SOCIAL MEDIA

Newsletter

PARTNER SITES
Select Language Select State

राज्यात गुलाबी थंडीची चाहूल, या जिल्ह्यांत पारा 15 अंशावर; असं असेल आजचं हवामान

राज्यात गुलाबी थंडीची चाहुल लागण्यास सुरुवात झाली आहे. आज राज्यात कसे असेल हवामान, जाणून घ्या.

Written By Mansi Kshirsagar Edited By Mansi Kshirsagar
Published: Nov 10, 2026, 07:55 IST | Updated: Nov 10, 2026, 07:58 IST
Image Credit: Maharashtra Weather update
Join

राज्यात पहाटेचा गारवा जाणवत असून किमान तापमानाचा पारा 15 अंशांच्या खाली घसरायला सुरुवात होत आहे. आज महाराष्ट्रात तापमानातील चढ-उतार होताना दिसत आहे. हिच परिस्थिती कायम राहणार, अशी शक्यता हवामान विभागाने वर्तवली आहे.

सोमवारी निफाड येथील गहू संशोधन केंद्रात निच्चांकी 12 अंश सेल्सिअस तापमान नोंदले गेले. तर नाशिकमध्ये किमान पारा 14.2 अंशांवर पोहोचले असून दोन दिवसांत 3.9 ने घट झाली आहे. काही दिवसांपासून असलेले ढगाळ हवामानाचे सावट दूर होताच थंडीची एन्ट्री झाली आहे.

दक्षिण कोकण आणि परिसरावर समुद्र सपाटीपासून 3.1 किमी उंचीवर चक्राकार वाऱ्यांची स्थिती आहे. काही ठिकाणी पहाटे गुलाबी थंडी पडतेच. तर सकाळी पुन्हा तापमान वाढ होण्यास सुरुवात होते. कोकणातील रत्नागिरी येथे राज्यातील उच्चांकी 37.7 अंश सेल्सियस तापमानाची नोंद झाली आहे.

राज्यात थंडीची चाहूल लागण्यास सुरुवात झाली आहे. नागरिकांना पहाटे चांगल्याच हुडहुडीचा सामना करावा लागतो. पहाटे मॉर्निंग वॉक, सायकलिंगसाठी बाहेर पडणाऱ्या नागरिकांना स्वेटर, जॅकेट्स आणि कानटोप्यांचा आधार घ्यावा लागतोय. सोमवारी 12.4, जळगाव 13.6 अंश सेल्सियस, पुणे, नाशिक, परभणी, गोंदिया, यवतमाळ येथे 15 अंशापेक्षा कमी तापमानाची नोंद झालीये. त्यामुळं हवेत गारठा जाणवतोय.

राज्यात काही ठिकाणी पहाटेच्या वेळी हलके धुके जाणवण्याची शक्यता असून, हवेतील आर्द्रतेतही वाढ होत आहे. मात्र, पुढील चार ते पाच दिवस या विभागात कोणताही हवामान अलर्ट देण्यात आलेला नाही. त्यामुळे दिवसा उन्हाचा चटका आणि रात्री सुखद गारवा असे वातावरण नागरिकांना अनुभवायला मिळत आहे. दिवाळीत आता हळूहळू थंडीला सुरुवात होत असल्याचा अंदाज हवामान विभागाने वर्तवला आहे. 

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES