SOCIAL MEDIA

Newsletter

PARTNER SITES
Select Language Select State

शिर्डीचे साईबाबा, ₹22 कोटी अन् ... बाळासाहेबांनी कोणाला पाठवलेली 'मातोश्री'मधील स्वत:ची चांदीची खुर्ची? अख्ख्या देशभर गाजलेलं प्रकरण

बाळासाहेब हे त्यांच्या रोखठोक भूमिकांसाठी ओळखले जायचे. अनेकदा एखादा मुद्दा पटला नाही तर ते थेट तो बोलून दाखवायचे. असाच एक प्रकार 2006 मध्ये घडला होता. नेमकं तेव्हा काय झालेलं जाणून घेऊयात...

Reported By Swapnil Ghangale Written By Swapnil Ghangale
Published: Nov 17, 2026, 14:30 IST | Updated: Nov 17, 2026, 14:46 IST
Image Credit: नेमकं असं काय झालं की बाळासाहेबांनी ही खुर्ची एका ऑफिसमध्ये पाठवून दिली (प्रातिनिधिक फोटो, सौजन्य सोशल मीडियावरुन साभार)
Join

आज शिवसेनाप्रमुख बाळासाहेब ठाकरेंची 14 वी पुण्यतिथी आहे. आजच्याच दिवशी 2012 मध्ये बाळासाहेबांचं निधन झालं. बाळासाहेबांची उणीव आजही महाराष्ट्राच्या राजकारणामध्ये प्रकार्षाने जाणवते. बाळासाहेब हे त्यांच्या रोखठोक मतांसाठी ओळखले जायचे. अनेकदा त्यांनी टीकाकारांना आपल्या कृतीमधून उत्तरं दिली आहेत. असाच एक किस्सा घडला तो बाळासाहेबांच्या खुर्चीसंदर्भात. नेमकं काय झालं होतं जाणून घेऊयात सविस्तरपणे...

नेमकं झालेलं काय?

हा किस्सा 2006 सालातील आहे. शिर्डीच्या साईबाबांच्या मूर्तीसाठी 22 कोटी रुपयांचे सोन्याचे सिंहासन बनवण्याचा प्रस्ताव होता. मात्र यावर्षी जसा दुष्काळ पडला आहे तशीच काहीशी स्थिती असल्याने महाराष्ट्रात शेतकरी आत्महत्या करत असताना इतका पैसा मूर्तीसाठी खर्च करण्याऐवजी तो पैसा गरीब शेतकऱ्यांसाठी वापरावा, अशी भूमिका बाळासाहेबांनी घेतली होती. त्यांनी ती उघडपणे मांडलीही होती.

टीका बाळासाहेबांच्या वाचनात आली अन्...

मात्र बाळासाहेबांच्या या भूमिकेवरुन एका वृतपत्रामधून त्यांच्यावर टीका करण्यात आली. या वृत्तपत्राने, "बाळासाहेब ठाकरे स्वतः चांदीच्या सिंहासनावर बसतात" अशा अर्थाचे वृत्त प्रसिद्ध केले होते. ही बातमी बाळासाहेबांच्या वाचनात आली आणि त्यानंतर त्यांनी या टिकेला थेट कृतीमधून उत्तर देण्याचं ठरवलं. ज्या वृत्तपत्राने ही बातमी दिली होती त्यांना उत्तर देण्यासाठी बाळासाहेबांनी आपली ती चांदीचा मुलामा असलेली लाकडी खुर्ची थेट या वृत्तपत्राच्या कार्यालयामध्ये पाठवली.

खुर्चीसाठी काचेचा दरवाजा काढावा लागला

ही खुर्ची तुमच्याकडे पोहोचल्याची पोचपावती पाठवून द्या असा निरोपही बाळासाहेबांनी पाठवला होता. 10 फूट उंच खुर्ची मुंबईतील चिंचपोकळीतील कार्यालयात पाठवली होती. विशेष म्हणजे ही खुर्ची त्या वृत्तपत्राच्या कार्यालयात ठेवण्यासाठी चक्क तिथला काचेचा दरवाजा काढावा लागला होता.  त्यावेळी बाळासाहेबांनी एका वृत्तपत्राच्या ऑफिसमध्ये स्वत:ची 'मातोश्री' बंगल्यावरील चांदीची खुर्ची पाठवल्याचं प्रकरण देशभरामध्ये चर्चेत होतं.

चांदीच्या खुर्चीचं सत्य बाळासाहेबांनीच सांगितलं

काही दिवसांनंतर, 29 ऑगस्ट 2006 रोजी या वृत्त समूहाचे अध्यक्ष आणि कार्यकारी संपादकांनी स्वतः बांद्रा येथील 'मातोश्री' निवासस्थानी जाऊन ही खुर्ची बाळासाहेबांना सन्मानाने परत केली होती. खुर्ची परत स्वीकारताना बाळासाहेबांनी ही खुर्ची लाकडाची असल्याचं स्पष्ट केलं होतं. भारतीय कामगार सेनेने ही खुर्ची मला भेट म्हणून दिली असून या खुर्चीवर फक्त चांदीचा पातळ पत्रा चढवलेला आहे. ही मूळ लाकडी खुर्ची आहे, असं बाळासाहेबांनी सांगितलं होतं. तसेच आपल्या खास शैलीमध्ये सुनावताना, "मी जिथे बसतो तेच माझे सिंहासन असते, आता सुताराला बोलावून या खुर्चीवरचा चांदीचा पत्रा काढायला सांगणार आहे," असेही त्यांनी पत्रकारांशी संवाद साधताना सांगितले होते.

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES