• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Marathi
  • न्यूज
  • व्हिडीओ
  • फोटो
  • व्हिडिओ रील्स
  • शहर

Add Zee Business As A Preferred Source
App
  • LIVE टीवी
  • महाराष्ट्र
  • भारत
  • विश्व
  • स्पोर्ट्स
  • मनोरंजन
  • लाइफस्टाइल
  • हेल्थ
  • धर्म
  • कामाची बातमी
  • करिअर
  • झी न्यूज मराठी
  • /महाराष्ट्र
  • /'मुली मुलांच्या पैशावर प्रेम करतात',इंदुरीकर महाराजांच्या वादग्रस्त वक्तव्यावर उदय सामंतांची एका कृतीतून प्रतिक्रिया!

'मुली मुलांच्या पैशावर प्रेम करतात',इंदुरीकर महाराजांच्या वादग्रस्त वक्तव्यावर उदय सामंतांची एका कृतीतून प्रतिक्रिया!

इंदुरीकर महाराजांनी मुलींच्या प्रेमाबाबत केलेल्या वादग्रस्त वक्तव्यावर उदय सामंत यांना प्रश्न विचारण्यात आला. सामंत यांनी हात जोडून थेट भाष्य करणं टाळलं. काय घडलंय नेमकं? सविस्तर जाणून घेऊया.

Reported ByPravin Dabholkar
Published: Nov 18, 2026, 07:52 IST|Updated: Nov 18, 2026, 08:05 IST
joinshare
'मुली मुलांच्या पैशावर प्रेम करतात',इंदुरीकर महाराजांच्या वादग्रस्त वक्तव्यावर उदय सामंतांची एका कृतीतून प्रतिक्रिया!
Image Credit: उदय सामंत

About the Author

Pravin Dabholkar

Pravin Dabholkar

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ट्रेंडिंग

  • न्यूज
  • फोटो
  • व्हिडीओ
पुणे, मुंबई नाही तर महाराष्ट्रातील या जिल्ह्यातील लोक अव्वल!  फॅन्सी नंबरसाठी तब्बल 19 कोटी 84 लाख रुपये मोजले

पुणे, मुंबई नाही तर महाराष्ट्रातील या जिल्ह्यातील लोक अव्वल! फॅन्सी नंबरसाठी तब्बल 19 कोटी 84 लाख रुपये मोजले

2

नवी मुंबईतील तरुणाने एकाचवेळी खरेदी केल्या 3 महागड्या कार; एवढ्या पैशात 1 कोटीचे 50 फ्लॅट विकत घेता येतील

3

टायफॉइड झाल्यावर शरीरात कोणते बदल होतात? जाणून घ्या महत्त्वाची लक्षणे

4

इमर्जिंग आशिया कप 2026 पहिल्या सामन्यात वैभव सूर्यवंशीला संधी मिळणार? कशी असेल भारताची Playing 11

5

NBCC ने सुधारली आपली चूक, 49 फ्लॅट्सबाबत कायदेशीर प्रक्रिया सुरू असल्याचं केलं मान्य; आपल्या जोखमीवर लिलावात सहभागी होण्याचं आवाहन

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

प्रसिद्ध कीर्तनकार निवृत्ती महाराज देशमुख अर्थात इंदुरीकर महाराज हे आपल्या किर्तनासाठी महाराष्ट्रभरात प्रसिद्ध आहेत. राज्यासह सोशल मीडियात त्यांचा खूप मोठा चाहतावर्ग आहे. असे असले तरी ते अनेकदा आपल्या विधानामुळे चर्चेत राहतात. इंदुरीकर महाराज यांनी नुकत्याच केलेल्या मुलींबाबतच्या वक्तव्यामुळे राज्यात नव्या चर्चेला सुरुवात झालीय. “मुली मुलांवर प्रेम करत नाहीत, तर पैशांवर प्रेम करतात,” असं विधान त्यांनी कीर्तनादरम्यान केलं. या विधानावरून चर्चा सुरू असतानाच मंत्री उदय सामंत यांना पत्रकारांनी याबाबत प्रश्न विचारला. यावर उदय सामंत काय म्हणाले? सविस्तर जाणून घेऊया.

इंदुरीकर महाराजांचं नेमकं वक्तव्य काय?

निवृत्ती महाराज इंदुरीकर यांनी मीरा-भाईंदर परिसरातील एका कीर्तनात प्रेम आणि नातेसंबंधांवर भाष्य केलं. याची चर्चा राज्यभरात झाली. यावेळी त्यांनी मुली मुलांवर प्रेम करत नाहीत, तर पैशांवर प्रेम करतात, असं म्हटलं. तरुणांना उद्देशून त्यांनी हा मुद्दा मांडताना एका मुलाच्या प्रेमप्रकरणाचा दाखलाही दिला. यावरुन सोशल मीडियात अनेकांनी प्रश्न उपस्थित केले आहेत.

'लव्ह इज मनी' अशी प्रेमाची व्याख्या

इंदुरीकर महाराजांनी केवळ मुलींच्या प्रेमाबाबत विधान केलं नाही, तर प्रेमाची स्वतःची व्याख्याही सांगितली. “लव्ह इज अ मनी अँड मनी इज अ लव्ह, मनी इज लाइफ अँड लाइफ इज अ मनी,” असं ते म्हणाले. त्यांच्या या वक्तव्याचा व्हिडीओ सोशल मीडियावर चर्चेत आलाय. प्रेम आणि पैशांची सांगड घालणाऱ्या या विधानावर वेगवेगळ्या प्रतिक्रिया उमटत आहेत.  काहींनी याला योग्य विधान म्हटलंय तर काहींनी याला बेजबाबदारपणाचे लक्षण म्हटलंय.

उदय सामंतांना पत्रकारांचा प्रश्न

या वक्तव्यावरून चर्चा सुरू असताना मंत्री उदय सामंत यांना पत्रकारांनी प्रश्न विचारला. इंदुरीकर महाराजांच्या विधानाबाबत त्यांची भूमिका काय, असा प्रश्न उपस्थित करण्यात आला. मात्र सामंत यांनी या विषयावर सविस्तर बोलण्याऐवजी प्रतिक्रिया देणं टाळल्याचं दिसलं.

हात जोडून प्रतिक्रिया; थेट भाष्य टाळलं

पत्रकारांच्या प्रश्नावर उदय सामंत यांनी हात जोडले. कोणतंही स्पष्ट विधान न करता त्यांनी सावध भूमिका घेतली आणि तिथून निघून गेले. त्यामुळे इंदुरीकर महाराजांच्या वक्तव्यावर सामंत यांचं नेमकं मत काय, याबाबत स्पष्टता आलेली नाही.

इंदुरीकर महाराज पुन्हा चर्चेत

इंदुरीकर महाराज त्यांच्या कीर्तनातून सामाजिक आणि कौटुंबिक विषयांवर भाष्य करत असतात. असे असताना महिलांबाबतच्या काही विधानांमुळे यापूर्वीही ते चर्चेत आले आहेत. यावेळी मुलींच्या प्रेमाबाबत केलेल्या विधानामुळे पुन्हा एकदा वादाची शक्यता आहे. समाजप्रबोधन करताना एखाद्या संपूर्ण वर्गाबाबत अशा प्रकारचं सरसकट विधान करणं योग्य आहे का, असा प्रश्नही उपस्थित केला जात आहे.

Add Zee News as a Preferred Source
TAGS:
Uday Samant
Marathi News