SOCIAL MEDIA

Newsletter

PARTNER SITES
Select Language Select State

हवामान फिरणार! अवघ्या 20 दिवसांत तिसऱ्या चक्रीवादळाचा अंदाज, महाराष्ट्रात गारठा वाढणार

राज्यात थंडीची चाहुल लागण्यास सुरुवात झाली आहे. तर एकीकडे चक्रीवादळाचा इशारा देण्यात आला आहे.

Written By Mansi Kshirsagar Edited By Mansi Kshirsagar
Published: Nov 14, 2026, 08:10 AM IST | Updated: Nov 14, 2026, 08:11 AM IST
Image Credit: IMD Issues Cyclone Alert
Join

राज्यात थंडीची चाहूल लागण्यास सुरुवात झाली आहे. ऑक्टोबर हिटने हैराण झालेल्या महाराष्ट्राला काही प्रमाणात दिलासा मिळाला आहे. राज्याच्या तापमानात चढ-उतार होण्याची शक्यता हवामान विभागाने वर्तवली आहे. तर, काही जिल्ह्यात सकाळी गारठा, दुपारी उन्हाचा चटका अशी स्थिती आहे.  

कोकण आणि दक्षिण महाराष्ट्रात अद्यापही कमाल तापमान 35 अंशांपार असल्याने दुपारच्या वेळी उन्हाचा चटका तापदायक ठरत आहे. राज्यात गारठा वाढू लागला असून अद्यापही कडाक्याच्या थंडीची प्रतीक्षा आहे.

दक्षिण अंदमान समुद्र परिसरावर चक्राकार वाऱ्यांच्या प्रभावामुळं अग्नेय बंगालच्या उपसागरात कमी दाबाचे क्षेत्र तयार झाले आहे. या प्रणालीची तीव्रता वाढत असून आज कमी दाबाचे क्षेत्र तीव्र होणार आहे. तर, मध्य बंगालच्या उपसागरात सोमवारपर्यंत चक्रीवादळाची निर्मिती होण्याचे संकेत आहे. आग्नेय अरबी समुद्रात लक्षद्वीप बेटांजवळ 3.1 किमी उंचीवर चक्राकार वाऱ्यांची स्थिती कायम आहे.

दक्षिण बंगालच्या उपसागरात शुक्रवारी पहाटे कमी दाबाचे क्षेत्र निर्माण झाले आहे. शुक्रवारी पहाटे 5.30 वाजता तयार झालेले हे कमी दाबाचे क्षेत्र सकाळी 8.30 वाजताही त्याच परिसरात कायम होते. हे क्षेत्र वायव्य दिशेकडे सरकण्याची शक्यता असून 14 नोव्हेंबरपर्यंत त्याची तीव्रता वाढून ठळक कमी दाबाच्या क्षेत्रात रूपांतर होण्याचा अंदाज आहे. 15 नोव्हेंबरच्या सकाळच्या सुमारास या प्रणालीची तीव्रता वाढेल. 16 नोव्हेंबरच्या संध्याकाळपर्यंत मध्य बंगालच्या उपसागरावर त्याची तीव्रता वाढून चक्रीवादळात रूपांतर होऊ शकते. ही प्रणाली पूढे उत्तर-उत्तर-पश्चिम दिशेने सरकण्याची शक्यता आहे.

मुंबईत थंडीची चाहूल

हळूहळू मुंबईत थंडीची चाहूल जाणवू लागली असून, शुक्रवारी सकाळी सांताक्रूझ येथे यंदाच्या हंगामातील आतापर्यंतच्या नीचांकी तापमानाची नोंद झाली. सांताक्रूझ येथे किमान तापमान 18.9 अंश सेल्सिअस नोंदवण्यात आले. विशेष म्हणजे, यंदाच्या हंगामात प्रथमच शहरातील किमान तापमानाचा पारा 20 अंशांच्या खाली घसरला आहे.

20 दिवसांतील तिसऱ्या चक्रीवादळाचा अंदाज

आग्नेय बंगालच्या उपसागरात शुक्रवारी कमी दाबाचे क्षेत्र तयार झाले असून, पुढील दोन दिवसांत त्याची तीव्रता वाढून तीव्र कमी दाबाच्या क्षेत्रात रूपांतर होण्याचा अंदाज भारतीय हवामानशास्त्र विभागाने (आयएमडी) वर्तविला आहे. पश्चिम-वायव्य दिशेकडे सरकताना या क्षेत्राची तीव्रता आणखी वाढून 16 नोव्हेंबरला त्याचे 'अक्वान' चक्रीवादळात रूपांतर होण्याची शक्यता आहे.

बंगालच्या उपसागरात गेल्या 20 दिवसांत तयार झालेले हे तिसरे चक्रीवादळ ठरणार आहे. कमी दाबाच्या क्षेत्राची तीव्रता वाढल्यावरच चक्रीवादळ कोणत्या भागात जमिनीवर प्रवेश करू शकेल याविषयी सांगता येईल, असे हवामानशास्त्रज्ञांचे म्हणणे आहे.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES