SOCIAL MEDIA

Newsletter

PARTNER SITES
Select Language Select State

‘समिती स्थापन होईपर्यंत एकही झाड तोडू नका’; ठाणे रिंग मेट्रोच्या वृक्षतोडीसंदर्भात हायकोर्टने पालिकेला सुनावलं!

ठाणे इंटिग्रल रिंग मेट्रो प्रकल्पातील वृक्षतोडीला मुंबई उच्च न्यायालयाचा तूर्तास ब्रेक लागलाय. तीन आठवड्यांत वृक्ष प्राधिकरण समिती स्थापन करण्याचे ठाणे महापालिकेला निर्देश दिले आहेत.

Reported By Pravin Dabholkar Written By Pravin Dabholkar
Published: Nov 19, 2026, 10:26 IST | Updated: Nov 19, 2026, 10:34 IST
Image Credit: वृक्षतोडीवरुन हायकोर्टाचे आदेश (फोटो सौजन्य-गुगल)
Join

ठाणे इंटिग्रल रिंग मेट्रो प्रकल्पासाठी होणाऱ्या वृक्षतोडीला मुंबई उच्च न्यायालयाने तूर्तास ब्रेक लावला आहे. ठाणे महापालिकेने तीन आठवड्यांच्या आत कायदेशीर वृक्ष प्राधिकरण समिती स्थापन करावी, असे निर्देश न्यायालयाने दिले आहेत. तसेच समिती स्थापन होईपर्यंत एकही झाड तोडू नये, असे स्पष्ट करत न्यायालयाने महापालिका प्रशासनाला सुनावले. या निर्णयामुळे मेट्रो प्रकल्पाच्या मार्गातील वृक्षतोडीचा मुद्दा पुन्हा चर्चेत आला आहे.

वृक्ष प्राधिकरण नसताना परवानग्या दिल्या?

ठाणे इंटिग्रल रिंग मेट्रो प्रकल्पासाठी मोठ्या प्रमाणावर झाडे तोडली जाणार असल्याच्या मुद्द्यावर पर्यावरण कार्यकर्ते रोहित मनोहर जोशी यांनी मुंबई उच्च न्यायालयात जनहित याचिका दाखल केली होती. ठाणे महापालिकेत कायद्यानुसार आवश्यक असलेले वृक्ष प्राधिकरण अस्तित्वात नसताना वृक्षतोड आणि पुनर्रोपणाच्या परवानग्या देण्यात आल्याचा आरोप याचिकेत करण्यात आला. या परवानग्यांना आव्हान देताना समितीची स्थापना आणि संबंधित निर्णयांची कायदेशीर प्रक्रिया तपासण्याची मागणी करण्यात आली होती.

519 झाडे तोडणार?

ठाणे रिंग मेट्रोच्या कामामुळे झाडांवर मोठा परिणाम होणार आहे. एका प्रस्तावानुसार 519 झाडे तोडण्यास आणि 2 हजार 800 झाडांचे पुनर्रोपण करण्याचे नियोजन आहे. याशिवाय भरपाई म्हणून 37 हजार नवीन झाडे लावण्याचे महामेट्रोचे नियोजन आहे.

वारसा वृक्षांचाही मुद्दा ऐरणीवर

मेट्रो मार्गाच्या संरेखनामुळे बाधित होणाऱ्या झाडांमध्ये काही वारसा वृक्षांचाही समावेश असल्याचा दावा याचिकेत करण्यात आला आहे. या झाडांचे पुनर्रोपण करताना त्यांचे वय, प्रजाती आणि पर्यावरणीय महत्त्व विचारात घेतले गेले आहे का, असा प्रश्न उपस्थित करण्यात आला. झाडांचे पुनर्रोपण केल्यानंतर ती प्रत्यक्षात जगतील का, याबाबतही पर्यावरणप्रेमींनी चिंता व्यक्त केली आहे.

कांदळवन, राष्ट्रीय उद्यान परिसराचाही प्रश्न

मेट्रो मार्गाचा काही भाग कांदळवन क्षेत्र आणि कांदळवन बफर झोनच्या जवळून जात असल्याचे याचिकेत नमूद करण्यात आले आहे. तसेच संजय गांधी राष्ट्रीय उद्यानाच्या संरक्षित क्षेत्राचा आणि इको-सेन्सिटिव्ह झोनचा काही भागही प्रकल्पाच्या मार्गाशी संबंधित आहे.

तीन आठवड्यांत समिती स्थापन करण्याचे निर्देश

या याचिकेवर सुनावणी करताना मुंबई उच्च न्यायालयाने ठाणे महापालिकेला तीन आठवड्यांत वृक्ष प्राधिकरण समिती स्थापन करण्याचे निर्देश दिले. समिती स्थापन होईपर्यंत झाडे तोडू नयेत, असे न्यायालयाने स्पष्ट केले. प्रशासनाकडून या काळात वृक्षतोड झाल्यास याचिकाकर्त्याला पुन्हा न्यायालयात दाद मागण्याची मुभाही देण्यात आली आहे. या प्रकरणाची पुढील सुनावणी २१ डिसेंबर रोजी होणार आहे. त्यामुळे समितीची स्थापना आणि मेट्रो प्रकल्पातील वृक्षतोडीबाबत पुढे काय निर्णय होतो, याकडे ठाणेकरांचे लक्ष लागले आहे.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES