नाना पाटेकर की कॅप्टन स्मित मच्छर? मुंबईच्या नवीन उड्डाणपुलाच्या नावावरून वाद

मुंबईतील विद्याविहार पुलाच्या नावावरून राजकीय वाद सुरू झाला आहे. उद्धव ठाकरे गटाला या नवीन उड्डाणपुलाला अभिनेता पद्मश्री नाना पाटेकर यांचं नाव असावं असं वाटतंय. पक्षाच्या नेत्यांनी मुंबईच्या महापौर रितू तावडे यांची भेट घेतली आणि त्यांना मागणी केली की, या पुलाला नाना पाटेकर यांचं नाव द्यावे. महत्त्वाचे म्हणजे त्यांची ही इच्छा त्यांनी चक्क पुलाच्या उद्घाटनापूर्वी 'पद्मश्री दिवंगत नाना पाटेकर सेतू' असा फलक लावला आहे. ज्यामुळे हा वाद अधिक चिघळला आहे. तरदुसरीकडे भाजप आमदार पराग शाह यांनी पुलाला कॅप्टन स्मित मच्छर असं नाव देण्यात यावं अशी मागणी केली आहे. या दोन मागण्यांमुळे पुलाच्या नावाचा वाद रंगला आहे.

भाजप आमदार पराग शाह यांनी विद्याविहार पुलाला कॅप्टन स्मित मच्छर यांचं नाव द्यावं यासाठी एक पत्र लिहिलंय आहे. या पत्रात लिहिलंय की, कॅप्टन मच्छर यांनी फ्लायदुबईच्या विमानावरील हवेतील अपहरणाचा एक हिंसक प्रयत्न हाणून पाडला होता, ज्यामुळे त्यांना आंतरराष्ट्रीय कीर्ती मिळाली आहे. त्यामुळे या विद्याविहार पूलाला मच्छर यांचं नाव देण्यात यावं. भाजप नेत्याच्या या मागणीनंतर, पुलाच्या नावाबाबत दोन्ही पक्षांमध्ये विविध प्रस्ताव समोर आलाय. नावाबाबतचा अंतिम निर्णय आता महानगरपालिका स्तरावर घेण्यात येणार असून मुंबई महानगरपालिकेने या मागणीवर अद्याप अंतिम निर्णय घेतलेला नाहीय. 

दरम्यान, महानगरपालिकेतील सभागृह नेते गणेश खंकर यांनी आरोप केला आहे की, शिवसेनेवर वाद निर्माण करून श्रेय घेण्याचा प्रयत्न करत आहेत. खंकर म्हणाले की, नाना पाटेकर हे देशातील सर्वात प्रतिभावान अभिनेत्यांपैकी एक आहेत. पुलाला त्यांचे नाव देण्याऐवजी त्यांच्या नावाने एखाद्या मोठ्या नाट्यगृहाला किंवा नाट्य संकुलाला नाव देणे अधिक योग्य ठरेल, असंही त्यांनी यावेळी सूचना केली आहे. 

ज्येष्ठ अभिनेते नाना पाटेकर यांचं 8 ऑक्टोबर 2026 रोजी गोव्यात वयाच्या 75 व्या वर्षी निधन झाले. तर सप्टेंबर 2026 मध्ये फ्लायदुबईच्या विमानाचे अपहरण करण्याचा प्रयत्न हाणून पाडण्याच्या धाडसी कृत्यानंतर कॅप्टन स्मित मच्छर यांचं जगभरात कौतुक होतंय. दरम्यान विद्याविहार पूलाचे लवकर उद्घाटन होणार असून ते प्रवाशांसाठी खुल करण्यात येणार आहे. त्यामुळे आता या पूलाला कोणाचे नाव देण्यात येईल हे पाहावं लागणार आहे.