दरीत ढकललं की उडी मारली? कोल्हापुरातील इंजिनियर विद्यार्थिनीच्या मृत्यू प्रकरणात ट्विस्ट, दोघांच्या चॅट हिस्ट्रीमुळे...

महाराष्ट्रात केतन अग्रवाल हत्या प्रकरण अजूनही ताज असताना अजून एक धक्कादायक घटना समोर आली आहे. कोल्हापूर जिल्ह्यातील भुदरगड तालुक्यातील शिवडाव - नाईकवाडीतील या घटनेमुळे महाराष्ट्र हादरला आहे. लग्नाच्या काही दिवसांपूर्वी सियाने होणाऱ्याला नवऱ्याला पुण्याजवळील लोहगडावरून ढकललं. या घटनेत प्रेयसीचं लग्न दुसऱ्याशी ठरल्याचा रागात तिला दरीत ढकलून दिल्याचा आरोपीखाली प्रियकराला अटक करण्यात आली आहे. पण या प्रकरणाची चौकशी करताना प्रियकराचा जबाब आणि चॅट हिस्ट्रीमुळे एक वेगळीच वळण लागलंय.

प्रियकराचे नाव श्रीपाद दिनकर वडार आहे. तर मृत तरुणी ही इंजिनिअरिंगच्या तिसऱ्या वर्षात शिकणारी तरन्नुम नाईक असं तिचं नाव होतं. ती गरगोटी इथे आपल्या आजीसोबत राहत होती. तरन्नुमला श्रीपादने 1000 फूट खोल दरीत ढकललं असं प्रथमदर्शनी समोर आलं.

मिळालेल्या माहितीनुसार, श्रीपदा आणि तरन्नुम हे एकाच परिसरात राहत होते. तरन्नुम नाईकला श्रीपादने  9 ऑक्टोबरला शुक्रवारी सकाळी 11 वाजण्याच्या सुमारास भेटायला बोलावले. त्यानंतर तो तिला नाईकवाडी धबधब्यावर घेऊन गेला. तिथे तरन्नुमने त्याला सांगितलं की, तिचे लग्न ठरले आहे आणि त्यांचे प्रेमप्रकरण आता पुढे चालू शकत नाही. या रागातून त्याने प्रियसीला दरी ढकलं, असं समजलं. त्यानंतर धक्कादायक म्हणजे दुसऱ्या दिवशी श्रीपाद स्वत: पोलीस स्टेशनला आला आणि सांगितलं की, सेल्फी काढताना तिचा पाय घसरून ती पडली. पण पोलिसांनी श्रीपादची चौकशी केल्यानंतर त्याने धक्कादायक दावा केला आहे.

आरोपी आणि प्रियकर श्रीपदा याने पोलिसांना सांगितलं की, त्या दोघांचं गेल्या साडेपाच वर्षांपासून प्रेमप्रकरण होतं. त्या दोघ एकमेकांवर जीवापाड प्रेम करायचे. पण तरन्नुमच्या घरच्यांनी तिचे लग्न दुसऱ्या मुलाशी ठरवल्यामुळे दोघही अस्वस्थ झाले होते. अशा परिस्थिती काय करावं हे दोघांना समजत नव्हतं. अशा स्थितीत त्या दोघांनी ठरवलं की आपलं आयुष्य संपवायचं. म्हणून ते दोघे नाईकवाडी धबधब्यावर गेले होते. तिथे तरन्नुमने दरीत उडी मारली पण ऐनवेळी माझी हिम्मत झाली नाही. आरोपीच्या या दाव्याबद्दल पोलिसांना अद्याप काही पुरावा हाती लागलेला नाही.

पणदुसरीकडे पोलिसांनी दोघांच्या मोबाईलमधील चॅट हिस्ट्री तपासली तेव्हा यात दोघांनी आत्महत्येबद्दल काही प्लॅनिंग केलं होतं, असे कुठलेही पुरावे मिळाले नाहीत. त्यामुळे पोलीस श्रीपादची कसून चौकशी करत आहेत.