेऊया.

Reported ByPravin Dabholkar
Published: Nov 18, 2026, 06:27 IST|Updated: Nov 18, 2026, 06:42 IST
joinshare
महाराष्ट्रात महायुतीला बसणार फटका?, 'भाजपकडून डावललं जातंय' म्हणत बड्या नेत्याची उघड नाराजी
Image Credit: रामदास आठवले नाराज (फोटो सौजन्य-गुगल)

About the Author

Pravin Dabholkar

Pravin Dabholkar

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ट्रेंडिंग

  • न्यूज
  • फोटो
  • व्हिडीओ
पुणे, मुंबई नाही तर महाराष्ट्रातील या जिल्ह्यातील लोक अव्वल!  फॅन्सी नंबरसाठी तब्बल 19 कोटी 84 लाख रुपये मोजले

पुणे, मुंबई नाही तर महाराष्ट्रातील या जिल्ह्यातील लोक अव्वल! फॅन्सी नंबरसाठी तब्बल 19 कोटी 84 लाख रुपये मोजले

2

नवी मुंबईतील तरुणाने एकाचवेळी खरेदी केल्या 3 महागड्या कार; एवढ्या पैशात 1 कोटीचे 50 फ्लॅट विकत घेता येतील

3

टायफॉइड झाल्यावर शरीरात कोणते बदल होतात? जाणून घ्या महत्त्वाची लक्षणे

4

इमर्जिंग आशिया कप 2026 पहिल्या सामन्यात वैभव सूर्यवंशीला संधी मिळणार? कशी असेल भारताची Playing 11

5

NBCC ने सुधारली आपली चूक, 49 फ्लॅट्सबाबत कायदेशीर प्रक्रिया सुरू असल्याचं केलं मान्य; आपल्या जोखमीवर लिलावात सहभागी होण्याचं आवाहन

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

महायुतीतील मित्रपक्षांच्या नाराजीचा मुद्दा पुन्हा एकदा ऐरणीवर आला आहे. केंद्रीय सामाजिक न्याय राज्यमंत्री आणि रिपब्लिकन पार्टी ऑफ इंडियाच्या आठवले गटाचे अध्यक्ष रामदास आठवले यांनी भाजपसह महायुतीतील घटक पक्षांवर उघडपणे नाराजी व्यक्त केलीय. काँग्रेससोबत असताना रिपब्लिकन पक्षाला योग्य राजकीय प्रतिनिधित्व मिळत होते; मात्र आता भाजपसोबत आल्यानंतर पक्षाकडे दुर्लक्ष होत असल्याची खंत त्यांनी व्यक्त केली. महाराष्ट्राच्या सत्तेत पक्षाला योग्य वाटा मिळावा आणि विधान परिषदेच्या जागा देण्यात याव्यात, अशी मागणीही त्यांनी केली आहे. रामदास आठवलेंसह इतर नेत्यांच्या नाराजीचा आगामी काळात महायुतीवर काही परिणाम होणार का? असा प्रश्न यानिमित्ताने उपस्थित होतोय. नेमकं काय म्हणाले आठवले? त्याचे कसे पडसाद उमटू शकतात? सविस्तर जाणून घेऊया.

'भाजपच्या काळात पक्षाकडे दुर्लक्ष'

पालघर येथे पत्रकार परिषदेत बोलताना रामदास आठवले यांनी महायुतीतील रिपब्लिकन पक्षाच्या स्थानाबाबत नाराजी व्यक्त केली. भाजपसोबत युती असूनही पक्षाच्या पदाधिकारी आणि कार्यकर्त्यांना सत्तेत पुरेसे प्रतिनिधित्व मिळत नसल्याचे ते म्हणाले. केंद्रात आपल्याला मंत्रिपद मिळाले असले, तरी महाराष्ट्रातील पक्ष संघटनेला सत्तेत योग्य वाटा मिळणे आवश्यक आहे, अशी भूमिका त्यांनी मांडली. केवळ पक्षाच्या प्रमुखाला महत्त्व देऊन चालणार नाही, तर कार्यकर्त्यांचाही विचार झाला पाहिजे, असे त्यांनी स्पष्ट केले.

'काँग्रेससोबत असताना योग्य जागा मिळायच्या'

काँग्रेससोबत असताना रिपब्लिकन पक्षाला निवडणुकीत योग्य जागा मिळत होत्या, अशी आठवण आठवले यांनी करून दिली. भाजपसोबत 2014 पासून युतीत असूनही पक्षाला विधान परिषदेची एकही जागा मिळालेली नाही, अशी त्यांची तक्रार आहे. याउलट शरद पवार यांच्यासोबत असताना रिपब्लिकन पक्षाला विधान परिषदेच्या सात जागा मिळाल्या होत्या, असेही त्यांनी नमूद केले. त्यामुळे सध्याच्या महायुतीने पक्षाच्या मागण्यांचा गांभीर्याने विचार करावा, अशी अपेक्षा त्यांनी व्यक्त केली.

विधान परिषदेच्या जागांसाठी आठवले आग्रही

रिपब्लिकन पक्षाला विधान परिषदेच्या काही जागा देण्यात याव्यात, अशी मागणी आठवले यांनी केली आहे. यापूर्वीही त्यांनी किमान एक जागा मिळावी, अशी अपेक्षा व्यक्त केली होती. आगामी काळात विधान परिषदेतील प्रतिनिधित्वाबरोबरच विविध सरकारी महामंडळांवर पक्षाच्या पदाधिकाऱ्यांना संधी मिळावी, अशीही त्यांची मागणी आहे. यासाठी मुख्यमंत्री देवेंद्र फडणवीस यांच्याकडे मागणी केल्याचे त्यांनी सांगितले.

महायुतीतील इतर मित्रपक्षांकडूनही अपेक्षा

आठवले यांनी केवळ भाजपकडेच नव्हे, तर महायुतीतील एकनाथ शिंदे यांची शिवसेना आणि राष्ट्रवादी काँग्रेसकडेही रिपब्लिकन पक्षाला योग्य वाटा देण्याची अपेक्षा व्यक्त केली आहे. सत्तेतील पदे आणि महामंडळांवरील नियुक्त्यांमध्ये पक्षाच्या कार्यकर्त्यांना संधी मिळाली पाहिजे, असे त्यांचे म्हणणे आहे. त्यामुळे महायुतीतील जागावाटप आणि सत्तावाटपाचा मुद्दा पुन्हा चर्चेत आला आहे.

आठवले स्वबळावर लढण्याचा पर्याय निवडणार?

आगामी निवडणुकांमध्ये पक्षाला अपेक्षित जागा न मिळाल्यास स्वबळावर लढण्याचाही पर्याय खुला असल्याचे आठवले यांनी पालघरमधील पत्रकार परिषदेत सूचित केले.आता भाजप आणि महायुतीतील इतर घटक पक्ष आठवलेंच्या नाराजीची दखल घेऊन काय भूमिका घेतात, याकडे राजकीय वर्तुळाचे लक्ष लागले आहे.

Add Zee News as a Preferred Source
TAGS:
BJP
Maharashtra Politics