SOCIAL MEDIA

Newsletter

PARTNER SITES
Select Language Select State

मुंबई अंडरवर्ल्डचा सूत्रधार दाऊदच्या जुन्या घराची निशाणी मिटवणार; BMC कारवाईला स्थानिकांचा विरोध का?

दाऊद इब्राहिमचे जुने घर असलेल्या भेंडी बाजारातील हाजी इस्माईल हबीब मुसाफिरखाना इमारतीवर 18-19 नोव्हेंबरला BMC पाडकामाची कारवाई करणार आहे.

Reported By Pravin Dabholkar Written By Pravin Dabholkar
Published: Nov 18, 2026, 08:35 IST | Updated: Nov 18, 2026, 08:45 IST
Image Credit: दाऊदच्या जुन्या घरावर हातोडा (फोटो सौजन्य-गुगल)
Join

मुंबईतील भेंडी बाजार परिसरातील अंडरवर्ल्ड डॉन दाऊद इब्राहिमशी संबंधित जुन्या घराची चर्चा पुन्हा एकदा सुरू झालीय. मुंबईत ज्या ठिकाणी दाऊद इब्राहिम वास्तव्य होता की हाजी इस्माईल हबीब मुसाफिरखाना इमारत नव्वदीच्या काळात कुप्रसिद्ध होती. दरम्यान या इमारतीवर मुंबई महापालिकेकडून 18 आणि 19 नोव्हेंबर रोजी पाडकामाची कारवाई केली जाणार आहे. ही इमारत अतिधोकादायक घोषित करण्यात आली असून, कारवाईदरम्यान पोलिसांचा बंदोबस्त ठेवण्यात येणार आहे. मात्र, या कारवाईला स्थानिकांकडून आक्षेप घेतला जातोय. काय घडलंय नेमकं? सविस्तर जाणून घेऊया.

दाऊदच्या जुन्या वास्तव्यामुळे इमारत चर्चेत

भेंडी बाजारातील पाकमोडिया स्ट्रीट आणि सेकंड कूपर स्ट्रीट परिसरात ही इमारत आहे. हाजी इस्माईल हबीब मुसाफिरखाना या नावाने ओळखल्या जाणाऱ्या या वास्तूत दाऊद इब्राहिमचे पूर्वी वास्तव्य होते. त्याचे घर इमारतीच्या दुसऱ्या मजल्यावर होते. त्यामुळे या इमारतीच्या पाडकामाकडे केवळ मुंबईकरांचेच नव्हे, तर देशभरातील नागरिकांचे लक्ष लागले आहे.

इमारतीला पालिकेची नोटीस

महापालिकेने ही इमारत सी-1 म्हणजेच अतिधोकादायक श्रेणीत वर्गीकृत केलीय. इमारतीची अवस्था जीर्ण झाल्याने रहिवासी, पादचारी आणि परिसरातील नागरिकांच्या सुरक्षिततेचा प्रश्न निर्माण झालाय. त्यामुळे इमारत रिकामी करून पाडण्याची प्रक्रिया सुरू करण्यात आली.

दोन दिवस पोलिसांचा बंदोबस्तात कारवाई

18 आणि 19 नोव्हेंबर रोजी या इमारतीवर कारवाई करण्याचे नियोजन  आहे. न्यायालयीन आदेशांच्या पार्श्वभूमीवर ही प्रक्रिया पोलिस बंदोबस्तात पार पडणार आहे. गर्दीच्या भेंडी बाजार परिसरात पाडकाम करताना सुरक्षिततेची काळजी घेणे महापालिकेसमोर महत्त्वाचे आव्हान असेल.

प्रार्थना हॉलसाठी पर्यायी व्यवस्था

या इमारतीच्या तळमजल्यावर प्रार्थना हॉल आहे. त्याचा वापर करणाऱ्यांना दुसरीकडे व्यवस्था करण्याच्या सूचना देण्यात आल्या आहेत. सैफी बुरहानी अपलिफ्टमेंट ट्रस्टने धार्मिक विधी सुरू ठेवण्यासाठी पर्यायी जागा किंवा भाड्याने जागा घेण्यासाठी आर्थिक मदत असे दिलीय. प्रार्थना हॉलमधील धार्मिक साहित्य सुरक्षित ठिकाणी हलवण्याचे आवाहनही करण्यात आलंय.

कारवाईवर स्थानिकांचा आक्षेप

या कारवाईवर काही स्थानिक रहिवासी आणि संबंधित ट्रस्टच्या बाजूने लढणाऱ्यांनी आक्षेप घेतलाय. वक्फ न्यायाधिकरणाने स्थगिती दिलेली असताना महापालिकेने घाईने नोटीस बजावल्याचा त्यांचा आरोप आहे. 16 नोव्हेंबरला नोटीस लावून केवळ 24 तासांची मुदत दिलीय. त्यामुळे प्रत्यक्ष पाडकामापूर्वी काय होणार? याकडे लक्ष लागलंय.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES