SOCIAL MEDIA

Newsletter

PARTNER SITES
Select Language Select State

मुंबईतल्या स्टेशन्सवर भोजपुरी गाणी वाजवण्याचं खरं कारण रेल्वेनं सांगितलं; आपल्या भूमिकेवर प्रशासन ठाम; महाराष्ट्र गीताबद्दलही बोलले

मुंबईमधील सानपाडा, वडाळा आणि आंबिवली स्थानकांवर भाऊबीजेच्या दिवशी छट पुजेची भोजपुरी गाणी ज्या यंत्रणेवरुन रेल्वे येण्या-जाण्याची घोषणा होते त्याच यंत्रणेच्या माध्यमातून मोठ्या आवाजात वाजवण्यात आल्याचा प्रकार पाहायला मिळाला.

Reported By Swapnil Ghangale Written By Swapnil Ghangale
Published: Nov 12, 2026, 11:57 IST | Updated: Nov 12, 2026, 12:13 IST
Image Credit: रेल्वेनं केलं आपल्या भूमिकेचं समर्थन (प्रातिनिधिक फोटो)
Join

मुंबईतील अनेक रेल्वे स्थानकांवर भोजपुरी गाणी वाजवण्यात आल्याच्या मुद्द्यावरुन मराठी विरुद्ध अमराठी वादाला पुन्हा नवी उकळी मिळालेली असतानाच मध्य रेल्वेने मात्र या निर्णयाचं समर्थन केलं आहे. मध्य रेल्वेचे मुख्य जनसंपर्क अधिकारी स्वप्नील निला यांनी यासंदर्भात प्रसारमाध्यमांशी संवाद साधत रेल्वेची भूमिका स्पष्ट केली. 

नवी सूचना नाही

"आपण या आगोदर देखील संदेश दिले आहेत. यात दोन परिपत्रक आहेत. जनतेच्या जागृतीसाठी संदेश प्रकाशित करतो. रेल्वे प्रवाशांच्या दृष्टीने त्यांना आवश्यक असलेली माहिती, गाडी कोणत्या प्लॅटफॉर्मवर येणार याची माहिती पहिल्या प्रायोरिटीवर असते. त्यानंतर इतर माहिती जनतेच्या हिताच्या दृष्टीने दिली जाते. कोणतंही नवीन परिपत्रक किंवा वेगळी सूचना देण्यात आलेली नाही," असं स्वप्नील निला यांनी स्पष्ट केलं आहे. 

एक्सप्रेस थांबत नाही तिथेही गाणी का लावली?

सानपाडा वगैरे ठिकाणी एक्सप्रेस थांबतच नाहीत मग तिथे ही भोजपुरी गाणी का लावण्यात आली? असा प्रश्न स्वप्नील निला यांना विचारण्यात आला असता त्यांनी, "प्राथमिक दृष्टीकोनातून आपल्याकडे येणारे प्रवासी बाकी स्थानकावरुन या स्थानकांवर जाण्यासाठी लोकल पकडतात. ज्या स्थानकांवर या गाड्या चालवल्या जात आहे तिथेच या घोषणा करण्याच्या सूचना आहे. यात प्रामुख्याने छत्रपती शिवाजी महाराज टर्मिनस आहे. लोकमान्य टिळक टर्मिनस, दादर, कल्याण, ठाणेसारख्या मुख्य स्थानकांचा यामध्ये समावेश आहे," असं स्पष्ट केलं आहे. 

वारंवार गाणं वाजत होतं यावर काय म्हणाले?

वारंवार हे गाणं वाजत होतं असा दावा केला जात असल्यासंदर्भात बोलताना, "एकदाच वाजलं आणि संपलं. ते दोनदा तीनदा वाजलं आणि संपलं. आता हे खेचत बसले आहेत. मर्यादित काळ वाजवलं. केवळ महाराष्ट्र, मुंबई आणि मध्य रेल्वेवर नाही दरवर्षी भारतभर रेल्वेकडून केलं जातं. दरवर्षी हे होतं," असं स्वप्नील निला म्हणाले. तसेच उद्घोषणा थांबून गाणं वाजवण्यात आलं नाही किंवा या गाण्यासंदर्भात आपल्याकडे कोणी तक्रारही केली नाही असं स्वप्नील नीला यांनी म्हटलं आहे. 

महाराष्ट्र गीतावरुनही बोलले 

"महाराष्ट्र गीत महाराष्ट्रात वाजवणार ना? एवढ्या मोठ्या प्रमाणात एखाद्या जागेवरुन लोक महाराष्ट्रात येत असतील तर आपण ते पण वाजवू. जे कोणी हा मुद्दा काढत आहेत ते वर वरचे बोलायचा प्रयत्न करत आहेत. फक्त मला सांगा कुठल्या ठिकाणाहून एवढ्या मोठ्या प्रमाणात लोक येतात. त्यांच्यासाठीही वाजवू," असंही मध्य रेल्वेच्या मुख्य जनसंपर्क अधिकाऱ्यांनी सांगितलं.

रोज किती लोक जातात?

"छट पुजेसाठी आपल्याकडून 60 ते 70 हजार लोक जात आहेत. साधारण जाण्याचा कालावधी दिवाळी आणि छटदरम्यान असतो. आपण ज्या स्पेशल गाड्या चालवतो त्या दिवाळी आणि छट दरम्यान चालवल्या जातात. महाराष्ट्रासाठी 298 स्पेशल गाड्या चालवल्या आहेत. नॉर्मल काळात हा नंबर 30 ते 35 हजारांचा असतो," असं स्वप्नील नीला यांनी सांगितलं. 

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES