SOCIAL MEDIA

Newsletter

PARTNER SITES
Select Language Select State

मुंबईकरांसाठी महत्त्वाची बातमी, रविवारी अनेक लोकल फेऱ्या रद्द, तर वाहतूक 10 मिनिटे उशिराने

मुंबईकरांसाठी एक महत्त्वाची बातमी समोर येतेय. रविवारी मेगाब्लॉक आयोजित करण्यात येत असून कसा असेल वेळापत्रक जाणून घ्या

Written By Mansi Kshirsagar Edited By Mansi Kshirsagar
Published: Nov 14, 2026, 09:10 AM IST | Updated: Nov 14, 2026, 09:11 AM IST
Image Credit: Mumbai Local Train
Join

मुंबईकरांना येत्या रविवारी लोकलचा खोळंबा होण्याची शक्यता आहे. मध्य रेल्वेच्या मार्गाच्या देखभाल आणि अभियांत्रिकी कामांसाठी रविवारी ब्लॉक घेण्यात येणार आहे. यामुळे मुख्य मार्गासह हार्बर आणि ट्रान्स हार्बर मार्गावरील लोकल सेवांवर परिणाम होणार आहे. ब्लॉकच्या कालावधीत काही लोकल फेऱ्या रद्द करण्यात येणार असून, काही गाडचा विलंबाने धावण्याची शक्यता आहे.

कसं असेल मेगाब्लॉकचे वेळापत्रक?

मुख्य मार्ग: ठाणे ते कल्याणदरम्यान डाउन आणि डाउन धीम्या मार्गावर सकाळी 11 ते दुपारी 4 वाजेपर्यंत ब्लॉक घेण्यात येईल.

ब्लॉक कालावधीत सुटणाऱ्या डाउन - डाउन धीम्या आणि अर्धजलद लोकल मुलुंड ते कल्याणदरम्यान जलद मार्गावर वळविण्यात येतील. परिणामी 10 मिनिटे उशिरा धावतील.

मुलुंड येथून सुटणाऱ्या ‘डाऊन’ धिम्या-अर्ध-जलद उपनगरीय रेल्वे लोकल सकाळी 10.43 वा. ते दुपारी 3.53 वा. या वेळेत मुलंड आणि कल्याण स्थानकांदरम्यान ‘डाऊन’ जलद मार्गावर वळवल्या जातील. या लोकल गाड्या ठाणे, कळवा, मुंब्रा, दिवा आणि डोंबिवली स्थानकांवर थांबतील आणि आपल्या गंतव्यस्थानी 10 मिनिटे उशिराने पोहोचतील.

कल्याण येथून सुटणाऱ्या ‘अप’ धिम्या-अर्ध-जलद उपनगरीय रेल्वे सेवा सकाळी 10.36 वा. ते दुपारी 3.51 वा. या वेळेत कल्याण आणि मुलंड स्थानकांदरम्यान  ‘अप’ जलद मार्गावर वळवल्या जातील. या लोकल गाड्या डोंबिवली, दिवा, मुंब्रा, कळवा आणि ठाणे स्थानकांवर थांबतील. त्यानंतर, मुलंड स्थानकावर पुन्हा ‘अप’ धिम्या मार्गावर वळवल्या जातील आणि त्या आपल्या गंतव्यस्थानी 10 मिनिटे उशिरा पोहोचतील.

ट्रान्स हार्बर मार्ग: पनवेल ते वाशी

स्थानकांदरम्यानच्या ब्लॉकमुळे ट्रान्स हार्बर मार्गावरील ठाण्याकडे जाणाऱ्या पनवेलहून सकाळी 11.02 ते दुपारी 3.53 दरम्यान सुटणाऱ्या लोकल, तसेच ठाण्याहून पनवेलच्या दिशेने सकाळी 10.01 ते दुपारी 3.20 दरम्यान सुटणाऱ्या लोकल रद्द राहतील.

हार्बर मार्ग : पनवेल ते वाशी

स्थानकांदरम्यान डाउन आणि डाउन हार्बर मार्गावर (पोर्ट मार्ग वगळून) सकाळी 11.05 ते दुपारी 4.05 वाजेपर्यंत ब्लॉक घेण्यात येईल. या काळात पनवेलहून सीएसएमटीकडे जाणाऱ्या सकाळी 10.33 ते दुपारी 3.49 दरम्यानच्या लोकल रद्द राहतील. तसेच सीएसएमटीहून बेलापूर आणि पनवेलकडे जाणाऱ्या सकाळी 9.45 ते दुपारी 3.12 दरम्यानच्या लोकलही रद्द करण्यात येतील.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES