• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Marathi
  • न्यूज
  • व्हिडीओ
  • फोटो
  • व्हिडिओ रील्स
  • शहर

Add Zee Business As A Preferred Source
App
  • LIVE टीवी
  • महाराष्ट्र
  • भारत
  • विश्व
  • स्पोर्ट्स
  • मनोरंजन
  • लाइफस्टाइल
  • हेल्थ
  • धर्म
  • कामाची बातमी
  • करिअर
  • झी न्यूज मराठी
  • /महाराष्ट्र
  • /मुंबई
  • /'आज बाळासाहेब असते तर दिल्लीतील हुकूमशहांना एव्हाना...', मोदी-शाहांचा उल्लेख करत ठाकरेंच्या शिवसेनेचा हल्लाबोल

'आज बाळासाहेब असते तर दिल्लीतील हुकूमशहांना एव्हाना...', मोदी-शाहांचा उल्लेख करत ठाकरेंच्या शिवसेनेचा हल्लाबोल

"लाखो शेतकऱ्यांनी मतदान करून ज्यांना विजयी केले त्यांना पराभूत ठरवणारा नवा कायदा देवेंद्र फडणवीसांनी केला तेव्हा कोल्हापूरच्या लाखो जनतेला शिवसेनाप्रमुख बाळासाहेब ठाकरे यांची आठवण झाली."

Reported BySwapnil Ghangale
Published: Nov 17, 2026, 06:25 IST|Updated: Nov 17, 2026, 06:43 IST
joinshare
'आज बाळासाहेब असते तर दिल्लीतील हुकूमशहांना एव्हाना...', मोदी-शाहांचा उल्लेख करत ठाकरेंच्या शिवसेनेचा हल्लाबोल
Image Credit: आज बाळासाहेब ठाकरेंची 14 वी पुण्यतिथी आहे (प्रातिनिधिक फोटो, सौजन्य - 'रॉयटर्स'कडून साभार)

About the Author

Swapnil Ghangale

Swapnil Ghangale

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ट्रेंडिंग

  • न्यूज
  • फोटो
  • व्हिडीओ
पुणे, मुंबई नाही तर महाराष्ट्रातील या जिल्ह्यातील लोक अव्वल!  फॅन्सी नंबरसाठी तब्बल 19 कोटी 84 लाख रुपये मोजले

पुणे, मुंबई नाही तर महाराष्ट्रातील या जिल्ह्यातील लोक अव्वल! फॅन्सी नंबरसाठी तब्बल 19 कोटी 84 लाख रुपये मोजले

2

नवी मुंबईतील तरुणाने एकाचवेळी खरेदी केल्या 3 महागड्या कार; एवढ्या पैशात 1 कोटीचे 50 फ्लॅट विकत घेता येतील

3

टायफॉइड झाल्यावर शरीरात कोणते बदल होतात? जाणून घ्या महत्त्वाची लक्षणे

4

इमर्जिंग आशिया कप 2026 पहिल्या सामन्यात वैभव सूर्यवंशीला संधी मिळणार? कशी असेल भारताची Playing 11

5

NBCC ने सुधारली आपली चूक, 49 फ्लॅट्सबाबत कायदेशीर प्रक्रिया सुरू असल्याचं केलं मान्य; आपल्या जोखमीवर लिलावात सहभागी होण्याचं आवाहन

