राम पूर्णेकरांने दाखवलेल्या बंदूकवाला त्या व्हिडीओवर राजेंद्र शिंदेंची पहिली प्रतिक्रिया, पोलिसांच्या चौकशीनंतर...

प्रदीप पूर्णेकर यांच्या हत्या झाल्यावर त्यांच्या मुलगा राम पूर्णेकर यांनी कायम माजी नगरसेवक मीनाक्षी शिंदे आणि तिचे पती राजेंद्र शिंदे यांना या हत्येमागील सूत्रधार असल्याचा आरोप केला आहे. वडिलांच्या हत्येबद्दल राम पूर्णेकर यांनी एक फोटो आणि व्हिडीओ सर्वांसमोर दाखवून या प्रकरणात नवीन ट्विस्ट निर्माण केला आहे. राजेंद्र शिंदे यांनी आरोपी निखील यादवला बंदूक चालवायला शिकवली आहे, असा गंभीर आरोप राम पूर्णेकर यांनी केला आहे. यासंदर्भातील एक व्हिडीओ आणि फोटोही दाखवला आहे.

दरम्यान राम पूर्णेकर यांच्या आरोपानंतर राजेंद्र शिंदे यांनी त्या व्हिडीओवर प्रतिक्रिया दिली आहे. पोलीस स्टेशनच्या बाहेर आल्यावर राजेंद्र शिंदे म्हणाले की, प्रदीप पूर्णेकर हत्या प्रकरणात माझी चौकशी सुरू आहे. माझ्यावरील आरोपांना मी योग्य वेळी उत्तर देईल. तर राम पूर्णेकर यांनी दाखवलेला व्हिडीओबद्दल मला काही माहिती नाही. तो व्हिडीओ मी पहिले बघतो त्यानंतर मी त्यावर प्रतिक्रिया देईल, असं ते म्हणालेत.

हेसुद्धा वाचा  - प्रदीप पूर्णेकर हत्या प्रकरणात मुलगा राम यांचा मोठा खुलासा, बंदूकवाला 'तो' व्हिडीओ दाखवत, राजा शिंदेंवर...

पोलिसांनी राजेंद्र शिंदे यांची पहिल्या दिवशी आठ तास त्यानंतर सलग दुसऱ्या दिवशी नऊ तास चौकशी झाली. आजही बुधवारी पाचव्यांदा पोलिसांनी राजेंद्र शिंदेंची सात तास चौकशी घेतली आहे. पोलिसांनी पहिल्या दोन चौकशीमध्ये आरोपीच्या समोर बसून चौकशी केली. या चौकशीदरम्यान त्या पकडलेल्या मारेकऱ्यांना मी ओळखतो असं राजेंद्र शिंदेंनी पोलिसांना सांगितलं. पण माझी पत्नी माजी नगरसेविका आहे. त्यांना भेटण्यासाठी अनेक मंडळी येतात, तशीच ही आली होती. तेव्हा मी त्यांना पाहिलं होतं, असं पोलिसांना राजेंद्र शिंदेंनी सांगितलं. 

पोलीस सूत्रांनी दिलेल्या माहितीनुसार संतोष टल्ली, अमित पपलू आणि राजेंद्र शिंदेंची एकमेकांच्या समोरासमोर बसून चौकशी करण्यात आली आहे. राम पूर्णेकर यांनी दाखवलेल्या फोटो आणि व्हिडीओमुळे राजेंद्र शिंदे यांच्या अडचणीत वाढ झाल्याच बोलं जातंय. आता पोलीस या व्हिडीओवर काय कारवाई करतात ते पाहावं लागणार आहे.