'फडणवीस आणि सरकारला सत्तेची मस्ती', गोकुळवरुन संजय राऊत संतापले, म्हणाले 'भाजपाची चरबी वाढलीये, CM ना....'

तुम्हाला गोकुळमधील विजय पचत नसेल तर महाराष्ट्रात राजकारण करण्यासाठी लायक नाही अशा शब्दांत शिवसेना खासदार संजय राऊतांनी मुख्यमंत्री देवेंद्र फडणवीस आणि भाजपावर टीका केली आहे.

Reported ByShivraj Yadav

Published: Nov 05, 2026, 10:36 AM IST|Updated: Nov 05, 2026, 10:41 AM IST

join share

'फडणवीस आणि सरकारला सत्तेची मस्ती', गोकुळवरुन संजय राऊत संतापले, म्हणाले 'भाजपाची चरबी वाढलीये, CM ना....'

Image Credit: गोकुळवरुन संजय राऊत संतापले

कोल्हापुरातील गोकुळ दूध संघाच्या अध्यक्षपदाच्या निवडणुकीचा वाद आता आणखी चिघळण्याची शक्यता आहे. गोकुळच्या सत्तेसाठी महायुती सरकारने मोठा निर्णय घेतलाय. 3 हजार कोटींपेक्षा अधिक वार्षिक उलाढाल असलेल्या सहकारी संस्थांमध्ये आता दोनऐवजी 4 शासननियुक्त संचालक नेमले जाणार असून, त्यांनाही मतदानाचा अधिकार मिळणार आहे. त्यामुळे गोकुळ मधील सत्तेचे गणित बदललेले आहे. सरकारच्या या निर्णयावरून आता राजकीय आरोप-प्रत्यारोपही सुरू झालेत. शिवसेना खासदार संजय राऊतांनी देवेंद्र फडणवीस आणि त्यांच्या सरकारला सत्तेची मस्ती आली आहे अशा शब्दांत टीका केली आहे.

गोकुळ गुजरात लॉबीला विकायचा डाव....

"हा मोठा नसून अत्यंत छोटा निर्णय आहे. देवेंद्र फडणवीस आणि त्यांच्या सरकारला आलेली सत्तेची मस्ती आहे. लोकशाही न मानण्याची त्यांची भूमिका आहे. ज्या गोकुळच्या निवडणुकीत समविचारी पॅनेलला 25 पैकी 13 जागांवर विजय मिळवत बहुमत मिळालं आहे ते डालवून जे पराभूत झाले त्यांच्या हातात पुन्हा एकदा गोकुळ द्याययचं आणि ते गुजरात लॉबीला विकायचा डाव फडणवीस करत असतील तर महाराष्ट्र आणि शेतकऱ्यांशी बेईमानी करत आहेत," असा संताप संजय राऊतांनी व्यक्त केला आहे.

भाजपाची चरबी वाढली आहे

"रस्त्यावर यांच्याविरोधात लोक उतरले आहेत. यांना नियमांची जाण नाही, शेतकऱ्यांच्या भावना समजत नाही. शेतकऱ्यांनी त्यांना आवडणारं पॅनेल निवडून दिलं. पण हे लोकभावना दडपून टाकत आहेत. ही मस्ती कुठून आली? स्वतचं पॅनेल किंवा सत्ता यावी यासाठी शासन 4 संचालक आपल्या मर्जीने नेमणार याला चरबी म्हणतात. भाजपाची चरबी वाढली आहे. भाजपाला आलेली ही चरबी जनता उतरवेल," असा इशाराच त्यांनी दिला आहे.

...तर महाराष्ट्रात राजकारण करण्यासाठी लायक नाही

"लोकशाही मार्गातून आलेले पॅनेल आहे. एका बाजूला देवेंद्र फडणवीस, जेव्हा राहुल गांधी लोकशाही रक्षणासाठी आणि रेजिम चेंजच्या नावाखाली रस्त्यावर उतरतात तेव्हा शेवटच्या श्वासापर्यंत रेजिम चेंज होऊ देणार नाही कारण लोकशाही मार्गाने सरकार आलं आहे असं सांगतात. मग गोकुळ काय आहे? गोकुळही लोकशाही मार्गाने आलेलं पॅनेल आहे. तुम्हाला हा विजय पचत नसेल तर महाराष्ट्रात राजकारण करण्यासाठी लायक नाही," असा हल्लाबोल त्यांनी केला आहे.

साडे पाच लाख शेतकऱ्यांचा हा कौल

पुढे ते म्हणाले की, "ज्या महाराष्ट्रात डॉक्टर बाबासाहेब आंबेडकर, शाहू, फुले आणि लोकशाहीचे अनेक स्तंभ निर्माण झाले तिथे बहुमताचा अनादर करुन पराभव झालेल्यांना सत्तेत आणत आहेत. पण लोक तुम्हाला कोल्हापूरच्या रस्त्यावरच याचा जाब विचारतील. हा आता जनतेचा लढा व्हायला पाहिजे. साडे पाच लाख शेतकऱ्यांचा हा कौल आहे. राज्याचे मुख्यमंत्री आणि केंद्रीय सहकारमंत्री हा कौल मानत नसतील. पराभूत झालेल्यांसाठी नियम, संविधान बदल आहात, कारण हा पराभव तुम्हाला स्विकारता येत नाही. शेतकरी, मतदारांनी तुमचा पराभव केला आहे. लोकशाही रक्षणसाठी हा लढा उभा राहिला आहे".

फडणवीसांना किंमत मोजावी लागेल

"गोकुळ वाचवण्यासाठी महाविकास आघाडीने एकत्र आलं पाहिजे. निवडून आल्यावरही जनतमताचा आदर करायचा नाही ही नवी परंपरा फडणवीसांनी सुरु केली असून त्याची किमत मोजावी लागेल. अमित शाह तर मोजणारच आहेत. मी त्यांना काय परिस्थिती आहे यासंदर्भात पत्र लिहिलं होतं. पण त्यांची वृत्ती झुंडशाहीची आहे. ती मोडून काढून टाकली जाईल," असाही इशारा त्यांनी दिला आहे.

Add Zee News as a Preferred Source

TAGS:

About the Author

Shivraj Yadav

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा