SOCIAL MEDIA

Newsletter

PARTNER SITES
Select Language Select State

दादर रेल्वे स्थानकाचं नाव बदलणार! CM देवेंद्र फडणवीसांची घोषणा, म्हणाले 'विधिमंडळ अधिवेशनात...'

दादर रेल्वे स्टेशनचं नाव बदलण्याच्या हालचालींना पुन्हा एकदा वेग आला आहे. मुख्यमंत्री देवेंद्र फडणवीसांनी यासंदर्भात घोषणा केली आहे.

Reported By Shivraj Yadav Written By Shivraj Yadav
Published: Nov 18, 2026, 19:05 IST | Updated: Nov 18, 2026, 19:31 IST
Image Credit: दादर रेल्वे स्थानकाचं नाव बदलणार!
Join

दादर रेल्वे स्टेशनचं नाव बदलण्याच्या हालचालींना पुन्हा एकदा वेग आला आहे. मुख्यमंत्री देवेंद्र फडणवीसांनी यासंदर्भात घोषणा केली आहे. दादर स्थानकाचं नाव बदलून 'चैत्यभूमी' करण्यासाठी विधिमंडळ अधिवेशनात आवश्यक पूर्तता करणार असल्याचं त्यांन सांगितलं आहे. तसंच यावेळी त्यांनी भारतरत्न डॉ. बाबासाहेब आंबेडकर महापरिनिर्वाण दिनी अनुयायांसाठी सुविधा, सुरक्षा व वाहतुकीचे काटेकोर नियोजन करण्याचे निर्देश दिले असल्याची माहिती दिली आहे.

यापूर्वीच तत्वतः मान्यता

दादर रेल्वे स्थानकाला ‘चैत्यभूमी’ हे नाव देण्यास राज्य शासनाने यापूर्वीच तत्वतः मान्यता दिली असून, केंद्र शासनाकडून प्राप्त मार्गदर्शनानुसार विधानमंडळाच्या समितीशी संबंधित आवश्यक प्रक्रियेची पूर्तता विधीमंडळ अधिवेशनात करून नामकरणाची कार्यवाही करण्यात येईल, असे मुख्यमंत्री देवेंद्र फडणवीस यांनी सांगितलं आहे. डॉ. बाबासाहेब आंबेडकर महापरिनिर्वाण दिनानिमित्त चैत्यभूमी येथील तयारीचा मुख्यमंत्री फडणवीस यांच्या अध्यक्षतेखालील बैठकीत आढावा घेण्यात आला. यावेळी त्यांनी यासंदर्भातील माहिती दिली.

विधानभवनातील मंत्रिमंडळ सभागृहात ही बैठक पार पडली. या बैठकीला उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, नगरविकास राज्यमंत्री माधुरी मिसाळ, गृह राज्यमंत्री योगेश कदम, माजी मंत्री संजय बनसोडे, समन्वय समितीचे सरचिटणीस नागसेन कांबळे, भाई गिरकर यांच्यासह विविध विभागांचे सचिव, वरिष्ठ पोलीस अधिकारी, रेल्वे, मुंबई महापालिका आणि भारतीय बौद्ध महासभा, अखिल भारतीय बौध्द भिख्खू संघ, आदी संघटनांचे पदाधिकारी उपस्थित होते.

6 डिसेंबर रोजी भारतरत्न डॉ. बाबासाहेब आंबेडकरांचा महापरिनिर्वाण दिन आहे. यानिनिमित्ताने मुंबईतील चैत्यभूमी येथे येणाऱ्या अनुयायांसाठी विविध सुविधा, सुरक्षा, वाहतूक, आरोग्य आणि स्वच्छतेच्या व्यवस्थांचे काटेकोर व समन्वित नियोजन करण्याचे निर्देश मुख्यमंत्री देवेंद्र फडणवीस यांनी दिले आहेत. 

नामांतरासाठी नेत्यांच्या मागण्या आणि आंदोलनं

दादर रेल्वे स्थानकाचे नाव बदलून ‘चैत्यभूमी’ करण्याची मागणी अनेक राजकीय नेते आणि आंबेडकरी संघटनांनी केली आहे. काँग्रेसचे ज्येष्ठ नेते डॉ. नितीन राऊत यांनी 9 जुलै 2024 रोजी त्यांनी विधिमंडळात दादर स्थानकाचे नाव चैत्यभूमी करण्याची मागणी केली होती. काँग्रेस खासदार वर्षा गायकवाड यांनी 6 डिसेंबर 2023 रोजी ही मागणी केली होती. रिपब्लिकन पार्टी ऑफ इंडिया (खरात गट) यांचे अध्यक्ष सचिन खरात यांनीही हा मुद्दा मांडला होता. तसंच भीम आर्मी संघटनेनेही दादर स्थानकाचे नामकरण करण्यासाठी आंदोलन केले होते.

इंदू मिल येथील स्मारकाच्या कामासाठी वाढीव निधी कमी पडू देणार नाही


इंदू मिल येथील भारतरत्न डॉ. बाबासाहेब आंबेडकर यांच्या स्मारकाच्या उर्वरित कामासाठी निधीची कोणतीही कमतरता भासू दिली जाणार नाही. स्मारकाचे बहुतांश काम पूर्ण झाले असून, मुख्य पुतळ्याचे काम पूर्ण करण्यासंदर्भात काही बाबी प्रलंबित आहेत. कामाच्या खर्चात वाढ झाली तरी त्याची भरपाई करण्यास शासन तयार असून उर्वरित काम गतीने पूर्ण करण्यासाठी पुढील आठवड्यात स्वतंत्र बैठक घेऊन हा विषय मार्गी लावण्यात येईल, असेही मुख्यमंत्री फडणवीस यांनी स्पष्ट केले.
 

Add Zee News as a Preferred Source
TAGS:

About the Author

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ZEENEWS TRENDING STORIES