मालवणच्या समुद्र किनाऱ्यावर नरकासुरचे दहन; कोकणात दिवाळीची अनोखी परंपरा
कोकणात पारंपारिक पद्धतीने दिवाळीची सुरुवात करण्यात आली.मालवणच्या समुद्र किनाऱ्यावर नरकासुरचे दहन करण्यात आले.
दिवाळी 2026 : महाराष्ट्रासह भारतात दिवाळाचा उत्साह पहायला मिळत आहे. महाराष्ट्रात देखील विविध ठिाणी अनोख्या पद्धतीने दिवाळी साजरी केली जाते. मालवणच्या समुद्र किनाऱ्यावर नरकासुरचे दहन करण्यात आले. कोकणात दिवाळीची अनोखी परंपरा पहायला मिळते.
सिंधुदुर्ग जिल्ह्यात नरक चतुर्दशी दिवशी नरकासुर दहन करून दिवाळीची सुरुवात करण्यात आली. नरकचतुर्थीच्या पूर्वसंध्येला जिल्ह्यात ठीकठीकाणी नरकासुर स्पर्धा भरविण्यात आली होती. यावेळी हौशी मंडळाकडून मोठमोठे नरकासुर स्पर्धेत उतरवण्यात आले होते.
यावर्षी कणकवली, कुडाळ, मालवण, सावंतवाडीसह इतर ठीकाणी नरकासुर स्पर्धेचे आयोजन करण्यात आले होते. ही स्पर्धा संपल्यानंतर नरकासुरांची वाजतगाजत धिंड काढण्यात आली. सकाळी ठीकठीकाणी नरकासुराचे दहन करण्यात आले. नरकासुर दहन पहाण्यासाठी लोकांनीही मोठ्या उत्साहाने गर्दी केली होती.
श्रीकृष्णाने आजच्या दिवशी नरकासुर राक्षसाचा वध करून असुरी शक्तीचा नाश केला होता. त्याचे प्रतीक म्हणून सिंधुदुर्ग मध्ये दरवर्षी नरकासूर दहन करून दिवाळीची सुरुवात केली जाते.
हिंजवडीमधल्या ग्रामदैवत श्री म्हातोबा महाराजांच्या मंदिराला आकर्षक विद्युत रोषणाई
पुण्याची ''सिलिकॉन व्हॅली'' म्हणून जगभरात ओळख असलेल्या हिंजवडी गावाने आधुनिकतेसोबतच आपल्या धार्मिक आणि सांस्कृतिक परंपरांचा वारसा आजही जपला आहे. दिवाळीच्या मंगलमय पर्वानिमित्त हिंजवडी मधल्या ग्रामदैवत श्री म्हातोबा महाराजांचे मंदिर आकर्षक विद्युत रोषणाईने उजळून निघाले असून मंदिर परिसरात भक्तिमय आणि प्रसन्न वातावरण निर्माण झाले आहे. नागेश साखरे यांच्याकडून दिवाळीनिमित्त श्री म्हातोबा महाराजांच्या चरणी आकर्षक रोषणाई सेवेचे समर्पण केले आहे.