SOCIAL MEDIA

Newsletter

PARTNER SITES
Select Language Select State

'हे दुर्दैवी आहे, चूक झाली हे मान्य करा', स्थायी समितीत मराठी विरुद्ध इंग्रजी संघर्ष; मनसे आक्रमक, अध्यक्ष म्हणाले 'मराठीत कामकाज....'

मुंबईच्या रेल्वे स्थानकावर भोजपुरी विरुद्ध मराठी संघर्ष सुरु असताना स्थायी समितीत मराठी विरुद्ध इंग्रजी संघर्ष पाहायला मिळाला.

Reported By Shivraj Yadav Written By Shivraj Yadav
Published: Nov 12, 2026, 17:05 IST | Updated: Nov 12, 2026, 17:43 IST
Image Credit: स्थायी समितीत मराठी विरुद्ध इंग्रजी संघर्ष
Join

मुंबईच्या रेल्वे स्थानकावर भोजपुरी गाणी वाजवली जात असल्याने भोजपुरी विरुद्ध मराठी असा संघर्ष उभा राहिला आहे. आपल्याच महाराष्ट्रात मराठीला दुय्यम स्थान दिलं जात असल्याने नाराजी व्यक्त केली जात आहे. त्यातच आता स्थायी समितीत मराठी विरुद्ध इंग्रजी संघर्ष पाहायला मिळाला. मराठीमध्ये सादरीकरण करण्याऐवजी इंग्रजीत सादरीकरण केल्याने मनसेने आक्रमक होत आक्षेप नोंदवला. महापालिकेत मराठीत कामकाज चालतं, मग पीपीटी इंग्रजीत का? असा प्रश्न त्यांनी विचारला. तसंच आपली चूक झाल्याचं मान्य करा अशी मागणीही केली.

मुंबई महापालिकेच्या नव्या सभागृह उभारणीच्या प्रस्ताव स्थायी समितीच्या पटलावर आला होता. महापालिका मुख्यालयासमोर आझाद मैदानालगत असलेल्या महापालिका जीमखान्याच्या जागेवर सहा मजली इमारत उभारण्याचे नियोजन आहे. या प्रकल्पासाठी तब्बल 38 कोटी रुपये खर्च अपेक्षित आहे.

मात्र इंग्रजीत सादरीकरण तयार केल्याने मनसे आक्रमक झाली. प्रस्ताव सुरू होण्यापूर्वी मनसेचे गटनेते यशवंत किल्लेदार यांनी आक्षेप नोंदवला. महापालिकेत मराठीत कामकाज चालत असताना पीपीटी इंग्रजीत का? असा प्रश्न यशवंत किल्लेदार यांनी विचारला. तसंच 
हे दुर्दैवी आहे, चूक झाली हे मान्य करा अशी मागणी केली.

यानंतर स्थायी समिती अध्यक्ष प्रभाकर शिंदे यांनीही कामकाज मराठीत असलं पाहिजे हे अधोरेखित केलं. हे योग्य नाही हे मान्य करायला हवे, प्रशासनाने याची काळजी घ्यायला हवे. कामकाज मराठीत असावे असे ते म्हणाले आहेत. 

मुंबई महापालिकेच्या नव्या सभागृह उभारणीच्या प्रस्तावाला आज स्थायी समितीत मंजुरी

आज झालेल्या स्थायी समितीच्या बैठकीत महापालिकेच्या नव्या सभागृहाच्या इमारतीचा प्रस्ताव सहमताने मंजूर करण्यात आला. मुंबई महापालिकेचे कामकाज सुरू झाल्यापासून स्थायी समिती चा हा पहिला प्रस्ताव आहे, जो सत्ताधारी आणि विरोधक एकत्र येऊन सहमताने मंजूर करण्यात आला आहे. महापालिका मुख्यालयासमोर आझाद मैदानालगत असलेल्या महापालिका जिमखान्याच्या जागेवर सहा मजली इमारत उभारण्याचे नियोजन आहे. या प्रकल्पासाठी तब्बल 38 कोटी रुपये खर्च अपेक्षित असून, महापालिका आयुक्त अश्विनी भिडे यांनी या प्रस्तावाला यापूर्वीच मंजुरी दिली आहे.

कसे असणार सभागृह
- 330-350 आसनक्षमतेचे सभागृह उभारण्यात येणार
- 60 वाहनांच्या पार्किंगची सुविधाही असणार आहे. 
- महापौर, उपमहापौर, सभागृह नेता आणि विरोधी पक्षनेते यांच्यासाठी स्वतंत्र कार्यालयांची तरतूद 
- इमारतीच्या पहिल्या दोन मजल्यांवर पोडियम, तर चौथ्या मजल्यावर पदाधिकाऱ्यांची कार्यालये असणार आहेत.

या इमारतीचे काम पूर्ण होण्यासाठी साधारण दोन ते अडीच वर्षांचा कालावधी अपेक्षित आहे.
 

Add Zee News as a Preferred Source
TAGS:

About the Author

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ZEENEWS TRENDING STORIES