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

"हिंदुहृदयसम्राट शिवसेनाप्रमुख बाळासाहेब ठाकरे आपल्यात नाहीत याची जाणीव महाराष्ट्राला अलीकडे रोजच होत असते. महाराष्ट्रच कशाला, भारत देशालाही त्याच जाणिवेने अस्वस्थ वाटावे अशी परिस्थिती सभोवती दिसत आहे. बाळासाहेबांच्या प्रचंड व्यक्तिमत्त्वाला अनेक अंगे होती. महाराष्ट्राच्या सर्व जाती-उपजातींच्या आणि धर्मांच्या लोकांवर त्यांनी प्रेम केले. त्यांनी महाराष्ट्राचे डोंगर, नद्या, निसर्गावर प्रेम केले. मात्र सध्याचे मुख्यमंत्री फडणवीस विकासाच्या नावाखाली महाराष्ट्रातील डोंगर, नद्या, जंगले उद्योगपतींच्या हवाली करीत आहेत. मोठ्या प्रमाणावर जंगलतोड चालली आहे. हजारो झाडे तोडून जंगलांचे स्मशान केले जात आहे. नद्या, तळी, खाडी बुजवून तेथे बांधकामे होत आहेत. डोंगर कापले जात आहेत व त्याविरुद्ध आवाज उठवणाऱ्या जनतेला नक्षलवादी, विकासाचे शत्रू ठरवून तिचा छळ केला जात आहे. अशा वेळेला जनता एका सुरात सांगते, आज बाळासाहेब हवे होते. निसर्गाचा हा नाश त्यांनी सहन केलाच नसता," असं 'सामना'च्या पुण्यतिथी विशेष अग्रलेखात म्हटलं आहे. 

हा असला फालतूपणा चालणार नाही, जनहिताच्या आड येणारे...

‘‘अरे बाबांनो, डोंगर कापलेत तर ढग कसे अडतील? पाऊस कसा पडेल? झाडे-जंगले तोडलीत तर हवा-पाणी कसे मिळेल? का असे सैतानासारखे वागता?’’ असा सवाल करून त्यांनी जंगलतोड्या सरकारला ‘दे माय धरणी ठाय’ करून सोडले असते. सातारा, कर्जत, भीमाशंकर, आरे, गडचिरोलीतली जंगले उद्योगपती अदानींसाठी बेफामपणे तोडली जात आहेत. बाळासाहेब जितके राष्ट्रप्रेमी होते तितकेच ते निसर्गप्रेमी होते. राजकारणात असून इतका निसर्गवेडा नेता देशात दुसरा कोणी झाला नसेल. बाळासाहेबांच्या विचारांचा पाया पक्का होता. सरकारने कोल्हापूरच्या गोकुळ दूध संघाच्या निवडणुकीत लोकशाहीचा खून पाडला. बहुमत लाथाडून मुख्यमंत्री देवेंद्र फडणवीस यांनी पडेल पहेलवान विजयी करण्यासाठी नियम, कायदेच बदलून घेतले. लाखो शेतकऱ्यांनी मतदान करून ज्यांना विजयी केले त्यांना पराभूत ठरवणारा नवा कायदा देवेंद्र फडणवीसांनी केला तेव्हा कोल्हापूरच्या लाखो जनतेला शिवसेनाप्रमुख बाळासाहेब ठाकरे यांची आठवण झाली. बाळासाहेब असते तर महाराष्ट्रात ही फालतूची फडणवीसगिरी चालवून घेतली गेलीच नसती, हे तेरा कोटी मराठी जनांचे मत पडले. ‘‘नियम आणि कायदे कोणासाठी? लोकांना जेरीस आणण्यासाठी? जाळून टाका ते कायदे! मी म्हणेन, हा असला फालतूपणा चालणार नाही. जनहिताच्या आड येणारे नियम आणि कायदे बदलायला हवेत.’’ हे बाळासाहेबांनी अनेकदा सांगितले," अशी आठवण अग्रलेखात सांगण्यात आली आहे. 

आम्ही मोदी-शहांची मेंढरे नाहीत, बाळासाहेबांचा हा विचार त्यांनी...

