गणपतीत रेकी, हत्येआधी सिक्रेट मिटींग, बड्या राजकीय नेत्याचा कट; प्रदीप पुर्णेकरांना कसं सपवलं? मुलाने सगळंच सांगितलं

मंगळवारी ठाण्याच्या मानपाडा परिसरात ठाकरे गटाचे विभागप्रमुख प्रदीप पुर्णेकर यांच्यावर गोळीबार करण्यात आला. पूर्णेकरांचा उपचारादरम्यान मृत्यू झाला आहे. त्यानंतर मनोरमा नगर परिसरासह ठाण्यात खळबळ माजली आहे. पोलिसांनी दिलेल्या माहितीनुसार पूर्णेकरांवर प्राणघातक हल्ला करण्यासाठी पाच जण आले होते. त्यांनी त्यांच्यावर चार राऊंड फायरिंग करण्यात आली आहे. पूर्णेकर मानपाड्यातील कार्यालयात असताना दोघांच्या त्यांच्यावर गोळीबार केल्याची प्राथमिक माहिती आहे. दरम्यान या प्रकारानंतर रुग्णालयाबाहेर जमलेल्या जमावानं घोडबंदर मार्गावर ठिय्या आंदोलन केलं. तसेच गुन्हेगाराला तात्काळ अटक करण्याची मागणी केली.

पोलिसांनी दिलेल्या माहितीनुसार या प्रकरणात पाच संशयित मारेकरी आहेत. निखिल यादव, पप्या शिंदे, आकाश निमसे, संतोष कनोजिया आणि अनोळखी आहेत. यातील आरोपी पप्या शिंदे आणि आकाश निमसे पोलिसांनी ताब्यात घेतलंय. क्राईम ब्रांच चे पथक देखील शोध घेत आहेत अशी माहिती पोलीस उपायुक्त प्रशांत कदम यांनी सांगितले आहे.

दरम्यान प्रदीप पूर्णेकर यांचा मुलगा राम पुर्णेकर आणि भाऊ जयनाथ पुर्णेकर यांनी अनेक गंभीर आरोप केल्यामुळे या प्रकला वेगळेच वळण आलंय. प्रदीप पुर्णेकर यांच्या हत्येमागे ठाण्याच्या माजी महापौर मिनाक्षी शिंदे आणि राजेंद्र शिंदे यांया हात असल्याचा आरोप पुर्णेकरांच्या कुटुंबियांनी केला आहे. 

प्रदीप यांच्या मुलगा  राम पुर्णेकर यांनी आरोप केला आहे की, या हत्येच्या काही दिवस आधी राजा शिंदे यांनी हल्लेखोरांसोबत सिक्रेट मिटींग घेतली होती. हे आपण आपल्या डोळ्यांनी पाहिलं होतं.

ते पुढे म्हणाले की, दीड वर्षापूर्वी पप्पांनी मला मीनाक्षी शिंदे आणि राजेंद्र शिंदे या दोघांबद्दल सांगितलं होतं. हे लोकं मला मारायच्या प्रयत्नात आहेत, असं ते म्हणाले होते. या लोकांनी माझ्या पप्पांना कॉल करून धमकीही दिली होती. ही धमकी सर्वांनी ऐकलेली की बाळूला आम्ही जीवे मारून टाकणार आहे. आता चार दिवस आधी म्हणजेच विसर्जनच्या एक दिवस अगोदर राजेंद्र शिंदे आणि हे चार-पाच जे आरोपी आहेत. त्यांची नीलकंठ ग्रीन्सला एक मिटींग केली होती. इथेच मीनाक्षी शिंदे आणि राजेंद्र शिंदे राहतात. माझ्यासोबत अजून दोन जण होते ज्यांनी त्या दोघांना पाहिलं आहे. फक्त राजेंद्र शिंदे होता, मीनाक्षी नव्हती, असंही त्यांनी सांगितलं. माझ्या पप्पांना जोपर्यंत न्याय नाही भेटत तोपर्यंत आम्ही इथून हलणार नाही किंवा माझ्या डॅडची बॉडी आम्ही लोकं इथून नेणार नाही, असं त्यांनी सांगितलं. 

ते पुढे म्हणाले की, या लोकांची प्लॅनिंग खूप आधीपासून सुरु होती. कालही त्यांच्याकडून हत्या करण्याच्या प्रयत्नात केला होता पण त्यांचा प्लॅन अशस्वी झाला होता. कारण त्यावेळी आम्ही सगळे तिथे उपस्थितीत होतो. आज कोणीच नव्हतं आणि त्यांनी संधी साधली. 

यावेळी प्रदीप पूर्णेकर यांचे बंधू आणि माजी नगरसेवक जयनाथ पुर्णेकर यांनीही याबाबत खळबळजनक आरोप केला आहे. हा सगळा प्रकार गणपतीपासून सुरू असून मी सर्व आरोपींना ओळखत होतो. त्या आरोपींना मोठं करायचं काम आम्हीच केलं. त्यांना तीन चार केसेसमधून मी स्वत: वाचवलं आहे, असंही त्यांनी सांगितलं.