मुंबईकरांची ट्रॅफिकमधून सुटका होणार, 3 महत्त्वाचे उड्डाणपूल आजपासून सुरू होणार

मुंबईतल्या वाहतूक व्यवस्थेला नवी गती मिळणार आहे. आज मुंबईत मुख्यमंत्री फडणवीसांच्या हस्ते 3 उड्डाणपुलांचं लोकार्पण होणार आहे.

Written ByMansi KshirsagarEdited ByMansi Kshirsagar

Published: Oct 22, 2026, 08:18 AM IST|Updated: Oct 22, 2026, 08:20 AM IST

join share

मुंबईकरांची ट्रॅफिकमधून सुटका होणार, 3 महत्त्वाचे उड्डाणपूल आजपासून सुरू होणार

Image Credit: Mumbai news hree key flyovers and bridges in city officially opening today

मुंबईकरांसाठी एक महत्त्वाची बातमी समोर येतेय. मायानगरीत लोकसंख्या वाढत चालली आहे. त्यामुळं वाहतूक कोंडीचा प्रश्नदेखील वाढत आहे. वाहतूक कोंडीचा हा प्रश्न सोडवण्यासाठी मुंबईत अनेक प्रकल्पांचे काम हाती घेण्यात आले आहेत. आज मुंबईतील तीन उड्डाणपूल खुले होणार आहेत. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार यांच्या उपस्थितीत आज या पुलांचे लोकार्पण होणार आहे.

मुंबईतील शीव, विद्याविहार आणि गोरेगाव-मुलुंड जोड मार्गावरील तीन उड्डाणपुलांचे आज लोकार्पण होत आहे. या तीन उड्डाणपुलांमुळं मुंबईच्या वाहतूकीचा गती मिळणार आहे. तसंच, मुंबईकरांचा प्रवास सुपरफास्ट होणार आहे. मुंबईच्या पूर्व-पश्चिम उपनगरांतील वाहतूक अधिक सुरळीत करण्याच्या दृष्टीने महत्त्वाचे पाऊल आहे. कसे असतील हे तीन पुल, जाणून घेऊयात.

1. शीव रेल्वे उड्डाणपूल

- शीव रेल्वे स्थानकाजवळील 112 वर्षे जुना आणि असुरक्षित ठरलेला पूल नव्याने बांधला.
- सीएसएमटी-कुर्ला दरम्यान पाचव्या आणि सहाव्या रेल्वे मार्गिकांच्या विस्तारासाठी महत्त्वाचा.
- धारावी, वांद्रे, बीकेसी, कुर्ला आणि पूर्व द्रुतगती महामार्गाला जोडणारा महत्त्वाचा पूर्व-पश्चिम दुवा.
- पुलाचे काम फेब्रुवारी 2027 पर्यंत पूर्ण होणे अपेक्षित होते; मात्र चार महिने आधीच पूर्ण.
- रेल्वे मार्गिकांचा विस्तार झाल्यानंतर लोकल आणि लांब पल्ल्याच्या गाड्यांची वाहतूक अधिक वेगवान होण्यास मदत होणार.

2. विद्याविहार रेल्वे उड्डाणपूल

- विद्याविहार पूर्व आणि पश्चिमेला जोडणारा सुमारे 650 मीटर लांबीचा उड्डाणपूल
- पूर्वेकडील रामचंद्र चेंबूरकर मार्ग आणि पश्चिमेकडील लालबहादूर शास्त्री मार्ग यांना जोडणार.
- प्रवासाचा वेळ 30 मिनिटांवरून 10 मिनिटांपर्यंत कमी होण्याची अपेक्षा.
- घाटकोपर रेल्वे स्थानकाजवळील उड्डाणपुलावरील वाहतुकीचा ताण कमी होणार.
- रेल्वे स्थानकातील तिकीट खिडक्या, स्थानक मास्तर कार्यालय आणि जिन्यांचीही पुनर्बांधणी.

3. गोरेगाव-मुलुंड जोड मार्गावरील उड्डाणपूल

- गोरेगाव पूर्वेतील रत्नागिरी हॉटेल जंक्शनजवळ 1.26 किलोमीटर लांबीचा, तीन अधिक तीन मार्गिकांचा उड्डाणपूल.
- जनरल अरुणकुमार वैद्य मार्ग ते दादासाहेब फाळके चित्रनगरी मार्गावरील संतोषनगरपर्यंत उड्डाणपुलाचे बांधकाम पूर्ण.
- गोरेगाव-मुलुंड जोड रस्त्याच्या माध्यमातून पूर्व आणि पश्चिम उपनगरांमधील कनेक्टिव्हिटी सुधारणार.
- दिंडोशी न्यायालय, रत्नागिरी हॉटेल जंक्शन आणि वालभट नदी चौक परिसरातील वाहतूक कोंडी कमी होण्यास मदत.
- गोरेगाव-मुलुंड जोड मार्गावरील जुळ्या बोगद्यांच्या प्रकल्पासाठीही हा उड्डाणपूल महत्त्वाचा.

मुंबईकरांना काय फायदा?

- पूर्व-पश्चिम उपनगरांमधील प्रवास अधिक वेगवान होण्यास मदत.
- प्रमुख जंक्शनवरील वाहतूक कोंडी कमी होण्याची अपेक्षा.
- रेल्वे आणि रस्ते वाहतुकीच्या पायाभूत सुविधांना चालना.
- शीव आणि विद्याविहार परिसरातील वाहतुकीसह गोरेगाव पूर्वेतील कोंडी कमी करण्यासाठी महत्त्वपूर्ण पाऊल.

Add Zee News as a Preferred Source

TAGS:

Infrastructure news

Mumbai News

Mumbai

About the Author

Mansi Kshirsagar

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे. गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या. मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.