"लोकशाही ही राज्यकर्त्यांची बटीक बनते हे त्यांचे भाष्य मोदी, शहा, राजीव कुमार व ज्ञानेश कुमार यांनी खरे करून दाखवले आहे. निवडणुका जिंकण्यासाठी या चांडाळ चौकडीने कोट्यवधी लोकांचा मताधिकार रद्द केला. मतदार यादीतून नावे वगळली. एक ना अनेक उपद्व्याप केले. त्यामुळे भारतातली लोकशाही म्हणजे राज्यकर्त्यांची गुलाम बनली आहे हे शिवसेनाप्रमुखांचे भाष्य खरे ठरले आहे. त्यांनी कोणत्याही शक्तीचा घाणेरड्या राजकारणासाठी वापर केला नाही. लोकांनी अन्याय सहन करू नये, अन्यायाविरुद्ध उसळून उठायलाच हवे असे त्यांचे मत होते. जनता म्हणजे ज्वालामुखी हवी असे त्यांना वाटे. म्हणून ते म्हणतात, ‘‘जनतेचा क्रोध असा हवा की, त्या क्रोधाचे शासनावर दडपण हवे. सतत अशी पेटून उठणारी जनता मला हवी. नाहीतर मी त्यांना लोकशाहीतील मेंढरे म्हणेन.’’ लोकशाहीची इतकी कडेकोट व्याख्या कोणीच केली नसेल. आज देशातील जनता अन्याय व मोदी-शहांच्या हुकूमशाहीविरुद्ध रस्त्यावर उतरली आहे. निवडणूक आयुक्त ज्ञानेश कुमार यांनी केलेल्या ‘व्होट चोरी’विरुद्ध लढायला उतरली आहे. जनतेचा क्रोध स्पष्ट जाणवत आहे. आम्ही मोदी-शहांची मेंढरे नाहीत. बाळासाहेबांचा हा विचार त्यांनी संघर्षाच्या मार्गावर उतरवला आहे," असं ठाकरेंच्या शिवसेनेनं म्हटलं आहे. 

बाळासाहेबांनी त्यांचे ऐतिहासिक कार्य...

"बाळासाहेबांचे संपूर्ण राजकारण हे राष्ट्रवादी आणि जनतावादी होते. त्यांच्या राजकारणाचा मुख्य बिंदू महाराष्ट्रातला सामान्य कामगार आणि शेतकरी राहिला. बाळासाहेब लेखणी, वाणी, कुंचल्याच्या फटकाऱ्यांतून कडाडत राहिले व त्या फटकाऱ्यांनी महाराष्ट्र सदैव सावधान आणि जागता राहिला. बाळासाहेबांच्या वागण्या-बोलण्यात एक ‘डौल’ होता. तो ‘डौल’ जनमानसावर प्रभाव टाकीत असे. शिस्त, काटेकोरपणा हा त्यांचा मुख्य गुण होता. त्यांच्या जीवन प्रवाहात नकारघंटेला स्थान नव्हते. निर्णय घ्यायचा व अंमलबजावणी सुरू करायची हे त्यांचे धोरण होते. बाळासाहेबांनी जुना इतिहास चिवडला नाही. त्यांनी नवा इतिहास निर्माण केला. आज जुन्या इतिहासाची राखरांगोळी करून राज्यकर्ते देशात राखेचा धुरळा उडवत आहेत. त्यांनी स्वतः तर काहीच घडवले नाही, परंतु जे उभे होते तेही नष्ट केले. तीर्थयात्रेच्या ठिकाणी माकडांनी धुमाकूळ घालावा अशी सध्या देशातील परिस्थिती झाली आहे. हा धुमाकूळ पाहून देशातील सुबुद्ध जनता शेवटी रस्त्यावर उतरली आहे आणि ही रस्त्यावर उतरलेली जनता म्हणते आहे की, ‘‘आज बाळासाहेब असते तर दिल्लीतील हुकूमशहांना एव्हाना पळून जावे लागले असते.’’ बाळासाहेब हे एक महान व्यक्तिमत्त्व होते. त्यांनी त्यांचे ऐतिहासिक कार्य पूर्ण केले. त्याबद्दल महाराष्ट्र आणि देश त्यांचा सदैव ऋणी राहील," असं लेखाच्या शेवटी म्हटलं आहे.

Add Zee News as a Preferred Source
TAGS:
Shiv Sena UBT
Maharashtra Politics
Marathi News