Maharashtra Breaking News Today LIVE: शरद पवारांचा दुष्काळ दौरा रद्द

अयोध्या राम मंदिरात देणग्यांच्या कथित चोरीबाबतच्या याचिकांवर सुप्रीम कोर्टाचा महत्वाचा निकाल

सरन्यायधीश सूर्यकांत यांच्या नेतृत्वाखालील खंडपीठाने दंडाधिकाऱ्यांना (मॅजिस्ट्रेट) कायद्यानुसार पुढील कार्यवाही करण्याचे निर्देश दिले

जनहित लक्षात घेता कोर्टाने याचिकाकर्त्यांना दंडाधिकाऱ्यांच्या कामकाजात मदत करण्याची परवानगी दिली

ज्याप्रमाणे एखाद्या गुन्ह्यातील पीडित व्यक्तीला फौजदारी कार्यवाहीत मदत करण्याची मुभा असते तशी मुभा कोर्टाने दिली

'या आरोपांच्या सत्यतेबाबत किंवा गुणवत्तेबाबत न्यायालयाने कोणतेही मत व्यक्त केलेले नाही' अस कोर्टाने स्पष्ट केल

उत्तर प्रदेश सरकारने न्यायालयाला कळवले आहे की या प्रकरणात चार्जशीट दाखल करण्यात आलय
 

सातारा जिल्हा न्यायालय बॉम्बने उडवून देण्याच्या धमकीने खळबळ
 

सातारा जिल्हा न्यायालयात बॉम्ब शोधक पथक दाखल

ई-मेलद्वारे दिली धमकी,जिल्हा न्यायालय इमारती मधून सर्वाना काढले बाहेर

कर्मचाऱ्यांची आणि पोलीस यंत्रणेची धावपळ...

अग्निशमन यंत्रणा देखील दाखल
 

दिवाळीच्या आधीच मुंबई महापालिकेनं सेलेब्रीटी दिवाळी कॅम्पेन मध्ये पोस्ट केलेला अभिनेत्री दिया मिर्जाचा फटाके प्रदुषण जनजागृतीबाबतचा व्हिडीओ डिलीट केला

मुंबई भाजप अध्यक्ष  अमित साटमांच्या जाहीर नाराजीनंतर पालिका प्रशासनाकडून हा व्हिडीओ डिलीट करण्यात आला

अमित साटमांना इतर सेलेब्रिटींचे व्हिडीओ वगळता दिया मिर्जाच्याच व्हिडीओवर आक्षेप का घ्यावासा वाटला याची चर्चा आता राजकीय वर्तृळात रंगलीय

*दिया मिर्झा ची आतापर्यंतची राजकीय आणि सामाजिक विषयांवरील भूमिका*

* आरे वृक्षतोडीला विरोध; मेट्रोला समर्थन, मात्र पर्यायी जागेची मागणी.

* CAA विरोधी आंदोलनाला आणि जामिया विद्यार्थ्यांना पाठिंबा.

* विद्यार्थ्यांवरील पोलिसी कारवाईचा निषेध.

* हैदराबादच्या गाचिबोवली जंगलतोडीला विरोध; काँग्रेस सरकारवरही सवाल.

* NEET पेपरफुटी प्रकरणात विद्यार्थ्यांच्या आंदोलनाला पाठिंबा.

* NEET परीक्षेतील पारदर्शकतेसाठी केंद्र सरकारवर टीका.

* पितृसत्ताक व्यवस्थेवर टीका; महिला समानतेची भूमिका.

* हवामान बदल, जंगलसंवर्धन आणि जैवविविधतेच्या संरक्षणासाठी सक्रिय.

* मुंबईतील वायुप्रदूषण आणि फटाक्यांविरोधात जनजागृती.

* सामाजिक न्याय, शिक्षण आणि आरोग्याच्या मुद्द्यांवर कलाकारांनी बोलावे, अशी भूमिका.
 

दिवाळीनंतर इंडिया आघाडीचे पुन्हा आंदोलन, राजधानी दिल्लीतच होणार आंदोलन

जर ज्ञानेश कुमार यांचा राजीनामा नाही झाला तर पुन्हा आंदोलन केलं जाणार सूत्रांची माहिती

देशात इतर शहरांपेक्षा दिल्लीतच आंदोलन घेण्यावर नेत्यांमध्ये एकमत

केंद्र सरकारवर दबाव वाढवण्यासाठी दिल्लीतच आंदोलनाची गरज, नेत्यांची भूमिका

सूत्रांची माहिती

बारामती तसेच पुणे जिल्ह्यात वाढत असलेल्या पावसाची परिस्थिती लक्षात घेता, आदरणीय पद्मविभूषण खा. शरदचंद्रजी पवार साहेब यांचा नियोजित दुष्काळ पाहणी दौरा स्थगित करण्यात आला असल्याची माहिती राष्ट्रवादी युवक काँग्रेस शरदचंद्र पवार पक्षाचे प्रदेशाध्यक्ष  महेबुब शेख यांनी दिली आहे. 

