डोंबिवलीत विवाहितेसोबत धक्कादायक प्रकार; 70 व्हिडिओ व्हायरल करण्याची धमकी

 डोंबिवली क्राईम : डोंबिवलीत मैत्रीचा फायदा घेत विवाहितेशी प्रेमसंबंध निर्माण केल्यानंतर तिचे तब्बल 70 हून अधिक व्हिडिओ काढल्याचा आरोप आहे. विवाहितेने संबंध ठेवण्यास नकार दिल्यानंतर हे व्हिडिओ व्हायरल करण्याची धमकी देत तरुणाने तिला ब्लॅकमेल करण्यास सुरुवात केली. एवढंच नाही तर आरोपीने विवाहितेच्या पतीला तिचे फोटो पाठवल्याचा आरोप आहे. या प्रकरणी महिलेने मानपाडा पोलीस ठाण्यात तक्रार दाखल केल्यानंतर पोलिसांनी कुणाल शिंगाडे याला अटक केली आहे

डोंबिवलीतील शिरढोण परिसरात राहणाऱ्या कुणाल शिंगाडे याची संबंधित विवाहितेशी मैत्री होती. या मैत्रीचा फायदा घेत आरोपीने तिच्याशी प्रेमसंबंध निर्माण केले आणि तिचे 70 हून अधिक व्हिडिओ काढल्याचा आरोप आहे. 

काही काळानंतर विवाहितेने संबंध ठेवण्यास नकार दिल्याने आरोपीने व्हिडिओ सोशल मीडियावर व्हायरल करण्याची धमकी देत ब्लॅकमेल केल्याचे तक्रारीत नमूद आहे. त्यानंतर आरोपीने महिलेच्या पतीला तिचे फोटो पाठवल्याचाही आरोप आहे. या प्रकाराला कंटाळून महिलेने मानपाडा पोलीस ठाण्यात धाव घेत तक्रार दाखल केली. तक्रारीनंतर पोलिसांनी गुन्हा दाखल करत कुणाल शिंगाडे याला अटक केली असून, या प्रकरणाचा पुढील तपास मानपाडा पोलीस करत आहेत.

नाशिकमध्ये सासरच्या छळाला कंटाळून विवाहितेचा मृत्यू

नाशिकमध्ये एक धक्कादायक घटना समोर आली आहे...या घटनेत सासरच्या छळाला कंटाळून विवाहितेनं विषारी औषध प्राशन करून आत्महत्या केल्याचं उघड झालं आहे... दीपाली पवार असं आत्महत्या केलेल्या महिलेचं नाव असून आरोपी पतीसह सासू-सास-याला अटक करण्यात आलीये...सासरच्या मंडळींकडून तिला मानसिक त्रास  दिपालीच्या नोकरीतून मिळणाऱ्या पगाराच्या पैशांवरूनही तिच्यावर दबाव आणला जात असल्याचा गंभीर आरोप तिच्या वडिलांनी फिर्यादीत केला आहे..चारित्र्यावर पतीकडून संशय घेतला जात असल्याचा दावा दिपालीच्या कुटुंबियांनी केलाय..  सततचा संशय, कौटुंबिक दबाव आणि मानसिक त्रासामुळे दिपाली तणावाखाली असल्याचं तिच्या कुटुंबियांचं म्हणणं आहे...