SOCIAL MEDIA

Newsletter

PARTNER SITES
Select Language Select State

पवारांच्या बालेकिल्ल्यात शिंदेंच्या शिवसेनेची एन्ट्री? बारामतीत मोठ्या घडामोडींना सुरुवात; उदय सामंतांनी स्पष्टच सांगितलं...

बारामतीत शिवसेनेचा शाखाविस्तार आणि ‘एकनाथ भवन’ उभारण्याचे नियोजन आहे. उदय सामंत आणि सचिन अहिर यांच्यावर पुणे जिल्ह्यात संघटना वाढवण्याची जबाबदारी आहे. सामंतांनी यावर आपली भूमिका स्पष्ट केलीय.

Reported By Pravin Dabholkar Written By Pravin Dabholkar
Published: Nov 20, 2026, 12:21 IST | Updated: Nov 20, 2026, 12:32 IST
Image Credit: बारामतीत शिवसेना
Join

राष्ट्रवादी काँग्रेसचा बालेकिल्ला म्हणून ओळखल्या जाणाऱ्या बारामतीमध्ये आता एकनाथ शिंदे यांच्या शिवसेनेनेही संघटनात्मक विस्तारासाठी हालचाली सुरू केल्या आहेत. पुणे जिल्ह्यात पक्षाची ताकद वाढवण्याची जबाबदारी उद्योगमंत्री उदय सामंत आणि विधान परिषदेचे उपसभापती सचिन अहिर यांच्यावर सोपवण्यात आली आहे. त्याचाच भाग म्हणून बारामतीमध्ये नव्या शाखा सुरू करण्यासह पक्ष कार्यालय उभारण्याचे नियोजन आहे. या घडामोडींमुळे बारामतीच्या राजकीय वर्तुळात चर्चेला सुरुवात झाली आहे.यावर शिवसेनेच्या नेत्यांनीही प्रतिक्रिया दिलीय. काय घडलंय नेमकं? सविस्तर जाणून घेऊया.

बारामतीसह पुणे जिल्ह्यात शिवसेनेचा संघटनात्मक विस्तार

उपमुख्यमंत्री एकनाथ शिंदे यांनी पुणे जिल्ह्यात शिवसेनेची संघटना मजबूत करण्याची जबाबदारी उदय सामंत आणि सचिन अहिर यांच्याकडे दिल्याचे सांगण्यात येतंय. त्यानुसार दोन्ही नेत्यांनी बारामती, पुणे आणि पिंपरी-चिंचवड परिसरातील पक्ष पदाधिकाऱ्यांच्या भेटी घेतल्या. स्थानिक पातळीवरील संघटनेचा आढावा घेणे, कार्यकर्त्यांशी संवाद साधणे आणि पक्षाची विस्कटलेली संघटनात्मक बांधणी पुन्हा मजबूत करणे हा या दौऱ्याचा उद्देश आहे.

बारामतीत ‘एकनाथ भवन’ उभारण्याचे नियोजन

बारामती शहरात शिवसेनेच्या नव्या शाखा सुरू करण्याची तयारी करण्यात येत आहे. त्याचबरोबर पंचायत समितीसमोर पक्षाचे कार्यालय म्हणून ‘एकनाथ भवन’ सुरू करण्याचे नियोजन आहे. सध्या या ठिकाणी व्यायामशाळा असून, या जागेची उदय सामंत आणि सचिन अहिर पाहणी करणार आहे. नव्या शाखा आणि पक्ष कार्यालयाच्या माध्यमातून स्थानिक कार्यकर्त्यांना एकत्र आणण्याचा प्रयत्न शिवसेनेकडून केला जाणार आहे.

‘कोणत्याही पक्षाला आव्हान देण्यासाठी आलेलो नाही’

बारामतीत शिवसेनेचे पाय रोवण्यासाठी आला आहात का, असा प्रश्न उदय सामंत यांना विचारण्यात आला. त्यावर त्यांनी आपली भूमिका स्पष्ट केली. महायुतीतील प्रत्येक पक्षाला स्वतःची संघटना वाढवण्याचा अधिकार आहे. कोणत्याही पक्षाला आव्हान देणे किंवा त्याचे अस्तित्व संपवणे हा शिवसेनेचा उद्देश नाही, असे सामंत म्हणाले. पुणे जिल्ह्यात पक्षाची संघटना वाढावी आणि कार्यकर्त्यांना बळ मिळावे, यासाठी हा दौरा असल्याचेही त्यांनी सांगितले.

अजित पवारांच्या स्मृतिस्थळाला भेट देत आदरांजली

संघटनात्मक दौऱ्यानिमित्त बारामतीत आलेल्या उदय सामंत यांनी दिवंगत उपमुख्यमंत्री अजित पवार यांच्या स्मृतिस्थळाला भेट देऊन आदरांजली वाहिली. अजित पवार यांनी बारामतीच्या विकासासाठी मोठे काम केले, असे सांगत त्यांनी त्यांच्या कार्याचा गौरव केला. अजित पवार यांच्या निधनानंतर प्रथमच संघटनात्मक दौऱ्यानिमित्त बारामतीत आल्याने त्यांच्या स्मृतींना अभिवादन केल्याचे सामंत यांनी स्पष्ट केले.

काय म्हणाले उदय सामंत?

बारामती मध्ये संघटना वाढावी पुणे जिल्ह्यात संघटना वाढावी यासाठी उदय सांमत आणि सचिन अहिर यांच्यावर एकनाथ शिंदे यांनी जबाबदारी दिलीये.. मात्र कोणत्याही पक्षाला चॅलेंज देण्यासाठी आलो नाही त्यांच्यापेक्षा वेगळे काहीतरी करून दाखवून हा उद्देश आहे. असं वक्तव्य उदय सामंत यांनी केलंय. बारामती,पुण्यात संघटना वाढावी हा या मागचा हेतू असल्याचंही त्यांनी सांगितलंय.

संघटना मजबूत करण्याचे आव्हान

पुणे जिल्ह्यात शिवसेनेला आपली राजकीय ताकद वाढवण्याची गरज आहे. पुणे महापालिकेत पक्षाला एकही जागा जिंकता आली नव्हती, तर पिंपरी-चिंचवडमध्ये सहा नगरसेवक आहेत. जिल्हा परिषदेत पाच सदस्य आणि काही नगरपरिषदांमध्ये पक्षाचे नगराध्यक्ष आहेत. या पार्श्वभूमीवर संघटनेची पुनर्बांधणी करण्यावर पक्षाचा भर आहे. बारामतीसारख्या राजकीयदृष्ट्या महत्त्वाच्या ठिकाणी शाखाविस्तार आणि पक्ष कार्यालय सुरू करण्याच्या हालचाली त्याचाच भाग मानल्या जात आहेत.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES