पुणे हादरले! कचऱ्याच्या ढिगाऱ्यात रक्ताने माखलेली गोण, उघडून बघितल्यावर कर्मचारी हादरले, मानवी पाय...

पुण्यात एक धक्कादायक घटना समोर आली आहे. पिंपळे गुरवमध्ये कचऱ्याच्या ढिगाऱ्यात मानवी पायाचे तुकडे आढळल्याने एकच खळबळ उडाली आहे. या प्रकरणाचा पोलिसांकडून तपास सुरू आहे. या घटनेमुळं स्थानिकांमध्ये एक भीतीचे वातावरण पसरले आहे.

मिळालेल्या माहितीनुसार, शुक्रवारी सकाळी साधारण 11 वाजण्याच्या सुमाराल कृष्णा लोट आणि ओमकार काळे परिसरातील कचरा गोळा कऱण्यासाठी पोहोचले. याच दरम्यान त्याचे लक्ष रस्त्याच्या किनारी असलेल्या एका पोत्यावर गेली. पोत्यावर रक्ताचे डाग आढळल्यावर त्यांचा संशय बळावला.

सुरुवातीला त्यांना वाटलं की, पोत्यात कुत्र्याचे पाय असू शकतात. पण जेव्हा त्यांनी ते पोतं उघडून बघितलं तेव्हा त्यांना मोठा धक्का बसला. त्यात कोणत्या प्राण्याचे नाही तर मानवी पाय होते. गुडघ्याच्या खालून पाय कापण्यात आले होत. त्यानंतर दोघांनीही तात्काळ पोलिसांना या घटनेची माहिती दिली. पोलिसांना सूचना मिळताच सांगवी पोलिसांची टीम घटनास्थळी पोहोचली आणि परिसरात तपासाला सुरुवात केली.

पोलिसांनी दिलेल्या माहितीनुसार,  पिंपळे गुरव मधल्या रामकृष्ण मंगल कार्यालय ते काटे पुरम चौकाकडे जाणाऱ्या रस्त्याच्या कडेला असलेल्या मोकळ्या जागेतील कचऱ्याच्या ढिगाऱ्यात दोन मानवी पायाचे तुकडे आढळून आले आहेत. हे पाय पुरुष जातीच्या मृतदेहाचे असून ते नेमके कोणाचे आहेत, याबाबत अजून कोणतीही ओळख पटलेली नाही. हे पाय कोणाचे आहेत याचा छडा लावण्याचे मोठे आव्हान पोलिसांसमोर उभे ठाकले आहे.

प्राथमिक अंदाजानुसार, हत्या करण्यात आल्यानंतर मृतदेहाची विल्हेवाट लावण्यासाठी त्याचे तुकडे करुन दे विविध ठिकाणी फेकण्यात आले असावे, असा संशयही व्यक्त करण्यात येत आहे. मात्र अद्याप या बाबत ठोस कोणताही पुरावा सापडला नाही. तसंच, हे पाय कोणाचे आहेत याचा छडा लावण्याचे मोठे आव्हान पोलिसांसमोर उभे ठाकले आहे.

प्रकरणाचे गांभीर्य लक्षात घेता, पोलीस उपआयुक्त संदीप अटोळे, सहाय्यक पोलीस आयुक्त मनीषा कदम आणि वरिष्ठ पोलीस निरीक्षक जितेंद्र कोळी हे देखील घटनास्थळी दाखल झाले आहेत. तपासासाठी गुन्हे शाखेचे एक पथकही तैनात करण्यात आले आहे.

पुरावे शोधण्यासाठी घटनास्थळी श्वान पथकालाही बोलावण्यात आले आहे. श्वान पथकाच्या मदतीने पोलीस संशयिताचा माग काढण्याचा प्रयत्न करत आहेत. सध्या, पोलीस सापडलेल्या मानवी अवयवांची ओळख पटवून संपूर्ण घटनेमागील गूढ उकलण्याचे काम करत आहेत. हत्येची शक्यता किंवा इतर काही हेतू यासह प्रकरणाच्या सर्व पैलूंचा तपास केला जात आहे.