मी वाट पाहतोय, महाराष्ट्र माझ्या हातात सत्ता कधी देतोय; राज ठाकरे आक्रमक, 'शिस्त लावायला हवी'

महाराष्ट्र नवनिर्माण सेनेचा आज वाहतूक मेळावा पार पडला. यावेळी मनसे अध्यक्ष राज ठाकरे यांनी 'महाराष्ट्र माझ्या हातात कधी सत्ता देतोय, याची वाट पाहतोय', असं विधान केलं आहे. तसंच, वाहतूक कोंडी, टाउन प्लानिंगयावरुन सरकारला फटकारलं आहे. त्याचबरोबर, सिग्नल न पाळणाऱ्या नागरिकांनाही धारेवर धरलं आहे.

'मी 1996-97 च्या काळात स्वित्झर्लंडला गेलो होते. तिथे संपू्र्ण देश फिरत होतो. सुंदर रस्ते, इमारती, निसर्ग, ट्रॅफिकला शिस्त. सगळं उत्तम आहे. मला फिरताना एक प्रश्न पडला की तिथला विरोधी पक्ष नेमका भांडतो कशावरुन? सगळंच तर आहे. पण तिथेही प्रश्न आहेत. पण ते प्रश्न वेगळे आहेत. ते आपल्याला नाही कळणार,' असं राज ठाकरे यांनी म्हटलं आहे.

'महाराष्ट्राच्या ग्रामीण भागातून येणारा माणूस जेव्हा मंत्रिपदावर बसतो तेव्हा त्याला नवी मुंबई, ठाण्याचे, पुण्याचे प्रश्न नाही कळणार. आता आपण ग्रामीणी भागातून गेलो तर ते प्रश्न आपल्याला नाही समजू शकत. तसंच, ग्रामीण भागातून आलेला मंत्री जेव्हा त्या पदावर बसतो आणि म्हणतो काय प्रोब्लम आहे? शहरात रस्ते आहेत, शाळा आहेत, वीज आहेत. नळाला पणी आहे. तो विचार करतो त्या दृष्टीने. आमच्याकडे रस्ते नाहीत, वीज नाहीत, लोडशेडिंग आहे. नळाला पाणी नाही. तो त्याच्या तुलेनेन जेव्हा शहरं बघतो तेव्हा तो म्हणतो शहरात सगळंच आहे. हा प्रश्न तुमच्या दृष्टीकोनातला आहे. त्यासाठी तज्ज्ञ व्यक्तींना विश्वासात घ्यायचं असतं. आणि त्यानंतर आराखडा आखायचा असतो. बिल्डरांच्या दोस्तीतून फक्त डेव्हलपमेंट प्लान आखतात. कोणाला कोणती जमीन विकायचीये कोणाला? कुठे काय करायचा? एवढा प्लान फक्त आखतात. पण टाउन प्लानिंग नावाची गोष्ट नाही,' असं राज ठाकरेंनी म्हटलं आहे.

ते पुढे म्हणाले की, 'मी खरंच वाट बघतोय हा महाराष्ट्र माझ्या हातात सत्ता कधी देतोय याची. कारण अशा प्रकारच्या गोष्टींना शिस्त आणणं हे काही रॉकेट सायन्स नाही त्याला फक्त इच्छा लागते. तुमच्या ही चालकाला शिस्त लावयला हवी. सगळ्या गोष्टी एकमेकांवर अवलंबून आहे.' 

'पब्लिक ट्रान्सपोर्ट सिस्टिम आणायच्या त्या खराब करुन टाकायच्या, रेल्वेमधून लाखो जण प्रवास करतात. उद्या जर रेल्वे कोलमडली आणि सगळ्यांनी गाड्या काढल्या तर काय कराल. घरातून कुठून बाहेर पडाल, शहरांच्या आगापिछाच राहिला नाहीये. शहारला आकारच नाही. फुटपाथवरुन चालता येत नाही. आमच्याकडे मैदाने नाहीत, बागा नाहीत आणि सांगायचे काय 7.8 आमचा जीडीपी आहे.  काय चाटायचाय तो,' अशा शब्दात राज ठाकरेंनी सरकारला फटकारले आहे.

'कोणत्याही गोष्टीची शिस्त उरली नाही. जमिनची जमीनी बळकावल्या जातायत. कुठे टॉवर उभे राहतात, कुठे कॉलनी करतायेत आमचे तलाव ते तलाव मिटवून टाकताहेत आणि त्याजागी कॉलनी उभारतात आणि तेच टँकरने पाणी मागवतात. कशासाठी. याला काय शिस्त म्हणतात का?' असा सवालही राज यांनी केला आहे.