34 वर्षांपूर्वी बाळासाहेबांच्या टीममधील सर्वात पावरफुल नेत्याने 18 आमदारांना घेऊन फोडला होता शिवसेना पक्ष; नेत्याचे नाव जाणून शॉक व्हाल
34 वर्षांपूर्वी फुटली होती शिवसेना. बाळासाहेबांच्या टीममधील सर्वात पावरफुल नेत्याने 18 आमदारांना घेऊन शिवसेना पक्ष फोडला होता. 'शिवसेना-बी' गटाची स्थापन केली होती.
Balasaheb Thackeray : एकनाथ शिंदे यांनी 40 आमदारांना सोबत घेऊन शिवसेना पक्ष फोडला. यामुळे उद्धव ठाकरे यांना रातोरात मुख्यमंत्रीपद सोडावे लागले. एकनाथ शिंदे यांचा गट सत्तेत सहभागी झाला. एकनाथ शिंदे यांनी शिवसेना पक्षावर दावा केला आहे. शिवसनेचे धनुष्यबाण चिन्ह देखील एकनाथ शिंदे यांना मिळाले आहे. शिवसेना कुणाची याचा वाद आता सुप्रिम कोर्टात पोहचला आहे. 34 वर्षांपूर्वी शिवसेना पक्ष फुटला होता. 34 वर्षांपूर्वी बाळासाहेब ठाकरे यांच्या टीममधील सर्वात पावरफुल नेत्याने 18 आमदारांना घेऊन शिवसेना पक्ष फोडला होता. या नेत्याने 'शिवसेना-बी' या नावाने नवा गट स्थापन केला होता. हा नेता आता सत्तेत असलेल्या पक्षात असून मंत्रीपदावर आहे.
बाळासाहेबांची शिवसेना फोडणारा हा नेता दुसरा तिसरा कुणी नसून छगन भुजबळ आहे. 5 डिसेंबर 1991 रोजी भुजबळ यांनी बाळासाहेब ठाकरे यांच्या विरोधात बंडाची घोषणा केली. भुजबळ यांनी शिवसेनेच्या 18 आमदारांनी सोबत घेऊन मोठ बंड केले. विधानसभा अध्यक्षांना एक पत्र सादर करून 'शिवसेना-बी' नावाचा एक वेगळा गट स्थापन करण्याचा दावा त्यांनी केला. आमचा गट मूळ शिवसेनेपासून वेगळे होत आहे. त्यानंतर अध्यक्षांनी भुजबळ यांच्या गटाला मान्यता दिली. भुजबळांच्या नेतृत्वातील हा 18 आमदारांचा गट काँग्रेसमध्ये सामील झाला.
शिवसेनेला माघार घ्यावी लागली
छगन भुजबळ यांनी शिवसेना पक्षात पहिली मोठी फूट पाडली. शिवसेना पक्षाच्या स्थापनेपासून पहिल्यांदाच कोणीतरी बाळासाहेब ठाकरे यांच्या विरोधात बंड करण्याचे धाडस केले होते. भुजबळ यांच्या बंडामुळे महाराष्ट्रात मोठा राजकीय भूकंप आला होता. विधानसभेतील शिवसेना आमदारांची संख्या कमी झाली. शिवसेना आमदारांची संख्या 52 वरून थेट 34 वर आली. भाजपने या संधीचा फायदा घेत विरोधी पक्षनेतेपदावर आपला दावा ठोकला. भाजपचे आमदार शिवसेनेपेक्षा 41 ने जास्त होते. यामुळे शिवसेनेला विरोधी पक्षनेते पदावर पाणी सोडावे लागले, भाजप नेते गोपीनाथ मुंडे यांची विरोधी पक्षनेतेपदी नियुक्ती करण्यात आली.
छगन भुजबळ यांनी बाळासाहेबांच्या विरोधात जाऊन वेगळा गट का स्थापन केला?
छगन भुजबळ हे बाळासाहेबांच्या टीममधील सर्वात पावरफुल नेते होते. ओबीसी समाजात छगन भुजबळ यांचा मोठ दबदबा होता. शिवसेनेचा विस्तार करण्यात त्यांचा मोठा वाटा होता. 1985 मध्ये झालेल्या विधानसभा निवडणुकांच्या निकालानंतर बाळासाहेब आणि छगन भुजबळ यांच्यातील संबध बिघडले. 1985 मध्ये झालेल्या विधानसभा निवडणुकीत शिवसेनेला सत्ता मिळवता आली नाही. पण, शिवसेना महाराष्ट्रातील सर्वात मोठा विरोधी पक्ष म्हणून उदयास आली. बाळासाहेब आपल्यावरच विरोधी पक्षनेतेची जबाबदारी सोपवतील असा छगन भुजबळ यांना विश्वास होता. पण, तसे झाले नाही बाळासाहेबांनी मनोहर जोशी यांना विरोधी पक्षनेते बनवले. यामुळे छगन भुजबळ नाराज झाले आणि त्यांनी थेट बाळासांहेबाविरोधात बंड पुकारले. 18 आमदारांना सोबत घेऊन छगन भुजबळ शिवसेना पक्षातून बाहेर पडले. अशा प्रकारे 34 वर्षांपूर्वी शिवसेना पक्ष पहिल्यांदा फुटला होता.