विहिरीखालून धावतेय ट्रेन? कोकणातील 'त्या' रहस्यमय विहिरीचं गूढ समोर, कोकण रेल्वेने...

गेल्या काही दिवसांपासून सोशल मीडियावर एक व्हिडिओ व्हायरल होतोय. या व्हिडिओत एका विहिरीतून रेल्वे धावत असल्याचं दिसतंय. या व्हिडिओवर अनेकांनी आश्चर्य व्यक्त केलं आहो. कोकणातील या व्हिडिओची तुफान चर्चा होती. मात्र आता कोकणातील रहस्यमय विहिरीचं सत्य समोर आलं आहे.

नेमकं प्रकरण काय?

सध्या सोशल मीडियावर कोकणातील एका विहिरीचा थरारक व्हिडिओ तुफान व्हायरल होतोय. ज्याच्या तळाशी चक्क रेल्वे ट्रॅक आणि त्यावर सुसाट धावणारी ट्रेन दिसतेय. त्यामुळं प्रथमदर्शनी असं वाटतंय की विहिरीतून ट्रेन धावतेय.  अनेकांचा ही पाण्याचे विहीर असल्याचा भ्रम होतोय. पण यामागचं नेमकं सत्य काय?

​चिपळूणजवळील सावर्डे-कोंडामाळा भागात दिसणारी ही रचना कोणतीही पाण्याची विहीर नसून. कोकण रेल्वेच्या बोगद्याचा 'व्हेंटिलेशन शाफ्ट' आहे. बोगद्यात हवा खेळती राहावी, उष्णता व धूर बाहेर पडावा आणि हवेचा दाब नियंत्रित राहावा म्हणून डोंगर पोखरून थेट ट्रॅकपर्यंत ही उभी छिद्रे तयार करण्यात आली आहेत. तसंच, आपत्कालीन स्थितीत बोगद्यापर्यंत पोहोचणे किंवा प्रकाश येण्यासाठी अशा प्रकारचे सिमेंटचे उंच शाफ्ट (कूपनलिका) बांधले जातात.

हा खड्ड्याची खोली 200 ते 250 फूट इतकी आहे. कोकण रेल्वे मार्ग डोंगर पोखरून बनलेला असल्याने यात लहान मोठे अनेक डोंगर आहेत. बोगद्यातून ट्रेन जात असताना प्रवाशांना गुदमरल्यासारखे होऊ नये म्हणून, हवा खेळती राहावी, म्हणून असे बोगदे बांधण्यात येतात, असं कोकण रेल्वेने म्हटलं आहे.

कुठे आहे हे स्थान

हा 6.5 किमी लांबीचा करबुडे बोगदा उक्षी आणि भोके (चिपळूण जवळ, महाराष्ट्र) रेल्वे स्थानकांदरम्यान आहे.

वरून पाहताना हुबेहूब विहिरीसारखी दिसणारी ही जागा म्हणजे निसर्ग आणि कोकण रेल्वेच्या अद्भूत इंजिनिअरिंगचा एक थक्क करणारा नमुना आहे. ट्रेन प्रत्यक्षात विहिरीतून नाही, तर जमिनीखालून जाणाऱ्या रेल्वे बोगद्यातून धावते आहे. आत्तासारखी तेव्हा तंत्रज्ञान नसतानाही अशाप्रकारचे बोगदे तयार करणे म्हणजे इंजिनिअरींगचा अद्भूत नमुना आहे.