SOCIAL MEDIA

Newsletter

PARTNER SITES
Select Language Select State

अरबी समुद्रात 900 मीटरवर चक्रकार वाऱ्यांची स्थिती; राज्याच्या हवामानावर मोठा परिणाम, गुलाबी थंडीची चाहूल कधी?

उष्णतेने हैराण झालेल्या नागरिकांना काहिसा दिलासा मिळाला असला आहे. गेल्या तीन-चार दिवसांपासून राज्यामध्ये रात्रीच्या वेळी गारवा जाणवतो

Written By Mansi Kshirsagar Edited By Mansi Kshirsagar
Published: Nov 08, 2026, 07:32 IST | Updated: Nov 08, 2026, 07:36 IST
Image Credit: maharashtra weather news
Join

पावसाने माघार घेताच उकाड्यात वाढ झाली आहे. राज्यातील अनेक ठिकाणी कमाल तापमानाचा पारा 34 अंशांच्या पुढे गेला आहे. तर, किमान तापमान 13 अंशापर्यंत खाली आले आहे. राज्यातील काही ठिकाणी उन्हाची काहिली दिसून येते. तर रात्री व पहाटेच्या वेळी काहीसा गारवा जाणवतो. आज राज्यातील तापमानात काहीसा चढ-उतार राहण्याची शक्यता हवामान विभागाने वर्तवली आहे.

अरबी समुद्रात दक्षिण केरळच्या किनाऱ्यालगत समुद्र सपाटीपासून 900 मीटर उंचीवर चक्राकार वाऱ्यांची स्थिती आहे. शनिवारी सकाळपर्यंतच्या 24 तासांत कोकणातील रत्नागिरी येथे राज्यातील उच्चांकी 37.6 अंश सेल्सिअस तापमानाची नोंद झाली आहे. तर अनेक ठिकाणी तापमानाचा पारा चढाच असून 36, 35 अंशापर्यंत पोहोचतो. आज दिवसभरात राज्याच्या तापमानात चढ-उतार होण्याची शक्यता वर्तवण्यात आली आहे. त्यामुळं नागरिकांना रात्री गारवा आणि दिवसा उन्हाच्या काहिलाचा सामना करावा लागू शकतो.

राज्याच्या किमान तापमानात मात्र घट होताना दिसतेय. पुणे, नाशिक येथे तापामनाचा पारा घसरताना दिसतोय. नाशिकच्या निफाड येथे गुलाबी थंडीचे आगमन झाले असून शनिवारी पारा 12 अंशांवर स्थिरावला आहे. एल निनोच्या प्रभावामुळे यंदा पाऊस लांबला, आता थंडीचे आगमनही उशिराने झाले आहे. निफाडच्या गहू संशोधन केंद्रातील तापमान नोंदीत पारा 12 अंश सेल्सिअसपर्यंत घसरला.

पुण्यात गारठा वाढणार

ऑक्टोबर महिना संपून नोव्हेंबर सुरू झाला तरी पुणेकरांना अद्यापही अपेक्षित थंडीची प्रतीक्षा आहे दिवसा उन्हाचा चटका आणि रात्री जाणवणारा हलका गारठा असे समुद्र वातावरण सध्या शहरात अनुभवायला मिळत आहे मात्र पुढील तीन ते चार दिवसात किमान तापमानात घट होण्याची शक्यता भारतीय हवामानशास्त्र विभागाने वर्तवली आहे.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES