Maharashtra Breaking News Today LIVE: सौरव दास आणि आशुतोष रांका यांना जमीन मंजूर; जंतर मंतरवर झेंडा फडकवल्याप्रकरणी झाली होती अटक

सातारा : सातारा जिल्हा मध्यवर्ती सहकारी बँकेच्या निवडणुकीत १० वर्षांच्या निकषामुळे राजकीय समीकरणे बदलली आहेत. या निकषाचा फटका बसल्याने अनेक दिग्गज नेत्यांनी उमेदवारी अर्ज मागे घेतले आहेत. मंत्री शिवेंद्रसिंहराजे भोसले, खासदार उदयनराजे भोसले आणि खासदार नितीन पाटील यांनी आज आपले उमेदवारी अर्ज मागे घेतले. यापूर्वी दोन दिवसांपूर्वी विधान परिषदेचे माजी सभापती रामराजे नाईक निंबाळकर यांनीही अर्ज माघारी घेतला होता. सुरुवातीला बिनविरोध होण्याच्या मार्गावर असलेले खासदार उदयनराजे भोसले यांनी आपला उमेदवारी अर्ज मागे घेतला आहे. गृहनिर्माण संस्थेमधून आता खासदार उदयनराजे भोसले यांच्या जागी त्यांचे निष्ठावंत सहकारी काका धुमाळ यांना आता संधी मिळणार आहे.
एकीकडे दिग्गज नेत्यांनी निवडणुकीतून माघार घेतली असताना, दुसरीकडे काही नेत्यांची संचालकपदी बिनविरोध निवड झाली आहे. मंत्री मकरंद पाटील, माजी खासदार रणजितसिंह नाईक निंबाळकर आणि आमदार अतुल भोसले यांची आज जिल्हा बँकेच्या संचालकपदी बिनविरोध निवड झाली.त्यामुळे जिल्हा बँकेच्या निवडणुकीत 10 वर्षांच्या निकषाने अनेक दिग्गजांना माघार घेण्यास भाग पाडले असले, तरी काही नेत्यांनी बिनविरोध निवडीतून संचालकपदावर आपले स्थान निश्चित केले आहे. या घडामोडींमुळे सातारा जिल्ह्याच्या सहकार क्षेत्रातील राजकीय समीकरणांना नवे वळण मिळाले आहे.

टायगर श्रॉफ गोळीबार प्रकरणात जखमी झालेल्या उमेश चौहान यांच्या शरीरातून गोळी काढण्यात आली. मुंबईतील केईएम रुग्णालयात उमेश चौहान यांच्यावर उपचार सुरू आहेत. २१ ऑक्टोबर २०२६ रोजी सकाळी ८ वाजता शस्त्रक्रिया करण्यात आली. कार्डिओव्हॅस्क्युलर अँड थोरेसिक सर्जरी (CVTS) विभागाच्या ऑपरेशन थिएटरमध्ये जनरल अ‍ॅनेस्थेशिया देऊन शस्त्रक्रिया करण्यात आली. CVTS विभागप्रमुख डॉ. उदय एकनाथ जाधव आणि सर्जरी विभागाचे युनिटप्रमुख डॉ. राम प्रजापती यांच्या टीमने शस्त्रक्रिया केली. शस्त्रक्रियेनंतर उमेश चौहान यांना पुढील उपचार आणि देखरेखीसाठी ICU मध्ये हलवण्यात आले. उमेश चौहान यांची प्रकृती सध्या स्थिर असून डॉक्टरांकडून त्यांच्यावर सतत देखरेख ठेवली जात आहे.

कल्याण डोंबिवली महापालिकेच्या एकूण १० प्रभाग समित्यांची निवडणूक आज पार पडली.  या प्रभाग समितीच्या निवडणुकीमध्ये शिवसेनेचे वर्चस्व पाहायला मिळाल. शिवसेनेकडे एकूण १० प्रभाग समितींपैकी ५ प्रभाग समित्या आपल्याकडे राखण्यात यशस्वी झाली आहे. भाजपाकडे ४ तर मनसेला १ प्रभाग समिती मिळाली आहे.

सौरव दास आणि आशुतोष रांका यांना जमीन मंजूर झाला आहे. SEM न्यायालयाने जामीन मंजूर  केला केला आहे.  जंतर मंतरवर जाण्याचा प्रयत्न केल्याप्रकरणी सात दिवसांच्या न्यायालयीन कोठडीत पाठवण्यात आले होते. 

पुणे शिक्षक मतदारसंघ निवडणूक लढणार आणि जिंकणार असा विश्वास सचिन सानप यांनी व्यक्त केलाय...एकनाथ शिंदेंनी पाठिंबा दिल्यानं विजयावर शिक्कामोर्तब झाला...शिक्षकांचे प्रश्न शासन दरबारी नेमके कसे सोडवून घ्यायचे ,शिक्षकच आमदार करतील असा विश्वास सानप यांनी व्यक्त केलाय....प्रा.सचिन सानप यांच्याशी संवाद साधलाय आमचे प्रतिनिधी चंद्रकांत फुंदे यांनी ..

नाशिकच्या येवला तालुक्यात अंकाई किल्लावर राज्यभरातून ट्रेकिंगसाठी ट्रेकर्स येत असतात. दरम्यान आज सकाळी सात वाजेच्या सुमारास संगमनेर येथून अंकाई किल्ल्यावर ट्रेकिंगसाठी आलेले एडवोकेट अमित धुळगंड यांना चढाई दरम्यान त्रास होऊ लागल्याने ते बेशुद्ध झाले. अंकाई येथील स्थानिक सुरक्षारक्षक आणि ग्रामस्थांना ही माहिती कळाल्यानंतर त्यांनी तातडीने किल्ला गाठत बेशुद्ध अवस्थेत असलेल्या ट्रेकरला खाली आणलं मात्र रस्त्यातच त्यांचा हृदयविकाराच्या तीव्र झटक्याने मृत्यू झाल्याची माहिती समोर आली आहे. या घटनेमुळे परिसरात शोककळा पसरली आहे.

सांगली जिल्हा मध्यवर्ती बँक निवडणूक  बिनविरोध करण्याच्या दृष्टीने हालचालींना वेग आला आहे. आमदार इद्रिस नायकवडी यांनी माघार घेतली.  उमेदवारी अर्ज  मागे घेतला आहे. अर्ज मागे घेण्याच्या आधी जयंत पाटील-विश्वजीत कदमांमध्ये बैठक झाली.