टायगर श्रॉफ गोळीबार प्रकरणात नवा ट्विस्ट! ट्रान्झिट रिमांडमध्ये आरोपींसोबत...आरोपींच्या वकिलाचा आरोप तर मोबाईल फोनबद्दल पोलिसांची कोर्टात मोठी अपडेट

टायगर श्रॉफवरील गोळीबार प्रकरणात तिन्ही आरोपींना मुंबईच्या किल्ला कोर्टाने पोलीस कोठडी सुनावली आहे. कोर्टात सुनावणीदरम्यान आरोपींच्या वकिलाने मोठा आरोप केला आहे.

Written ByNeha ChaudhariEdited ByNeha Chaudhari

Published: Oct 21, 2026, 06:08 PM IST|Updated: Oct 21, 2026, 06:12 PM IST

join share

टायगर श्रॉफ गोळीबार प्रकरणात नवा ट्विस्ट! ट्रान्झिट रिमांडमध्ये आरोपींसोबत...आरोपींच्या वकिलाचा आरोप तर मोबाईल फोनबद्दल पोलिसांची कोर्टात मोठी अपडेट

Image Credit: Tiger Shroff

अभिनेता टायगर श्रॉफच्या गोळीबार प्रकरणात आज तिन्ही आरोपींना मुंबईतील किल्ला कोर्टात हजर करण्यात आलं. मुंबई पोलिसांच्या गुन्हे शाखेने कोर्टात आरोपींसाठी 14 दिवसांच्या पोलीस कोठडीची मागणी केली होती. यावेळी कोर्टाने तिन्ही आरोपींना 31 ऑक्टोबरपर्यंत पोलीस कोठडी सुनावली आहे. कोर्टात पोलिसांनी आणि आरोपींच्या वकिलाने महत्त्वाचे अपडेट दिले आहेत. टायगर श्रॉफवर गोळीबार केल्यानंतर आरोपींनी आपले मोबाईल फोनसह हत्यारही नष्ट केले आहेत.

पोलिसांनी कोर्टात काय सांगितलं?

पोलिसांनी 14 दिवसांच्या पोलीस कोठडीची मागणी करताना कोर्टात सांगितलं की, या प्रकरणात लॉरेन्स बिश्नोई टोळीचा सूत्रधार अनिल पंडित याचं नाव समोर आलंय. त्यामुळे या गु्न्ह्याची व्याप्ती फार मोठी आहे. या आरोपींविरोधात शस्त्र कायद्यान्वये गुन्हा दाखल केला आहे. पोलिसांनी कोर्टात हेही सांगितलं की, टायगर श्रॉफवरील हल्ल्यात लॉरेन्स बिश्नोई टोळीचा सहभाग असल्याने आरोपींना पोलीस कोठडी द्या. पोलिसांनी सर्वात मोठी अपडेट दिली आहे की, या तिघांसोबत आणखी पाच आरोपींना अटक केली आहे.

सरकारी वकिलाने सांगितलं की, अटकेत असलेले तिघेही आरोपी हे नोंदणीकृत गुन्हेगार आहेत. सीसीटीव्ही कॅमेऱ्यांची तपासणी करून आणि त्यांच्या बाईकचा माग काढल्यानंतर आरोपींना अटक केली गेली आहे.

कोर्टात आरोपीच्या वकिलाने काय युक्तीवाद केला?

आरोपीच्या वकिलाने कोर्टात युक्तीवाद करताना म्हटलं की, हे तिघही निर्दोष आहेत. त्यांचा काहीही संबंध नसून त्यांना पोलीस कोठडीची गरज नाही. या तिघांचा कोणत्याही प्रकारच्या षडयंत्रात सहभाग नाही. गुन्ह्याची व्याप्ती मोठी असल्याचे वर्णन करण्यात येतं आहे. तर तिघांना केवळ संशयावरूनच अटक झाली आहे. महत्त्वाचे म्हणजे आरोपींची 48 तासांची पोलीस कोठडी देण्यात आली आहे. या तिघांची रात्रभर चौकशी करण्यात आली आहे. तसंच प्रवासादरम्यान मध्येच थांबून रेल्वे क्वाटर्समध्येही तिघांची चौकशी करण्यात आल्याचा आरोप वकिलाने केला आहे. कोर्टात वकिलाने असा प्रश्न उपस्थितीत केला की, ट्रान्झिट रिमांडमध्ये चौकशी करू शकत नाहीत मग चौकशी कशी काय केली.

Add Zee News as a Preferred Source

TAGS:

Tiger Shroff

Mumbai

crime

About the Author

Neha Chaudhari

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात. यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात. ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.