मस्तच! मुंबईकरांना मध्य रेल्वे देणार दिवाळी गिफ्ट; टिटवाळा, कसाराच्या प्रवाशांना मोठा दिलासा

मुंबईकरांचा लोकल प्रवास आता आणखी सुकर होणार आहे. मध्य रेल्वे नागरिकांना दिवाळीची मोठी भेट देणार आहे. त्यामुळं नागरिकांना मोठा दिलासा मिळणार आहे. मध्य रेल्वेकडून मुख्य मार्गावर 15 डब्यांच्या आणखी 18 लोकल धावण्याची तयारी मध्य रेल्वेने सुरू केली आहे. दिवाळीनंतर नागरिकांना प्रवास करणे सोयीचे होणार आहे.

15 नोव्हेंबरपर्यंत टिटवाळा येथील प्लॅटफॉर्म विस्तारीकरणाचे काम पूर्ण होणार असल्याने छत्रपती शिवाजी महाराज टर्मिनस (सीएसएमटी)-कसारा मार्गावर या फेऱ्या चालवण्याचे नियोजित असल्याचे अधिकाऱ्यांनी सांगितले. या फेऱ्या सध्या धावणाऱ्या 12 डब्यांच्या लोकलच्या जागी चालविण्यात येणार असल्याने प्रवासी क्षमता 25 टक्के वाढणार आहे.

कल्याण-कसारा मध्य रेल्वेने 15 डब्यांच्या लोकल चालविण्यासाठी मार्गावरील स्थानकांमध्ये पायाभूत सुविधांची कामे हाती घेतली आहेत. टिटवाळा स्थानकात यासाठी 15 दिवसांचा विशेष वाहतूक आणि पॉवर ब्लॉक घेण्यात आला होता. तेव्हा रूळ, सिग्नल यंत्रणा, सिग्नल स्थलांतर आणि ओव्हरहेड वायरसंदर्भातील कामे पूर्ण करण्यात आली आहेत. तसंच, आता प्लॅटफॉर्मची लांबी वाढवण्याचे कामदेखील सुरू आहे

15 डब्यांच्या लोकल सुरू झाल्यानंतर कसारा, आसनगाव, वासिंद, खडवली, टिटवाळा आणि परिसरातील स्थानकांवरुन दररोज मोठ्या संख्येने प्रवासी मुंबईच्या दिशेने प्रवास करतात. गर्दीच्या वेळेत लोकलमध्येही प्रवास करताना गर्दी इतकी असते की प्रवाशांना चढायला व उतरण्यासाठी त्रास सहन करावा लागतो. त्यातून कधीकधी अपघातदेखील घडतात. मात्र 15 डब्यांच्या गाड्या सुरू झाल्यानंतर

मध्य रेल्वेने 15 ऑगस्टपासून 12 डब्यांच्या 22 लोकल फेऱ्यांचे 15 डब्यांच्या लोकलमध्ये रूपांतर केले होते. त्यामुळे 15 डब्यांच्या लोकल
फेऱ्यांची संख्या 32 वरून 54 झाली होती. आता कसारा मार्गावरील आणखी 18 फेऱ्यांचे रूपांतर झाल्यानंतर ही संख्या 72 वर पोहोचणार आहे.

मध्य रेल्वेच्या एकूण 1,820 लोकल फेऱ्यांमध्ये कोणतीही वाढ होणार नसून, सध्याच्या फेऱ्यांमधूनच अधिक प्रवाशांची वाहतूक करण्याचे नियोजन आहे. 12 डब्यांच्या तुलनेत 15 डब्यांच्या लोकलमधून सुमारे 25 टक्के अधिक प्रवाशांची वाहतूक करता येते.