टायगर श्रॉफवर हल्ला करण्यापूर्वी हल्लेखोरांनी अंधेरीतील एका हॉटेलमध्येही केलेला गोळीबार; तपासादरम्यान विचित्र कारण समोर

टायगर श्रॉफवर झालेल्या हल्लाप्रकरणात पोलिसांनी वेगाने तपास करत देशभरात मोहिम राबवली आहे. आत्तापर्यंत या प्रकरणात पोलिसांनी 10 जणांना अटक केली आहे. आरोपींच्या चौकशीतून  दोन धक्कादायक माहिती समोर आली आहे.

टायगर श्रॉफवर गोळीबार करण्यापूर्वी आरोपींनी मुंबईजवळच्या एका ठिकाणी गोळीबाराचा सराव केला होता. एका आरोपीने पिस्तुलाची योग्य कार्यप्रणाली तपासण्यासाठी सराव म्हणून दोन गोळ्या झाडल्या, तर दुसऱ्याने एक गोळी झाडली, अशी माहिती समोर येत आहे.

दुसरी माहिती खूपच चिंताजनक आहे. दोन्ही आरोपी मुंबईतील अंधेरी येथील एका हॉटेलमध्ये थांबले असताना, पिस्तुलाची चाचणी करत असताना एक गोळी सुटली आणि ती हॉटेलच्या खोलीतील पलंगाला लागली. मात्र, हॉटेलच्या कर्मचाऱ्यांना याची काहीच कल्पना नव्हती.

तिसरी माहितीदेखील याच पिस्तुलांशी संबंधित आहे. मुंबई पोलिसांच्या सूत्रांनी सांगितले की, गोळीबार केल्यानंतर आरोपींनी बंदूक सुरतमध्ये लपवून ठेवली होती. आरोपींनी त्यांचे मोबाईल फोनही त्याच ठिकाणी लपवले आहेत. आरोपींकडून ही माहिती मिळाल्यानंतर, पोलीस तिची पडताळणी करत असून सुरतमधील स्थानिक लोकांच्या मदतीने बंदूक आणि मोबाईलचा शोध घेतला जात आहे.

आरोपीची संख्या 10

टायगर श्रॉफवर गोळीबारासाठी वापरलेली पिस्तूल, काडतुसे अमृतसरमधून डेड लेटर बॉक्सपद्धतीने पुरविण्यात आली असून ते मुंबईत पाठविण्यासाठी प्रेयसी आणि तिच्या मैत्रिणीचाही वापर करण्यात आल्याचे पोलिस चौकशीत स्पष्ट झाले. बिष्णोई टोळीतील अनिल पंडितच्या थेट संपर्कात असलेल्या कुणालने आपली प्रेयसी राधा वर्माला आणि तिने आपली मैत्रीण बबिताला या प्रकरणात ओढले. त्यांना केवळ 10 ते 12 हजार रुपये देवून शस्त्रे पाठविल्याचा पोलिसांना संशय आहे. या प्रकरणात सोनिपतमधून आणखी एका आरोपीची धरपकड करण्यात आली असून अटक आरोपींची संख्या 10 झाली आहे.

रणबीर कपूरच्या घराचीही रेकी

टायगर श्रॉफवर हल्ला करणाऱ्या आरोपींच्या   निशाण्यावर रणबीर कपूर होता अशी माहिती समोर येत आहे. इतकंच नव्हे तर, रणबीर कपूरच्या घराची रेकीदेखील केली होती.

सूत्रांची माहितीनुसार, गेल्या रविवारी अभिनेता टायगर श्रॉफवर झालेल्या गोळीबारासंदर्भात नवीन माहिती समोर आली आहे. सूत्रांनुसार, टायगरवर हल्ला करणाऱ्या आरोपींनी बॉलिवूडचा हँडसम हंक रणबीर कपूरच्या वांद्रे येथील घराची पाहणी (रेकी) देखील केली होती. या बातमीमुळे इंडस्ट्रीतही खळबळ उडाली आहे. रणबीर कपूर देखील हल्लेखोरांच्या निशाण्यावर असल्याचं सांगण्यात आलंय.