मुंबई महापालिकेच्या ऐतिहासिक सभागृहाची क्षमता अपुरी पडत असल्याने आणि भविष्यात नगरसेवकांची संख्या वाढणार असल्याने आझाद मैदानाच्या प्रवेशद्वाराजवळ सहा मजली अत्याधुनिक नवं सभागृह उभारण्यात येणार आहे…

या नव्या सभागृहात ३३० ते ३५० सदस्यांच्या आसनव्यवस्थेचं नियोजन करण्यात आलं असून त्यासाठी ३६ कोटी रुपयांचा प्रस्ताव स्थायी समितीच्या पटलावर ठेवण्यात आला आहे.

या वर्षअखेरीस बांधकाम सुरू करून दोन वर्षांत, म्हणजेच लोकसभा निवडणुकीच्या पार्श्वभूमीवर सभागृह पूर्ण करण्याचं प्रशासनाचे उद्दिष्ट

नव्या इमारतीत काय असणार?
- ९०० चौरस मीटर जागेवर ही सहा मजली इमारत असेल. 
- ⁠तळमजल्यावर ६० वाहनांसाठी पार्किंग
- ⁠पहिला-दुसरा मजला पोडियमसाठी राखीव
- ⁠तिसऱ्या मजल्यावर कर्मचाऱ्यांसाठी जिमखाना
- ⁠चौथ्या मजल्यावर महापौर, सभागृह नेते, विरोधी पक्षनेते यांची कार्यालये 
- ⁠पाचवा आणि सहावा मजला एकत्रित करून थियेटर स्टाईलमध्ये विधानमंडळाच्या धर्तीवर सभागृहाची निर्मिती केली जाणार तर पत्रकारांसाठी स्वतंत्र गॅलरी असणार…

सध्या सभागृहात २२७ निवडून आलेले आणि १० नामनिर्देशित अशा २३७ सदस्यांची व्यवस्था आहे…

मात्र भविष्यात प्रभागरचना आणि लोकसंख्यावाढीमुळे सदस्यसंख्या वाढणार असल्याने अधिकच्या आसनांचं नियोजन…

मारहाण करणारा शिवसेना नगरसेवक रमेश म्हात्रेंचा कल्याण न्यायालयात पुन्हा जामीन अर्ज दाखल करण्यात आला आहे, सुप्रीम कोर्टाने आधीचा जामीन रद्द केला होता. यानंतर कोर्टाच्या आदेशानंतर पोलिसांना शरण आलेल्या म्हात्रेंची आधारवाडी कारागृहात  रवानगी झाली होती. फास्टट्रॅक कोर्टात खटल्याची सुनावणी सुरू असून आपर्यंत या खटल्यात पंच, तक्रारदार, महत्त्वाचे साक्षीदार आणि तपास अधिकारी API प्रशांत मोरे यांची साक्ष नोंदवण्यात आली आहे. सध्या डॉक्टरांच्या मोबाईलमधील ऑडिओ रेकॉर्डिंगची फॉरेन्सिक तपासणी पाठवली असून मोबाईल जप्त न केल्याबाबत बचाव पक्षाची विचारणा देखील केली होती. आता नव्या जामीन अर्जावर ३ नोव्हेंबरला सुनावणी असून रमेश म्हात्रे याला पुन्हा जामीन मिळणार की फेटाळला जाणार याकडे सर्वांचे लक्ष लागलं आहे.

पुणे विभागात एफडीएची धडक कारवाई

सात दिवसांत साडेतेरा कोटींचा मसाल्यांचा माल जप्त

तर सहा महिन्यांत राज्यात पुणे विभागात सर्वाधिक तपासण्या आणि नोटिसाही

23 ते 29 ऑक्टोबर दरम्यान राबविण्यात आलेल्या विशेष मोहिमेत 13 कोटी 60 लाखांचा मसाला जप्त

एक एप्रिल ते 29 ऑक्टोबर 2017 कालावधीत पुणे विभागात 359 आस्थापनांची तपासणी  

यामध्ये 142 आस्थापनांना सुधारणा करण्याच्या नोटीसा बजावण्यात आल्यात