SOCIAL MEDIA

Newsletter

PARTNER SITES
Select Language Select State

'अजितदादांच्या अपघातामागचा 'मफलर मॅन' कोण?' मुंबई-पुण्यात बॅनरची चर्चा, सुप्रिया सुळेंची सूचक प्रतिक्रिया; म्हणाल्या, 'भाई का सिनेमा आ रहा है...'

यशवंतराव चव्हाण सेंटर येथे लागलेल्या पोस्टरची राजकीय वर्तुळात मोठी चर्चा रंगली आहे.

Written By Mansi Kshirsagar Edited By Mansi Kshirsagar
Published: Nov 14, 2026, 12:43 PM IST | Updated: Nov 14, 2026, 12:45 PM IST
Image Credit: Ajit Pawar Plane Crash accident Who Is the Muffler Leader supriya sule reaction
Join

दिवंगत उपमुख्यमंत्री अजित पवार यांच्या विमान अपघाताचा तपास आणि त्यामागील घातपाताच्या संशयावरुन महाराष्ट्राचे राजकारण ढवळून निघाले आहे. महाराष्ट्राच्या राजकारणात 'मफलरवाला नेता' (मफलर मॅन) हा शब्द सातत्याने समोर येत आहे. मफलरवाला नेता कोण अशी चर्चा सध्या महाराष्ट्रात होताना दिसत आहे. यावर राष्ट्रवादी काँग्रेसच्या नेत्या सुप्रिया सुळे यांनी सूचक प्रतिक्रिया दिली आहे.

दोन्ही राष्ट्रवादी काँग्रेस पक्ष एकत्र येणार अशी चर्चा सुरू असतानाच खासदार सुप्रिया सुळे यांनी पत्रकार परिषद घेत या चर्चा फेटाळून लावल्या आहेत. अजित पवार असतांना विलीनीकरणाची चर्चा होती. मात्र, ज्या दिवशी अजित पवारांचं निधन झालं त्यादिवशी विलीनीकरणाच्या चर्चांना फुलस्टॉप लागला आहे, असं त्यांनी म्हटलं आहे. त्याचबरोबर त्यांना 16 नोव्हेंबर रोजी मफलर मॅनबाबत मोठा खुलासा होणार असल्याच्या प्रश्न विचारण्यात आल्यावर त्यांनी प्रतिक्रिया दिली आगे.

सुप्रिया सुळे यांनी म्हटलं आहे की,  थोडा पेशंन्स ठेवा. सलमान खानचा पिक्चर बघताना आधी कसं जाहिराती बघताना उत्सुकता वाढते. की भाईका पिक्चर देखने जाना है. तसं आहे ते. ट्रेलर आलाय, ट्रेलर ही कॉन्सेप्ट कशासाठी आहे. प्रेक्षकांना खिळवून ठेवण्यासाठी. भाई का सिनेमा आ रहा है... किप एंगेज, असं सूचक विधान त्यांनी केलं आहे.

तसंच, मी काही दिवसांपासून खूप व्यस्त होते. त्यामुळं मला याच्याबाबत काही माहिती नाही, असंही त्यांनी म्हटलं आहे.

मफलर मॅनचे मुंबईत बॅनर?

मुंबईतील यशवंतराव चव्हाण सेंटरबाहेरील रहस्यमय पोस्टरने राजकीय वर्तुळात खळबळ उडाली आहे. या पोस्टरवर अजितदादांच्या अपघात / घातपातामागे असलेल्यांना वाचवणारा नेता कोण?” असा थेट सवाल या पोस्टरमध्ये विचारण्यात आला आहे. या पोस्टरवर मफलरची प्रतिकृती पाहायला मिळत आहे. मात्र कोणत्याही नावाचा उल्लेख नाही करण्यात आलेला नाही.

पुण्यातही पोस्टर

मुंबईपाठोपाठ पुण्यात ही लागले मफलर वाला नेता कोण याचे फ्लेक्स लागले आहेत. डेक्कन भागात हे फ्लेक्स लावण्यात आले आहेत. फ्लेक्सवर अजित पवार यांच्या अपघात/घातपातामागे असलेल्यांना वाचवणारा नेता कोण ? असा मजकूर छापण्यात आला आहे.

16 नोव्हेंबरला खुलासा?

या बॅनरवर येत्या 16 नोव्हेंबर 2026 रोजी दुपारी 4 वाजता याच ठिकाणी काहीतरी मोठा राजकीय खुलासा होणार असल्याचे नमूद केले आहे, मात्र त्यावर कोणत्याही नेत्याचे नाव किंवा आयोजकाची माहिती दिलेली नाही.

रोहित पवारांनी केला होता दावा

राष्ट्रवादी काँग्रेस (शरदचंद्र पवार पक्ष)चे आमदार रोहित पवार यांनी आरोप केला होता की, अजित पवार यांच्या विमान अपघाताच्या प्रकरणाशी संबंधित 'VSR Ventures' कंपनीला एका मोठ्या राजकीय नेत्याने संरक्षण दिले आहे. त्यांनी या नेत्याला 'मफलरवाला नेता' असे संबोधले होते आणि हा नेता केंद्रातील नसून महाराष्ट्रातीलच एक शक्तिशाली नेता असल्याचा दावा केला होता.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES