SOCIAL MEDIA

Newsletter

PARTNER SITES
Select Language Select State

'अकवान' चक्रीवादळाचा परिणाम, महाराष्ट्रात कडाक्याची थंडी पडणार? नोव्हेंबरच्या अखेरीस हवामान फिरणार...

राज्यातील बहुतांश भागात किमान तापमानात घट झाली असली तरीही दिवसा उकाडा कायम होता. मात्र आता वातावरण बदलले आहे.

Written By Mansi Kshirsagar Edited By Mansi Kshirsagar
Published: Nov 18, 2026, 07:09 IST | Updated: Nov 18, 2026, 07:32 IST
Image Credit: akvan cyclone maharashtra
Join

गेल्या काही दिवसांपासून राज्यात थंडीचा कडाका वाढला आहे. मात्र बंगालच्या उपसागरात निर्माण झालेल्या अकवान चक्रीवादळामुळं महाराष्ट्रातही हवामानावर परिणाम होण्याची शक्यता हवामान विभागाने वर्तवली आहे. राज्यात ढगाळ वातावरण निर्माण झाले असून त्यामुळं राज्यातील कमाल आणि किमान तापमानात सातत्याने चढ-उतार होताना दिसत आहे.

अकवान चक्रीवादळामुळं राज्यातील थंडीवर परिणाम होण्याची शक्यता आहे. उत्तर भारतातून दक्षिण भारताच्या दिशेने वाहणाऱ्या थंड वाऱ्यांचा वेग मंदावला आहे. त्याचाच परिणाम म्हणजे सध्या मुंबईसह राज्यातील किमान तापमानात घट होण्याची शक्यता कमी आहे. त्यामुळं थंडीचा प्रभाव कमी असेल.

चक्रीवादळाचा प्रभाव ओसरल्यानंतर उत्तर भारताकडून दक्षिणेकडे वाहणारे थंड वारे पुन्हा वेग पकडतील. त्यामुळं नोव्हेंबर महिन्याच्या अखेरीस किंवा डिसेंबरच्या पहिल्या आठवड्यात मुंबईसह राज्यभरातील किमान तापमानात पुन्हा घट होण्याची शक्यता आहे.

चक्रीवादळामुळं निर्माण झालेली मध्य प्रदेश आणि आसपास असलेली थंड हवा महाराष्ट्रात परतण्यास सुरुवात होईल. त्यामुळं किमान तापमानात घट होईल. राज्यात काही ठिकाणी किमान तापमानात 8 अंश सेल्सिअस तर मुंबईत किमान तापमान 15 अंशाच्या आसपास नोंदवली जाईल.

आज राज्यात अंशतः ढगाळ हवामानासह कमाल आणि किमान तापमानात चढ-उतार कायम राहण्याची शक्यता हवामान विभागाने वर्तवली आहे. तर, शनिवारपासून विदर्भात तुरळक ठिकाणी पावसाला पोषक वातावरण निर्माण होण्याची शक्यता आहे. पुढील काही दिवस दुपारच्या वेळी उन्हाची तीव्रता कमी जाणवेल, त्यानंतर पुढील काही दिवसांत किमान तापमानात 2 ते 3 अंशानी वाढ होण्याचा अंदाजही आहे.

रायगडमध्ये गुलाबी थंडीची चाहूल

रायगडकरांना आता गुलाबी थंडीची चाहूल लागली आहे. सकाळी आणि रात्री हवेत चांगला गारवा निर्माण होतोय. विशेषतः ग्रामीण भागात गारठा अधिक आहे. सर्वत्र धुक्याची चादर पसरलेली पहायला मिळते त्यामुळे महामार्गावरील दृश्यमानता कमी होते . वाहन चालकांना सकाळी 8 वाजेपर्यंत दिवे लावून प्रवास करावा लागतोय. दुपारच्या वेळी जाणवणारा उन्हाचा तडाखा देखील कमी झालाय. या थंडीमुळे आंबा काजू पिकांना मोहोर येण्यास मदत होईल असा अंदाज आहे.
 

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES