Maharashtra News Live Updates : माजी नगरसेवकांचे पद रद्दच्या निर्णयाला स्थगिती! सुप्रीम कोर्टाकडून दिलासा

भांडुपचे माजी नगरसेवक दीपक सावंत यांना सुप्रीम कोर्टाकडून दिलासा? नगरसेवक पद रद्दच्या निर्णयाला स्थगिती. मुंबई महापालिकेतील ठाकरे गटाचे भांडुप प्रभाग क्रमांक १११ चे माजी नगरसेवक दीपक सावंत यांना दिलासा मिळण्याची शक्यता आहे. दीपक सावंत यांनी इतर मागासवर्गातून निवडणूक लढवताना सादर केलेले कुणबी - ८३ हे जात प्रमाणपत्र रत्नागिरी जिल्हा जात प्रमाणपत्र पडताळणी समितीने अवैध ठरवले होते. समितीने त्यांचे जात वैधता प्रमाणपत्र रद्द करण्याचे आदेश दिले होते आणि त्यानंतर महापालिका सभागृहात त्यांचे नगरसेवक पद रद्द झाल्याची घोषणा करण्यात आली होती. मात्र, या निर्णयाला सर्वोच्च न्यायालयाने स्थगिती दिली आहे. त्यामुळे पुन्हा नगरसेवक पद मिळावे यासाठी सावंत यांचे प्रयत्न सुरू आहेत.

मध्य रेल्वेच्या कल्याण रेल्वे स्थानकात येणाऱ्या लोकल या प्रवाशांनी खचाखच भरून येत आहेत लोकल ट्रेन उशिराने येत असल्याने प्रवासी मिळेल त्या लोकलमध्ये चढून पुढचा प्रवास करत आहेत. सायंकाळी घरी जाण्याची वेळ असल्याने प्रवाशांना हुशार आणि धावत असलेल्या लोकल ट्रेन चा मोठा फटका बसलाय. अजूनही कर्जत कसारा दिशेने जाणाऱ्या लोकल ट्रेन उशिराने धावत असल्याने प्रवासी लोकलची वाट बघत ताटकळ स्थानकावर उभे आहेत. दरम्यान तांत्रिक बिघाड जरी दुरुस्त झाला असला तरी रेल्वेचं कोलमडलेलं वेळापत्रक हे अजून काही तास तसच राहणार असल्याची शक्यता आहे. त्यामुळे प्रवाशांचे हाल होत आहेत

"पारंपरिक ऊर्जास्रोतांवरील अवलंबित्व कमी करणे, अपारंपरिक ऊर्जेचा वापर वाढविणे आणि पर्यावरणपूरक विकासाला चालना देणे, ही काळाची गरज आहे. शाश्वत सौर ऊर्जेच्या वापरात महाराष्ट्र प्रगतीपथावर असून, सौर ऊर्जेच्या माध्यमातून ग्रामीण भागात रोजगार, उद्योजकता आणि आर्थिक विकासाच्या नव्या संधी निर्माण होत आहेत," असे मत 'जीके एनर्जी'चे चेअरमन व व्यवस्थापकीय संचालक गोपाल काबरा यांनी व्यक्त केले. ग्रामीण भागात सौर ऊर्जेचा वापर वाढल्यास ऊर्जा बचतीबरोबरच स्थानिक पातळीवर कौशल्यविकास आणि स्वयंरोजगारालाही चालना मिळेल, असे त्यांनी नमूद केले.

राज्यातील दुष्काळाच्या पार्श्वभूमीवर भाजपा प्रदेशाध्यक्ष रविंद्र चव्हाण यांनी त्यांच्या डोंबिवली विधानसभा मतदारसंघातील स्थानिक पदाधिकारी, नगरसेवक, नागरिक आणि उद्योजक यांनी मुख्यमंत्री सहायता निधीसाठी दिलेल्या 1 कोटी 88 लाख 11 हजार 710 रुपये देणगीचे 110 धनादेश मुख्यमंत्री देवेंद्र फडणवीस यांच्याकडे सुपूर्द केले. या संदर्भात रविंद्र चव्हाण यांनी केलेल्या आवाहनाला डोंबिवली विधानसभा मतदार संघातील नागरिकांनी उस्फुर्त आणि सकारात्मक प्रतिसाद दिल्याने हा निधी अल्पावधीत गोळा झाला. यावेळी मुख्यमंत्री फडणवीस यांनी या जनसहभागासाठी सर्वांचे आभार मानले.

डाऊन मार्गावरून येणाऱ्या लोकल गाड्या या मुलुंड भांडुप स्थानकावरूनच भरून येत असल्याने ठाणे रेल्वे स्थानकात रेल्वेत चढण्याकरिता प्रवाशांची मोठी कसरत होत आहे, त्यामुळे ठाणे रेल्वे स्थानकामध्ये गर्दी वाढली आहे. 

मध्य रेल्वेची वाहतूक सकाळपासूनच विस्कळीत झालेली आहे सकाळच्या वेळेस ठाणे आणि मुलुंड दरम्यान ओव्हर वाईट वायर चा प्रॉब्लेम झाला होता त्यानंतर भांडुप आणि विक्रोळी च्या दरम्यान सिग्नल यंत्रणेत बिघाड झाल्याने मध्य रेल्वेची वाहतूक विस्कळीत झाल्याने प्रवाशांना याचा नाहक त्रास सहन करावा लागत आहे संध्याकाळची चार वाजून 4:14 मिनिटांची लोकल ही कल्याण स्टेशन सहा वाजता येत असल्याने प्रवाशांची मोठी गर्दी पाहायला मिळाली. 

भांडुप स्थानकावर लोकलच्या धडकेत २१ वर्षीय साहिल थिटे तरुणाचा मृत्यू झाला आहे. साहिल हा मुलुंड कॉलनीमधील अमर नगर परिसरात वास्तव्यास होता.

मध्य रेल्वेच्या कल्याण रेल्वे स्थानकात येणाऱ्या लोकल या प्रवाशांनी खचाखच भरून येत आहेत लोकल ट्रेन उशिराने येत असल्याने प्रवासी मिळेल त्या लोकलमध्ये चढून पुढचा प्रवास करत आहेत. सायंकाळी घरी जाण्याची वेळ असल्याने प्रवाशांना हुशार आणि धावत असलेल्या लोकल ट्रेन चा मोठा फटका बसलाय. अजूनही कर्जत कसारा दिशेने जाणाऱ्या लोकल ट्रेन उशिराने धावत असल्याने प्रवासी लोकलची वाट बघत ताटकळ स्थानकावर उभे आहेत. दरम्यान तांत्रिक बिघाड जरी दुरुस्त झाला असला तरी रेल्वेचं कोलमडलेलं वेळापत्रक हे अजून काही तास तसच राहणार असल्याची शक्यता आहे. त्यामुळे प्रवाशांचे हाल होत आहेत.