SOCIAL MEDIA

Newsletter

PARTNER SITES
Select Language Select State

लुटमारीच्या उद्देशाने पुणेकर एअर होस्टेसची जंगलात हत्या, पण पती आणि आईला वेगळाच संशय, सोबत असलेल्या मित्रावर गंभीर आरोप

गोंदिया जिल्ह्यातील तिरोडा तालुक्यात एक खळबळजनक हत्या उघडकीस आली आहे. पुण्याच्या महिलेची लुटमारीच्या उद्देशाने हत्या केली होती.

Written By Mansi Kshirsagar Edited By Mansi Kshirsagar
Published: Nov 18, 2026, 11:52 IST | Updated: Nov 18, 2026, 11:54 IST
Image Credit: pune crime Air Hostess Varsha Turkar death friend suspected over financial dispute emerges family members
Join

गोंदिया जिल्ह्यातील तिरोडा तालुक्यात एक बोंडराणी गावाच्या जंगलात पुणेकर महिलेची हत्या झाल्याची घटना उघडकीस आली होती. मित्रासोबत फिरायला आलेल्या वर्षा तुरकर हिच्यावर लुटारुनं हल्ला करत तिची हत्या केली. या घटनेने परिसरात एकच खळबळ उडाली होती. तर वर्षा तुरकर हिच्या हत्येमागे तिच्याच मित्राचा हात आहे, असा आरोप तिच्या कुटुंबीयांनी व पतीने केला आहे.

वर्ष तुरकर हिच्या पतीने आणि आईने तिचा मित्र नितेश अग्रवालवर गंभीर आरोप केले आहे. वर्षा ज्या व्यक्तीसोबत फिरायला गेली होती, त्या नितेश अग्रवालला वर्षाने प्लॉट विकून 60 लाख रुपये व्यवसायासाठी दिले होते, अशी माहिती वर्षाच्या आईने दिली आहे. तर ते पैसे परत मागण्यासाठी वर्षाने नितेशला फोन केल्याचे देखील तिच्या आईने सांगितले आहे.

दरम्यान, वर्षाचा पतीनेही मित्र नितेश अग्रवाल याला 15 लाख रुपये दिले होते, असा दावा केला आहे. पोलीस या दाव्याची पडताळणी करत असून नितेशची कसून चौकशी करण्यात येत आहे. तसंच, वर्षाच्या बहिणीनेही गंभीर आरोप केले आहेत. लुटमारीच्या उद्देशाने हत्या झाली असेल तर वर्षाच्या हत्येनंतर दागिने शाबूत होते. तसंच, नितेशला कोणतीही इजा झाली नव्हती, असा संशयही कुटुंबाने व्यक्त केला आहे.

नेमकं प्रकरण काय ?

वर्षा तुरकर या मध्य प्रदेशातील बालाघाट जिल्ह्यातील वारशिवनी तालुक्यातील खिनी-नवेगाव येथील रहिवासी होत्या. वर्षाचे 2019 मध्ये पुण्यातील एका तरुणाशी प्रेमविवाह झाला होता. त्या पुण्यातील धनोरी परिसरात राहत होत्या आणि एअर इंडियामध्ये लाईन ऑपरेटर म्हणून काम करत होत्या. त्यांच्या पतीची बदली इंदूरला झाली असून, ते सध्या तिथेच कार्यरत आहेत.

वर्षा दिवाळीसाठी आपल्या तीन वर्षांच्या मुलीसोबत माहेरी आल्या होत्या. 14 नोव्हेंबर रोजी दुपारी 4 वाजण्याच्या सुमारास, वर्षा आपल्या मुलीला माहेरी सोडून गोंदियातील मनोहर चौक येथील रहिवासी असलेल्या 41 वर्षीय नितेश अग्रवाल यांच्यासोबत कारमधून तिरोडाकडे निघाल्या. दरम्यान, ते दोघे अर्जुनी-बोंद्रानीजवळ वैनगंगा नदीच्या काठावरील श्रीराम मंदिर परिसराच्या सभोवतालच्या जंगलात पोहोचले.

नितेशने आपली गाडी तिथे पार्क केली आणि जंगलात बसून बोलू लागला. सायंकाळी 5.30 ते 6 च्या सुमारास, तीन अनोळखी माणसे अचानक तिथे आली. नितेश अग्रवालने पोलिसांना दिलेल्या जबाबानुसार, तिन्ही आरोपींनी वर्षाला चाकूचा धाक दाखवून लुटले आणि धारदार चाकूने तिच्या पोटात वार केले. यानंतर, तिन्ही आरोपी घटनास्थळावरून पळून गेले

पोलिसांकडून चौकशी सुरू

दरम्यान, घटनेची माहिती मिळताच दवनीवाडा पोलीस घटनास्थळी दाखल झाले. त्यांनी घटनास्थळाचा पंचनामा (चौकशी अहवाल) तयार करून, खुनाचा गुन्हा दाखल केला आणि तपास सुरू केला. खुनाचे गांभीर्य लक्षात घेता, पोलिसांनी आरोपींचा शोध घेण्यासाठी एक विशेष तपास पथक स्थापन केले आहे. गोंदियाचे पोलीस अधीक्षक, गोरख भामरे यांनी सांगितले की, आरोपींचा शोध घेण्यासाठी पोलीस पथके रवाना करण्यात आली आहेत.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES