SOCIAL MEDIA

Newsletter

PARTNER SITES
Select Language Select State

नादच खुळा! महाराष्ट्रातील 'या' ग्रामपंचायतीने अख्ख्या गावाला दिला दिवाळी बोनस, देशातील पहिलीच ग्रामपंचायत

सातारा जिल्ह्यातील पाटण तालुक्यातील मान्याचीवाडी हे गाव चर्चेत आहे ते त्यांनी केलेल्या एका उपक्रमामुळं

Written By Mansi Kshirsagar Edited By Mansi Kshirsagar
Published: Nov 08, 2026, 12:10 IST | Updated: Nov 08, 2026, 12:23 IST
Image Credit: satara news these Grampanchayat give Diwali Bonus to villagers
Join

दिवाळी म्हटलं की बोनस हा आलाच. दिवाळी सुरू होण्याआधी तुम्ही सोशल मीडियावर पाहिलं असेल अनेक कर्मचाऱ्यांना दिवाळी बोनस म्हणून मोठे मोठे गिफ्ट मिळत आहेत. काही जणांना आयफोनही गिफ्ट करण्यात आले आहेत. तर कुठे बॉस कर्मचाऱ्यांना पगाराइतकाच बोनस देतो. मात्र तुम्ही कधी ऐकलंय का ग्रामपंचायतीनेच गावकऱ्यांना बोनस दिल्याचं. पण हे घडलंय आपल्या महाराष्ट्रात.

दिवाळी म्हटलं की नोकरदारांना बोनस मिळतो. मात्र सातारा जिल्ह्यातील पाटण तालुक्यातल्या मान्याचीवाडी ग्रामपंचायतीने चक्क संपूर्ण गावालाच दिवाळी बोनस दिलाय. हे वाचून तुम्हालाही आश्चर्य वाटलं ना. पण हे खरंय. ग्रामपंचायतीने हे कसं करुन दाखवलं, जाणून घेऊयात.

ग्रामपंचायतीने उभारलेल्या निधीतून घरपट्टी, पाणीपट्टी आणि इतर करांची रक्कम वजा करून उर्वरित रक्कम खातेदार ग्रामस्थांना रोख स्वरूपात वाटप करण्यात आली आहे. गावाच्या विकासासाठी लोकसहभागाचा आदर्श निर्माण करणाऱ्या मान्याचीवाडीने आता आर्थिक नियोजनातून ग्रामस्थांची दिवाळीही गोड केली आहे.

भारतातील अशा प्रकारचा उपक्रम राबवणारी मान्याचीवाडी ही पहिली ग्रामपंचायत असून या अनोख्या उपक्रमाचं सर्वत्र कौतुक होतंय. मान्याचीवाडी ग्रामपंचायतीने शासनाचे तब्बल 83 पुरस्कार मिळवले असून कोट्यावधी रूपयांचे बक्षीसही मिळवले आहे. या बक्षीसांच्या पैशाच्या नियोजनातून व गावकर्यांनी उभारलेल्या निधीतून दिवाळी बोनस देण्यात आला आहे.

 

 

अख्ख्या गावाला दिवाळीचा बोनस देणाऱ्या या ग्रामपंचायतीची राज्यभरात चर्चा होतेय. या गावची लोकसंख्या अवघी 420 इतकी आहे तर 98 कुटुंबे राहतात. पाटण तालुक्यातील ही मान्याचीवाडी ग्रामपंचायत म्हणजे ग्रामविकासाचे अभ्यासकेंद्र म्हणून ओळखले जाते. ग्रामपंचायतीने राबविलेल्या या अनोख्या उपक्रमाचे कौतुक सर्वत्र होत आहे.

2024 मध्ये देशाच्या राष्ट्रपती द्रौपदी मुर्मू यांच्या हस्ते मान्याचीवाडी ग्रामपंचायतीला सर्वोत्तम पंचायतचा पुरस्कार देऊन सन्मानित करण्यात आले होते. या राष्ट्रीय पुरस्कारासोबत गावाला तब्बल 1, 50,00,000 म्हणजेच दीड कोटीचे पारितोषिक मिळाले.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES